کراچی، مختلف علاقوں میں پولیس مقابلوں کے دوران زخمی سمیت 6 ملزمان گرفتار، اسلحہ برآمد
اشاعت کی تاریخ: 4th, January 2026 GMT
کراچی:
شہر قائد کے مختلف علاقوں میں پولیس اور مسلح ملزمان کے درمیان مبینہ مقابلوں کے دوران 7ملزمان کو گرفتار کر لیا۔
تفصیلات کے مطابق ضلع ملیر کے علاقے سواتی محلہ کے قریب قائدآباد پولیس اور مسلح ڈاکوؤں کے درمیان فائرنگ کا تبادلہ ہوا۔
دو طرفہ فائرنگ کے نتیجے میں ایک ملزم زخمی حالت میں گرفتار کر لیا گیا، جبکہ اس کا ساتھی فائرنگ کرتے ہوئے فرار ہو گیا۔
ترجمان ایس ایس پی ملیر کے مطابق گرفتار زخمی ملزم کی شناخت ذیشان ولد مقبول احمد کے نام سے ہوئی ہے، جس کے قبضے سے غیر قانونی اسلحہ ، گولیاں، موبائل فون اور نقدی برآمد کی گئی۔
زخمی ملزم کو طبی امداد کے لیے جناح اسپتال منتقل کیا گیا، جبکہ اس کا کرمنل ریکارڈ مختلف تھانوں سے چیک کیا جا رہا ہے۔
برآمد اسلحہ فرانزک کے لیے روانہ کر دیا گیا ہے اور فرار ملزم کی گرفتاری کے لیے چھاپے مارے جا رہے ہیں۔
ادھر نارتھ کراچی کے علاقے سیکٹر بی 7 یونس مسجد کے قریب سرسید پولیس کا اسٹریٹ کرمنلز کے ساتھ مقابلہ ہوا۔
ترجمان ایس ایس پی سینٹرل کے مطابق پولیس معمول کے گشت پر تھی کہ مشکوک موٹر سائیکل سوار ملزمان کو رکنے کا اشارہ کیا گیا، جس پر انہوں نے پولیس پارٹی پر فائرنگ شروع کر دی۔
پولیس کی جوابی فائرنگ سے ایک ڈاکو زخمی حالت میں گرفتار ہوا، جبکہ اس کا ساتھی بھی گرفتار کر لیا گیا۔
مزید پڑھیںکراچی میں مبینہ پولیس مقابلہ، چلتے رکشا میں بیٹھی 17 سالہ لڑکی جاں بحق
کراچی، سرجانی ٹاؤن میں پولیس اور ڈاکوؤں کے درمیان مقابلہ، ایک ڈاکو زخمی حالت میں گرفتار
زخمی ملزم کی شناخت 25 سالہ سجاد ولد محمد اسلم جبکہ دوسرے ملزم کی شناخت محمد علی ولد محمد حسین کے نام سے ہوئی۔
ملزمان کے قبضے سے 30 بور پستول بمعہ میگزین، دو موبائل فونز اور موٹر سائیکل برآمد ہوئی۔ زخمی ملزم کو فوری عباسی شہید اسپتال منتقل کر دیا گیا۔
ادھر تھانہ سرجانی کی حدود میں واقعے گلشنِ شیراز میں پولیس اور مسلح ڈاکوؤں کے درمیان مبینہ مقابلہ ہوا۔
ترجمان ضلع ویسٹ پولیس کے مطابق دو طرفہ فائرنگ کے نتیجے میں موٹر سائیکل سوار دونوں ملزمان زخمی حالت میں گرفتار کر لیے گئے۔
گرفتار ملزمان کی شناخت سلمان ولد ناصر اور شیر دل ولد گلباز کے نام سے ہوئی ہے۔
پولیس نے ملزمان کے قبضے سے دو غیر قانونی پستول بمعہ ایمونیشن، خولز، تین موبائل فونز اور نقدی برآمد کرکے موٹرسائیکل بھی تحویل میں لے لی گئی۔
زخمی ملزمان کو طبی امداد کے لیے عباسی شہید اسپتال منتقل کر دیا گیا ہے۔ دریں اثنا کیماڑی کے علاقے پاک کالونی میں پولیس اور مسلح ملزمان کے درمیان فائرنگ کا تبادلہ ہوا، جس کے نتیجے میں ایک زخمی سمیت دو ڈاکو گرفتار کر لیے گئے۔
ترجمان کیماڑی پولیس کے مطابق ملزمان کے قبضے سے دو پستول، موبائل فون اور موٹر سائیکل برآمد کی گئی۔
زخمی ملزم کو اسپتال جبکہ دوسرے ملزم کو تھانے منتقل کرکے تفتیش کا۔عمل۔شروع کردیا دیا گیا ہے۔
.
ذریعہ
ذریعہ: Express News
کلیدی لفظ: سہیلیوں کے قصے زخمی حالت میں گرفتار پولیس اور مسلح میں پولیس اور موٹر سائیکل کے قبضے سے گرفتار کر کے درمیان ملزمان کے کی شناخت کے مطابق ملزم کو دیا گیا ملزم کی کے لیے
پڑھیں:
سوات: گھر کی چھت اور ہوٹل کا کمرہ گرنے سے بچیوں سمیت 3 افراد جاں بحق
سوات (ڈیلی پاکستان آن لائن) سوات کے مختلف علاقوں میں چھتیں منہدم ہونے کے دو الگ الگ واقعات میں بچیوں سمیت 3 افراد جاں بحق جبکہ 3 زخمی ہوگئے۔
نجی ٹی وی چینل ایکسپریس نیوز کے مطابق چارباغ کے علاقے گنڈھیرئی میں ایک گھر کی چھت اچانک گر گئی، جس کے نتیجے میں 8 سالہ شیما اور 6 سالہ مناہل جاں بحق ہوگئیں، جبکہ حورین اور ان کی والدہ زخمی ہوئیں۔
واقعے کی اطلاع ملتے ہی ریسکیو 1122 سوات کی ڈیزاسٹر ریسپانس اور میڈیکل ٹیمیں موقع پر پہنچ گئیں۔
مقامی افراد نے ملبے تلے دبے چار افراد کو نکال لیا تھا، جنہیں ریسکیو اہلکاروں نے طبی امداد فراہم کی۔ زخمیوں کو مزید علاج کے لیے تحصیل ہیڈکوارٹر اسپتال منگلور منتقل کر دیا گیا جبکہ جاں بحق بچیوں کی لاشیں بھی اسپتال منتقل کر دی گئیں۔
ایف آئی اے نے جعلی دستاویزات پر بیرون ملک جانے والی 2 خواتین کو آف لوڈ کر دیا ، 2 ایجنٹ گرفتار
دوسری جانب کالام کے علاقے بلوگا میں ایک کچے ہوٹل کے کمرے کی چھت گرنے سے 32 سالہ وقاص جاں بحق جبکہ دو افراد زخمی ہوگئے۔ جاں بحق ہونے والے شخص کا تعلق ملاکنڈ سے بتایا جاتا ہے۔
ریسکیو 1122 کی ٹیمیں فوری طور پر موقع پر پہنچیں اور زخمیوں کو ابتدائی طبی امداد فراہم کرنے کے بعد تحصیل ہیڈکوارٹر اسپتال کالام منتقل کر دیا۔
ریسکیو حکام کے مطابق دونوں واقعات کی مزید تحقیقات جاری ہیں۔
اس سے قبل، شانگلہ کے علاقے کوزہ الپوری، رحیم آباد میں ایک گھر میں کمرے کی چھت گرنے سے 6 بچے جاں بحق جبکہ ایک بچی زخمی ہوگئی تھی۔
پنجاب میں آندھی اور طوفان سے تباہی ، ایک شہری جاں بحق، 46 گھر متاثر
مزید :
وزارت آئی ٹی نے 1.67 ارب روپے سے زاید کے فنڈز طلب کرلیے