ممدانی کا پہلابڑا قدام، سابق میئر کے تمام ایگزیکٹو آرڈرز منسوخ کر دیے
اشاعت کی تاریخ: 3rd, January 2026 GMT
یہ اقدام بروکلین میں دستخط کیے گئے پانچ ایگزیکٹو آرڈرز میں سے ایک تھا،خطاب
آج شہر کیلئے نئی صبح کا آغاز ہے اور صرف عمل ہی ذہنوں کو بدل سکتا ہے،میئر نیویارک
آج شہر کیلئے نئی صبح کا آغاز ہے اور صرف عمل ہی ذہنوں کو بدل سکتا ہے ۔نیو یارک کے ڈیموکریٹک سوشلسٹ میئر ظہران ممدانی نے عہدہ سنبھالتے ہی اپنے پیش رو ایرک ایڈمز کے دور کے بیشتر ایگزیکٹو آرڈرز منسوخ کر دئیے۔یہ فیصلہ حلف اٹھانے کے چند گھنٹے بعد جاری ہونے والے ایک بڑے ایگزیکٹو آرڈر کے ذریعے کیا گیا، جو ان احکامات سے متعلق ہے جو ایڈمز پر فردِ جرم عائد ہونے کے بعد جاری کیے گئے تھے۔ یہ اقدام بروکلین میں کو دستخط کیے گئے پانچ ایگزیکٹو آرڈرز میں سے ایک تھا۔ اس کے تحت 26 ستمبر 2024 کے بعد ایڈمز کی جانب سے جاری کیے گئے تمام آرڈرز منسوخ کر دئیے جائیں گے۔ اسی تاریخ کو ان پر وفاقی بدعنوانی کے الزامات عائد کیے گئے تھے۔ ممدانی کا کہنا ہے کہ اس فیصلے کا مقصد نئی انتظامیہ کے لیے نیا آغاز یقینی بنانا ہے۔انہوں نے کہا کہ ایڈمز کے دور کے کچھ احکامات دوبارہ جاری کیے جا سکتے ہیں، جن میں یہ آرڈر بھی شامل ہے جس کے تحت انسدادِ یہود دشمنی کے دفتر کو برقرار رکھا گیا تھا۔ ممدانی نے اپنی تقریر میں کہا کہ یہ دن ایک نئے دور کی علامت ہے، اور اس کے لیے ماضی میں سیاست سے مایوس ہونے والے شہریوں کے خدشات کو سمجھنا ضروری ہے۔ایرک ایڈمز نیویارک سٹی کے پہلے ایسے میئر بنے تھے جن پر عہدے کے دوران فردِ جرم عائد ہوئی۔ ان پر الزام تھا کہ انہوں نے مبینہ طور پر ترکی حکومت سے فنڈز حاصل کیے تاکہ مین ہیٹن میں ترک قونصل خانے کی تعمیر کو منظوری دی جا سکے۔ یہ وفاقی مقدمہ بعد میں امریکی محکمہ انصاف نے ختم کر دیا، بجائے اس کے کہ صدارتی معافی دی جاتی۔نئی انتظامیہ کے مطابق بعض احکامات اس صورت میں بحال کیے جا سکتے ہیں اگر وہ عوامی خدمات، نظم و نسق اور کارکردگی کے لیے لازمی سمجھے گئے۔ منسوخ اور دوبارہ جاری ہونے والے احکامات کی مکمل فہرست فوری طور پر جاری نہیں کی گئی۔اس کے ساتھ ہی ممدانی نے رہائش کے مسائل سے متعلق اپنے انتخابی وعدوں پر بھی پیش رفت کی۔ انہوں نے کرایہ داروں کے تحفظ کے لیے میئر کے دفتر کو دوبارہ فعال کرنے کا اعلان کیا اور دو نئی ٹاسک فورسز بنانے کے احکامات پر دستخط کیے، جن کا مقصد شہر کی ملکیتی زمین پر رہائشی تعمیرات کی رفتار بڑھانا اور رہائش کی فراہمی میں اضافہ کرنا ہے۔
.
ذریعہ
ذریعہ: Juraat
کلیدی لفظ: ایگزیکٹو آرڈرز کیے گئے کے لیے
پڑھیں:
واشنگٹن میں کیمیائی ٹینک دھماکہ: ہلاکتوں کی تعداد 11 ہوگئی، تمام لاپتا افراد کی لاشیں برآمد
امریکی ریاست واشنگٹن میں ایک کاغذ سازی کے کارخانے میں کیمیائی ٹینک پھٹنے کے واقعے میں ہلاک ہونے والوں کی تعداد 11 ہو گئی ہے۔ حکام کے مطابق تمام لاپتا افراد کی لاشیں ملبے سے نکال لی گئی ہیں، جبکہ حادثے کی وجوہات اور ماحولیاتی اثرات کا جائزہ لینے کے لیے تحقیقات جاری ہیں۔
امریکی ریاست واشنگٹن میں ایک صنعتی تنصیب پر کیمیائی ٹینک پھٹنے کے المناک حادثے میں ہلاک ہونے والوں کی تعداد 11 تک پہنچ گئی ہے۔ حکام نے ہفتے کے روز تصدیق کی کہ لاپتا قرار دیے گئے تمام نو افراد کی لاشیں ملبے سے برآمد کر لی گئی ہیں۔
حکام کے مطابق ابتدائی طور پر حادثے کے فوراً بعد دو ہلاکتوں کی تصدیق ہوئی تھی، جبکہ دیگر افراد لاپتا ہو گئے تھے۔ امدادی اور بحالی کی ٹیموں نے پورے ہفتے متاثرہ مقام پر سرچ آپریشن جاری رکھا، جس کے دوران عمارت کے اندر ملبے کو ہٹانے کے ساتھ ساتھ ڈرونز کی مدد سے علاقے کا فضائی جائزہ بھی لیا گیا۔
کاؤلٹز 2 فائر اینڈ ریسکیو کے ڈپٹی چیف کرٹ اسٹیچ نے بتایا کہ امدادی کارکنوں نے انتہائی دشوار حالات میں ملبے کے نیچے پھنسے افراد کی تلاش جاری رکھی اور بالآخر تمام لاپتا افراد کی لاشیں برآمد کر لی گئیں۔
حادثہ منگل کے روز لانگ ویو شہر میں واقع نپون ڈائنو ویو پیکیجنگ (Nippon Dynawave Packaging) کے کارخانے میں پیش آیا، جہاں ’وائٹ لِکر‘ نامی کیمیائی محلول سے بھرا ایک بڑا ٹینک اندرونی دباؤ کے باعث پھٹ گیا تھا۔ یہ محلول سوڈیم ہائیڈرو آکسائیڈ اور سوڈیم سلفائیڈ پر مشتمل ہوتا ہے اور کاغذ کے گودے (Paper Pulp) کی تیاری میں استعمال کیا جاتا ہے۔
حکام کے مطابق متاثرہ ٹینک میں تقریباً 9 لاکھ گیلن (34 لاکھ لیٹر) کیمیائی محلول موجود تھا۔ بعد ازاں کیے گئے ٹیسٹوں سے یہ بات سامنے آئی کہ کچھ مقدار قریبی دریائے کولمبیا تک پہنچ گئی تھی، تاہم اب تک فضائی معیار یا لانگ ویو شہر کے پینے کے پانی پر کسی منفی اثرات کی نشاندہی نہیں ہوئی۔
نپون ڈائنو ویو پیکیجنگ جاپان کی دوسری بڑی کاغذ ساز کمپنی Nippon Paper Industries کی مکمل ملکیتی ذیلی کمپنی ہے۔ جاپانی کمپنی نے 2016 میں سیئٹل کی لکڑی اور جنگلاتی مصنوعات تیار کرنے والی کمپنی Weyerhaeuser سے لانگ ویو کا یہ پلانٹ 225 ملین ڈالر میں خریدا تھا۔
حکام نے کہا ہے کہ حادثے کی مکمل تحقیقات جاری ہیں اور اس بات کا تعین کیا جا رہا ہے کہ ٹینک کے اندر دھماکے یا انہدام کی اصل وجہ کیا تھی۔ ساتھ ہی ماحولیاتی ماہرین بھی قریبی علاقوں میں ممکنہ آلودگی کے اثرات کا مسلسل جائزہ لے رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ