ایم ڈبلیو ایم ملتان کے وکلاء ونگ کی کوششیں، مجلس عزا کے مقدمے سے 2مومنین بری
اشاعت کی تاریخ: 3rd, January 2026 GMT
ضلعی صدر مجلس وحدت مسلمین ملتان عون رضا انجم نے کہا کہ عزاداری سید الشہداء علیہم السلام اور عزاداروں کا ہر صورت تحفظ یقینی بنائیں گے، حکومت کی جانب سے عزاداروں پر مجلس عزا کے انعقاد پر بنائے گئے مقدمات افسوسناک ہیں، تاہم مجلس وحدت مسلمین کا وکلاء ونگ ان عزاداروں کے تحفظ کے لیے میدان میں موجود ہے۔ اسلام ٹائمز۔ مجلس وحدت مسلمین ضلع ملتان کے صدر ایڈووکیٹ عون رضا انجم نے اپنی وکلاء ٹیم کے ساتھ مل کر امام بارگاہ قصر ابولب علیہ السلام اڈہ منیرآباد میں محرم الحرام کے دوران مجلس عزا منعقد کرانے پر بنائے گئے بے بنیاد مقدمے سے 2 مومنین علی رضا اور ارشد حسین کو بری کرادیا، ضلعی صدر مجلس وحدت مسلمین ملتان عون رضا انجم نے کہا کہ عزاداری سید الشہداء علیہم السلام اور عزاداروں کا ہر صورت تحفظ یقینی بنائیں گے، حکومت کی جانب سے عزاداروں پر مجلس عزا کے انعقاد پر بنائے گئے مقدمات افسوسناک ہیں، تاہم مجلس وحدت مسلمین کا وکلاء ونگ ان عزاداروں کے تحفظ کے لیے میدان میں موجود ہے۔ اس موقع پر بری ہونے والے علی رضا اور ارشد حسین نے مجلس وحدت مسلمین کے ضلعی صدر اور اُن کی ٹیم کا شکریہ ادا کیا۔
.
ذریعہ
ذریعہ: Islam Times
پڑھیں:
خطے میں تنازعات کے پُرامن حل کیلئے کوششیں جاری رکھیں گے: اسحاق ڈار
اسحاق ڈار---فائل فوٹونائب وزیرِ اعظم اسحاق ڈار نے کہا ہے کہ امریکا ایران تنازع میں پاکستان کی ثالثی کوششوں کو یورپی یونین کی جانب سے سراہا گیا ہے، پاکستان خطے میں امن، سفارت کاری اور تنازعات کے پُرامن حل کے لیے اپنی کوششیں جاری رکھے گا۔
یورپی یونین کی رہنما کایا کالاس کے ساتھ مشترکہ پریس کانفرنس میں انہوں نے کہا کہ آخری یورپی یونین وزٹ 7 سال پہلے ہوا تھا، ہم پچھلے سال بھارت پاکستان جنگ اور ایران امریکا تنازع کے دوران قریبی رابطے میں رہے، آج ہم نے مشترکہ طور پر اسٹریٹیجیک مذاکرات کی صدارت کی، ہم نے پچھلے سال نومبر میں مشترکہ اسٹریٹیجیک مذاکرات کیے تھے، امریکا ایران تنازع کے دوران یورپی یونین کے تعاون کا مشکور ہوں۔
اسحاق ڈار نے کہا کہ ہم نے سیکیورٹی ایشوز اور دہشت گردی کے امور پر بھی بات کی، فتنہ الخوارج اور فتنہ الہندوستان کی افغانستان میں موجودگی پر بھی بات کی، پاکستان اور یورپی یونین کے تعلقات میں مثبت پیشرفت جاری ہے، کایا کالاس کا دورہ اس کا واضح ثبوت ہے۔
یورپی یونین کی خارجہ امور اور سیکیورٹی پالیسی کی سربراہ نے امریکا ایران تنازع کے حل کے لیے پاکستان کےثالثی اقدامات کی تعریف کر دی۔
ان کا کہنا ہے کہ پاکستان اور یورپی یونین کے درمیان آٹھواں اسٹریٹجک ڈائیلاگ اعلیٰ ترین ادارہ جاتی مکالمہ ہے، پاکستان اور یورپی یونین کے درمیان تجارت، سرمایہ کاری اور ترقیاتی تعاون کے فروغ پر اتفاق ہوا، جی ایس پی پلس فریم ورک کے تحت پاکستان اور یورپی یونین کا تجارتی تعاون دونوں فریقوں کے لیے فائدہ مند ہے، اسلام آباد میں پاکستان یورپی یونین بزنس فورم کا انعقاد دو طرفہ اقتصادی تعلقات کے فروغ میں اہم پیش رفت ہے۔
نائب وزیرِ اعظم نے کہا کہ مقبوضہ کشمیر تنازع کا حل کشمیری عوام کی خواہشات اور اقوامِ متحدہ کی قراردادوں کے مطابق ہونا چاہیے، انڈس واٹرز معاہدہ برقرار ہے، حالیہ عدالتی فیصلے نے پاکستان کے مؤقف کی تائید کی ہے، افغان سر زمین سے دہشت گرد عناصر کی پاکستان میں کارروائیاں بدستور ہماری بڑی تشویش ہیں، پاکستان اور یورپی یونین نے دو طرفہ تعلقات کو جامع اور باہمی مفاد پر مبنی شراکت داری میں تبدیل کرنے کے عزم کا اعادہ کیا ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے