کارن فلور کے حیرت انگیز اور مفید طریقہ استعمال، جو شاید آپ نہ جانتے ہوں
اشاعت کی تاریخ: 3rd, January 2026 GMT
کارن فلور صرف سالن گاڑھا کرنے کے کام ہی نہیں آتا بلکہ باورچی خانے میں اس کا مزید حیران کن استعمال ہے
اکثر گھروں میں کارن فلور یا کارن اسٹارچ کو محض سالن، سوپ یا چٹنی گاڑھی کرنے کےلیے استعمال کیا جاتا ہے، مگر ماہرینِ پکوان کا کہنا ہے کہ یہ ایک ایسا جزو ہے جس کے فوائد صرف اسی ایک مقصد تک محدود نہیں۔
روزمرہ کھانا پکانے میں ہم بعض چیزوں کے ایک ہی استعمال کے عادی ہوجاتے ہیں اور ان کی مکمل صلاحیت سے لاعلم رہتے ہیں، حالانکہ یہی چیزیں باورچی خانے میں کئی آسان اور کارآمد طریقوں سے استعمال کی جاسکتی ہیں۔
کارن فلور کے استعمال پر بات کرنے سے پہلے یہ سمجھنا ضروری ہے کہ کارن فلور اور کارن اسٹارچ میں فرق کیا ہے۔ مکئی کے پورے دانے کو پیس کر جو آٹا تیار کیا جاتا ہے وہ کارن فلور کہلاتا ہے، جس کا رنگ زرد اور ذائقہ نمایاں ہوتا ہے۔ اس کے برعکس خالص مکئی کا نشاستہ، جسے کارن اسٹارچ کہا جاتا ہے، سفید رنگ کا اور تقریباً بے ذائقہ ہوتا ہے اور یہی وجہ ہے کہ اسے مختلف کھانوں میں آسانی سے شامل کیا جاسکتا ہے۔
ماہرین کے مطابق اگر فرائی کی جانے والی اشیاء میں اضافی کرکرا پن چاہیے تو کارن اسٹارچ بہترین انتخاب ہے۔ سبزی ہو یا گوشت، فرائی کرنے سے پہلے اس پر ہلکی سی تہہ لگا دی جائے تو بغیر کسی پیسٹ یا بریڈ کرمبس کے نہایت خستہ بیرونی سطح حاصل کی جاسکتی ہے، جو ذائقے کو مزید بڑھا دیتی ہے۔
اسی طرح نرم اور فلفی آملیٹ بنانے کے لیے بھی کارن اسٹارچ ایک مفید طریقہ سمجھا جاتا ہے۔ انڈوں کو پھینٹتے وقت مصالحوں کے ساتھ تھوڑی سی مقدار شامل کرنے سے آملیٹ زیادہ پھولا ہوا اور ہلکا ہوجاتا ہے، کیونکہ کارن اسٹارچ انڈوں میں موجود پروٹین کے ساتھ بہتر انداز میں کام کرتا ہے۔
گوشت پکاتے وقت نمی برقرار رکھنا بھی ایک بڑا چیلنج ہوتا ہے، تاہم کارن اسٹارچ اس میں بھی مددگار ثابت ہوسکتا ہے۔ گوشت کو میرینیٹ کرتے وقت دیگر اجزا کے ساتھ تھوڑا سا کارن اسٹارچ ملا دیا جائے تو گوشت رسیلا رہتا ہے اور اس پر ایک نرم مگر محفوظ کوٹنگ بن جاتی ہے۔
بیکنگ کے شوقین افراد کے لیے بھی کارن فلور ایک مفید متبادل ہے۔ اسے پانی میں ملا کر بعض ترکیبوں میں انڈے کے متبادل کے طور پر استعمال کیا جاسکتا ہے، خاص طور پر ویگن یا گلوٹین فری بیکڈ اشیا تیار کرتے وقت، کیونکہ کارن اسٹارچ میں گلوٹین موجود نہیں ہوتا۔
اس کے علاوہ بیکنگ کے دوران اگر کیک یا پائی کا آمیزہ حد سے زیادہ پتلا ہوجائے تو اس میں مناسب مقدار میں کارن فلور شامل کر کے آمیزے کو درست ساخت دی جاسکتی ہے۔ یوں کارن فلور ایک سادہ مگر کثیرالمقاصد جزو ثابت ہوتا ہے جو باورچی خانے میں کئی مسائل کا آسان حل فراہم کرتا ہے۔
.
ذریعہ
ذریعہ: Express News
کلیدی لفظ: کارن اسٹارچ کارن فلور جاتا ہے ہوتا ہے
پڑھیں:
ایلون مسک نے ’اوڈیسی‘ کا اے آئی ورژن اسی سال پیش کرنے کا اعلان کردیا
ارب پتی ٹیکنالوجی کاروباری شخصیت ایلون مسک نے اعلان کیا ہے کہ ان کا مصنوعی ذہانت پر مبنی پلیٹ فارم گروک امیجن (Grok Imagine) رواں سال کے اختتام سے پہلے قدیم یونانی رزمیہ شاہکار اوڈیسی پر مبنی ایک مکمل فلم تیار کرے گا۔ مسک کا کہنا ہے کہ یہ فلم شاعر ہومر کی اصل تخلیق کے مطابق ہوگی اور تاریخی اعتبار سے بھی زیادہ درست انداز میں پیش کی جائے گی۔
ایلون مسک نے سماجی رابطے کی ویب سائٹ ایکس پر اپنی پوسٹ میں دعویٰ کیا کہ اے آئی کے ذریعے بنائی جانے والی یہ فلم ہومر کے اصل فن اور کہانی کی حقیقی روح کی عکاسی کرے گی۔ انہوں نے اس اعلان کے ساتھ تقریباً تین منٹ طویل ایک اے آئی ویڈیو بھی شیئر کی، جس میں اوڈیسیئس اور کلیپسو کے درمیان ایک منظر دکھایا گیا ہے۔
Before this year ends, Grok Imagine will make a full-length movie of The Odyssey that is historically accurate and true to the art of Homer https://t.co/bVHzUmY9WN
— Elon Musk (@elonmusk) July 22, 2026اس سے قبل بھی ایلون مسک نے ایک صارف کی اس تجویز کی حمایت کی تھی کہ ہدایت کار میل گبسن تقریباً 100 ملین ڈالر کی لاگت سے اوڈیسی پر ایسی فلم بنائیں جس میں تاریخی طور پر درست جہاز، ہتھیار، زرہیں، کردار اور ہومر کی اصل نظم کے مکالمے شامل ہوں۔ اس تجویز پر مسک نے مختصر جواب دیتے ہوئے کہا تھا، ’میں تیار ہوں۔‘
دوسری جانب ایلون مسک حالیہ دنوں میں برطانوی نژاد امریکی فلم ساز کرسٹوفر نولن کی فلم اوڈیسی پر بھی سخت تنقید کرتے رہے ہیں۔ ان کا الزام ہے کہ نولن نے ایوارڈز حاصل کرنے کی غرض سے اصل داستان میں تبدیلیاں کیں۔ انہوں نے فلم کی کاسٹنگ پر بھی اعتراض اٹھایا، خاص طور پر اداکارہ لوپیٹا نیونگو کو ہیلن آف ٹرائے کے کردار میں لینے کے فیصلے کو تنقید کا نشانہ بنایا، جبکہ ایک موقع پر نولن کو ’نسل پرستانہ رویہ رکھنے والا‘ فلم ساز بھی قرار دیا۔
تاہم ایلون مسک کی تنقید کے باوجود کرسٹوفر نولن کی اوڈیسی نے باکس آفس پر شاندار آغاز کیا ہے۔ باکس آفس رپورٹس کے مطابق فلم نے ریلیز کے پہلے ہفتے میں دنیا بھر سے 264.06 ملین ڈالر سے زائد کا بزنس کیا، جس کے بعد اسے رواں برس کی نمایاں کامیاب فلموں میں شمار کیا جا رہا ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا