بازؤں اور ٹانگوں سے محروم بھارتی لڑکی نے تیراندازی میں عالمی ریکارڈ قائم کر دیا
اشاعت کی تاریخ: 3rd, January 2026 GMT
بھارت کی 17 سالہ پیال ناگ نے تیراندازی کے میدان میں ایک نیا عالمی ریکارڈ قائم کر کے تاریخ رقم کر دی۔ اوڑیسا کی رہائشی پیال نے نہ صرف بازؤں بلکہ ٹانگوں کے بغیر بھی تیراندازی سیکھی اور قومی مقابلوں میں حصہ لے کر اپنی صلاحیت کا لوہا منوایا۔
پیال کا تعلق بالانگیر، اوڑیسا سے ہے اور بچپن میں ایک حادثے کے باعث وہ اپنے چاروں اعضاء سے محروم ہو گئی تھیں۔ بتایا جاتا ہے کہ وہ بجلی کے جھٹکے کا شکار ہوئیں، جس کے نتیجے میں جسمانی معذوری پیدا ہوئی۔
مگر پیال نے ہمت، مستقل محنت اور خصوصی تربیت کے ذریعے تیراندازی سیکھنے کا فیصلہ کیا۔ اپنے منفرد انداز اور لگن کے ساتھ، انہوں نے تیر چلانا شروع کیا اور عالمی سطح پر نمایاں مقام حاصل کیا۔
پیال کی یہ کامیابی نہ صرف ایک ذاتی فتح ہے بلکہ ایک مثال بھی ہے کہ جسمانی معذوری رکاوٹ نہیں بن سکتی۔ اسپورٹس کمیونٹی، تماشائیوں اور دیگر پیرا ایتھلیٹس نے بھی ان کی حوصلہ افزائی کی اور انہیں مشعلِ راہ قرار دیا، خاص طور پر ان لوگوں کے لیے جو جسمانی مشکلات کے باوجود اپنے خوابوں کو پورا کرنا چاہتے ہیں۔
پیال ناگ کی یہ سنگِ میل کامیابی کھیل کی دنیا کے ساتھ ساتھ سماجی کمیونٹی کے لیے بھی حوصلہ افزا پیغام ہے کہ عزم، تربیت اور جذبہ کسی بھی مشکل کو کامیابی میں بدل سکتے ہیں۔
ذریعہ
ذریعہ: Daily Mumtaz
پڑھیں:
پاسداران انقلاب کی برطانیہ کو امریکا کی مدد پر فوجی بیسز نشانہ بنانے کی دھمکی
ایرانی پاسداران انقلاب نے برطانیہ کو دھکمی دی ہے کہ اگر ایران پر امریکا اور اسرائیل کے حملوں میں ملوث ہوئے تو جارحیت کے استعمال ہونے والے کسی بھی بیس پر ہمارے حملے جائز ہوں گے اور برطانیہ کو اپنے ماضی کو مزید خراب نہ کرے۔
ایرانی میڈیا کی رپورٹ کے مطابق پاسداران انقلاب نے بیان میں کہا کہ برطانیہ نے ایران پر حالیہ امریکا اور اسرائیل کے حملوں میں بڑا کردار ادا کیا ہے لہٰذا ہم برطانوی حکومت جو ہمارے خطے کے لوگوں کی تقدیر خراب کرنے کی بنیادی وجہ ہے، کو تنبیہ کر رہے ہیں کہ وہ اپنے ماضی پر مزید بوجھ مت ڈالیں۔
پاسداران انقلاب نے کہا کہ امریکی بحری فورسز بحیریہ ہند میں فعال ہے مگر ان کے کروز میزائل کا ذخیرہ ختم ہوگیا ہے اور اسی لیے وہ انگلینڈ آر اے ایف فیئرفورڈ سے بی ون بمبار استعمال کرنا شروع کردیا ہے۔
بیان میں کہا گیا کہ حملہ آور امریکی فوج جنگ کے آغاز کے بعد بحر ہند میں موجود اپنے بحری جہازوں سے کروز میزائل داغنے پر انحصار کر رہی تھی مگر ان جہازوں کے میزائلوں کا ذخیرہ ختم ہونے کے بعد کل برطانیہ کے فیرفورڈ فضائی اڈے سے پرواز کرنے والے بی ون طیاروں کے استعمال پر مجبور ہو گئی ہے۔
پاسداران انقلاب نے زور دیتے ہوئے کہا کہ جیسا کہ وزارت خارجہ کے عہدیداروں نے بھی واضح کیا ہے کہ ایرانی سرزمین کے خلاف استعمال ہونے والا کوئی بھی بیس ہمارے لیے نشانہ بنانے کے جائز ہدف ہوگا۔
مزید کہا گیا کہ برطانیہ کا اسلامی ممالک کی تقسیم، ان ممالک میں بڑے پیمانے پر قتل عام، آمرانہ حکومتوں کے قیام اور سب سے بڑھ کر فلسطین پر قبضے کو منظم کرنے اور اس کی سرپرستی کرتے ہوئے اسرائیل کے قیام جیسے سانحے کو جنم دینے کا ایک سیاہ ریکارڈ ہے۔
خیال رہے کہ پاسداران انقلاب کی جانب سے برطانیہ کو دھمکی ایک ایسے وقت میں دی گئی ہے جب ایران اور امریکا کے درمیان لڑائی اپنے عروج پر ہے دونوں اطراف سے ایک دوسرے کی تنصیبات پر حملے کیے جا رہے ہیں۔
برطانیہ پہلے ہی نئے قانون کے تحت پاسداران انقلاب کو قومی سلامتی کے لیے خطرہ قرار دے چکا ہے جبکہ ایران نے اس اقدام کو جارحانہ قرار دیتے ہوئے جواب میں اسی طرح کا اقدام کرنے کا عزم ظاہر کر دیا ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار