غیر قانونی اسلحہ اور فائرنگ کیس: لیاقت محسود کی ضمانت میں 17 جنوری تک توسیع
اشاعت کی تاریخ: 3rd, January 2026 GMT
انسداد دہشت گردی عدالت نے رامسوامی میں ڈمپر کی ٹکر سے نوجوان کی ہلاکت کے بعد ہونے والی ہنگامہ آرائی، غیر قانونی اسلحہ رکھنے اور فائرنگ کے کیس میں چیئرمین ڈمپر ایسوسی ایشن لیاقت محسود کی عبوری ضمانت میں 17 جنوری تک توسیع کر دی۔
پولیس کے مطابق، لیاقت محسود کے خلاف عبدالقادر میمن کی مدعیت میں گارڈن تھانے میں مقدمہ درج کیا گیا تھا۔ یہ واقعہ گزشتہ سال 3 اور 4 نومبر کی درمیانی شب نشتر روڈ کے علاقے میں پیش آیا، جہاں ایک ڈمپر کی ٹکر سے نوجوان جاں بحق ہو گیا تھا۔
اس حادثے کے بعد، مقامی افراد نے شدید احتجاج کیا تھا، اور اس دوران لیاقت محسود اپنے مسلح ساتھیوں کے ساتھ موقع پر پہنچے، جہاں مظاہرین سے ان کی تکرار ہوئی اور اس دوران فائرنگ بھی کی گئی۔
ذریعہ
ذریعہ: Daily Mumtaz
کلیدی لفظ: لیاقت محسود
پڑھیں:
کراچی: ڈاکٹر آکاش قتل کیس میں گرفتار 3 ڈاکو ساتھیوں کی فائرنگ سے ہلاک
کراچی (نوائے وقت رپورٹ) ڈاکٹر آکاش قتل کیس میں گرفتار تینوں ساتھیوں کی فائرنگ سے ہلاک ہوگئے۔ سپیشل انویسٹی گیشن (ایس آئی ایو) نے دعویٰ کیا کہ گلشنِ معمار، عمر بروہی گوٹھ میں گرفتار ڈاکوؤں کی نشاندہی پر ان کے فرار ساتھیوں کی گرفتاری کے لیے چھاپہ مارا تو ملزموں نے فائرنگ کردی جس سے پولیس اہلکار بھی زخمی ہوگیا۔ ڈاکٹر آکاش قتل کیس میں گرفتار تینوں ڈاکو اپنے ہی ساتھیوں کی فائرنگ سے مارے گئے۔ 13 جولائی کو کراچی کے علاقے کلفٹن میں بنک کے باہر ڈاکوؤں کی فائرنگ سے نوجوان ڈاکٹر آکاش جاں بحق ہوگیا تھا جب کہ ملزم بنک سے نکالے گئے 50 لاکھ روپے میں سے 25 لاکھ لوٹ کر فرار ہو گئے تھے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار