شدید دھند نے میدانی علاقوں کو اپنی لپیٹ میں لے لیا، فضائی اور زمینی سفر بری طرح متاثر
اشاعت کی تاریخ: 4th, January 2026 GMT
ملک بھر کے میدانی علاقوں میں شدید دھند کے باعث معمولاتِ زندگی متاثر ہو گئے ہیں، جہاں ایک طرف پروازوں میں تاخیر اور منسوخی کا سامنا ہے وہیں دوسری جانب متعدد موٹرویز کو ٹریفک کے لیے بند کر دیا گیا ہے۔
یہ بھی پڑھیں:ملک کے مختلف حصوں میں دھند کا راج، موٹرویز بند، آئندہ دنوں میں بھی دھند کا الرٹ جاری
ملک کے مختلف میدانی علاقوں میں چھائی ہوئی شدید دھند کے باعث فضائی اور زمینی آمدورفت شدید متاثر ہوئی ہے۔ دھند کے سبب حدِ نگاہ کم ہونے پر موٹروے پولیس نے مسافروں کی حفاظت کے پیشِ نظر کئی اہم شاہراہوں کو عارضی طور پر بند کر دیا ہے۔
موٹروے پولیس کے مطابق موٹروے ایم ون پشاور سے رشکئی تک جبکہ موٹروے ایم تھری فیض پور سے درخانہ تک ہر قسم کی ٹریفک کے لیے بند کر دی گئی ہے۔
اسی طرح موٹروے ایم فور پنڈی بھٹیاں سے شیر شاہ تک اور موٹروے ایم فائیو روہڑی سے شیر شاہ تک شدید دھند کے باعث بند ہیں۔
یہ بھی پڑھیں:نیو ایئر پر مری میں برفباری، انتظامیہ کے سخت حفاظتی اقدامات
حکام کا کہنا ہے کہ موٹروے ایم الیون لاہور سے سمبڑیال تک اور موٹروے ایم فورٹین کوٹ بیلیاں سے عیسیٰ خیل تک بھی حدِ نگاہ انتہائی کم ہونے کے باعث بند کر دی گئی ہیں۔
موٹروے پولیس نے شہریوں کو غیر ضروری سفر سے گریز اور روانگی سے قبل تازہ ترین صورتحال معلوم کرنے کی ہدایت کی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.
ذریعہ
ذریعہ: WE News
پڑھیں:
آزاد کشمیر میں 47 روز بعد میرپور میں انٹرنیٹ سروس جزوی بحال، دیگر علاقوں میں بحالی کا انتظار
آزاد جموں و کشمیر کے شہر میرپور اور اس سے ملحقہ علاقوں میں گزشتہ 47 روز سے معطل انٹرنیٹ سروس جزوی طور پر بحال ہونا شروع ہو گئی ہے۔ اطلاعات کے مطابق ابتدائی مرحلے میں صرف موبائل انٹرنیٹ بحال کیا گیا ہے، جبکہ وائی فائی انٹرنیٹ سروس بلنگ کا عمل مکمل ہونے کے بعد بحال کی جائے گی۔
یاد رہے کہ آزاد کشمیر میں 5 جون 2026 کو انٹرنیٹ سروسز معطل کر دی گئی تھیں۔ یہ اقدام اس وقت کیا گیا تھا جب جموں و کشمیر جوائنٹ عوامی ایکشن کمیٹی (جیک) نے اپنے مطالبات کے حق میں احتجاجی تحریک شروع کرتے ہوئے 9 جون کو مظفرآباد کی جانب لانگ مارچ کا اعلان کیا تھا۔
بعد ازاں 5 جون کو ایکشن کمیٹی کے ایک مرکزی رکن پر مبینہ حملے اور مظاہرین و سکیورٹی فورسز کے درمیان جھڑپوں کے بعد حکومت نے کمیٹی کو کالعدم قرار دے دیا تھا، جبکہ اسی روز پورے آزاد کشمیر میں بغیر پیشگی اطلاع انٹرنیٹ سروس بھی معطل کر دی گئی تھی۔
اس سے قبل پاکستان پیپلز پارٹی کے چیئرمین بلاول بھٹو زرداری نے سماجی رابطے کی ویب سائٹ ایکس پر جاری اپنے بیان میں پیپلز پارٹی آزاد کشمیر اور الیکشن کمیشن کی جانب سے انٹرنیٹ بحالی کے لیے کی جانے والی کوششوں کو سراہتے ہوئے امید ظاہر کی تھی کہ میرپور میں سروس جلد بحال ہو جائے گی۔ انہوں نے یہ توقع بھی ظاہر کی کہ مظفرآباد اور دیگر علاقوں میں بھی انٹرنیٹ سروس جلد بحال کر دی جائے گی۔
یہ پیش رفت ایسے وقت میں سامنے آئی ہے جب آزاد کشمیر میں قانون ساز اسمبلی کے انتخابات قریب ہیں۔ الیکشن کمیشن پہلے ہی سکیورٹی اور انتخابی انتظامات کو مؤثر بنانے کے لیے انتخابات تین مراحل میں کرانے کا اعلان کر چکا ہے۔
شیڈول کے مطابق پہلے مرحلے میں 27 جولائی کو میرپور ڈویژن، دوسرے مرحلے میں 2 اگست کو مظفرآباد ڈویژن اور مہاجرین کی نشستوں، جبکہ تیسرے اور آخری مرحلے میں 10 اگست کو پونچھ ڈویژن میں پولنگ ہوگی۔دوسری جانب کالعدم ایکشن کمیٹی کا راولاکوٹ میں احتجاج تاحال جاری ہے۔ کمیٹی کے اہم مطالبات میں مہاجرینِ مقبوضہ کشمیر کے لیے آزاد کشمیر اسمبلی میں مختص 12 نشستوں کے خاتمے سمیت دیگر آئینی اور انتظامی امور شامل ہیں۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا