سیاسی درجہ حرارت نیچے لانے کیلئےبڑی بیٹھک بلانےکا فیصلہ
اشاعت کی تاریخ: 3rd, January 2026 GMT
طیب سیف : ملک میں سیاسی درجہ حرارت نیچے لانے کے لئے نیشنل ڈائیلاگ کمیٹی نے سیاستدانوں، وکلا اور دانشوروں کی بڑی بیٹھک بلانےکا فیصلہ کرلیا۔
نیشنل ڈائیلاگز کمیٹی کی قومی سطح کی کانفرنس اگلے ہفتے اسلام آباد میں ہوگی جس میں ن لیگ ، پیپلز پارٹی ،پی ٹی آئی،جے یو آئی اور جماعت اسلامی کو شرکت کی دعوت دی جائے گی۔
ایم کیوایم، ق لیگ،بلوچستان عوامی پارٹی ،اےاین پی اور دیگر جماعتوں بھی اس قومی کانفرنس میں مدعو کیا جائے گا،نیشنل ڈائیلاگ کمیٹی تحریک تحفظ پاکستان کو بھی خصوصی طور پر شرکت کی دعوت دے گی۔
لاہور سمیت پنجاب کے مختلف علاقوں میں شدید دھند، الرٹ جاری
قانون دان،پارلیمنیٹرینز،دانشور اور ٹیکنوکریٹس سیاسی صورتحال سے متعلق نقطہ نظرپیش کریں گے،فواد چوہدری،عمران اسماعیل اور محمودمولوی نے دعوت کے لئے سیاسی رہنماؤں سے رابطے شروع کردیئے ہیں۔
اس حوالے سے فوادچوہدری کاکہناہے کہ کانفرنس کا مقصد سیاسی بحران کا حل تلاش کرنااور قومی جماعتوں میں ہم آہنگی پیدا کرنا ہے،سیاسی ایشوز پر تمام جماعتوں میں ہم آہنگی لانا چاہتے ہیں،یہی ہمارا ایجنڈا ہے،ہم نے ذاتی مفادات پس پشت ڈال کر قومی فریضے کو اپنی ترجیح بنایا ہے۔
پاکستان نے ہمیشہ عالمی امن و استحکام میں اپنا کردار ادا کیا: پاکستانی سفیر
.
ذریعہ
ذریعہ: City 42
پڑھیں:
تیزی سے بڑھتی آبادی ملک کیلئے سب سے بڑا چیلنج ہے: وزیراعظم
وزیراعظم شہباز شریف نے تیزی سے بڑھتی آبادی کو ملک کے لیے چیلنج قرار دے دیا۔وزیراعظم شہبازشریف کی زیرصدارت ملک میں بہبود آبادی کے حوالے سے جائزہ اجلاس ہوا جس میں وزیراعظم نے نیشنل پاپولیشن کونسل کا اجلاس جلد از جلد بلانے کی ہدایت کی۔شہباز شریف نے کہا کہ تیزی سے بڑھتی ہوئی آبادی ملک کے لیے سب سے بڑا چیلنج ہے، آبادی پر قابو پانے کیلئے اقدامات اور بہبود آبادی کو قومی فریضہ سمجھا جانا چاہیے۔وزیراعظم کا کہنا تھا کہ آبادی میں توازن ہی پائیدار قومی ترقی کی ضمانت ہے، آبادی کی منصوبہ بندی کو قومی ترقی اور معاشی استحکام سے ہم آہنگ کرنے کی ضرورت ہے، بہبود آبادی اقدامات سے متعلق صوبوں کے ساتھ روابط اور ہم آہنگی مزید بہتر بنائی جائے، بڑھتی ہوئی آبادی پر قابو پانے کے مؤثر عوامی آگہی مہم کا کلیدی کردار ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار