’رن فار کراچی‘ : میراتھن 2026 آج منعقد ہوگی
اشاعت کی تاریخ: 4th, January 2026 GMT
میئر کراچی بیرسٹر مرتضیٰ وہاب نے کہا ہے کہ بی وائی ڈی کراچی میراتھن 2026 رن فار کراچی محض ایک اسپورٹس ایونٹ نہیں بلکہ کراچی کا مثبت، روشن اور پُرامن تشخص دنیا کے سامنے اجاگر کرنے کا مؤثر ذریعہ ہے۔
انہوں نے بتایا کہ 5 کلو میٹر میراتھن آج 4 جنوری بروز اتوار صبح 10 بجے شروع ہوگی تاکہ زیادہ سے زیادہ شہری اس میں شرکت کر سکیں۔تاہم میراتھن کے منتظمین کے مطابق مجموعی طور پر یہ میراتھن 42 اعشاریہ 195 کلومیٹر ہوگی۔
بین الاقوامی ایتھلیٹس کی شرکت، شہریوں سے بھرپور شمولیت کی اپیلمیئر کراچی نے کہا کہ اس میراتھن میں بین الاقوامی سطح کے کھلاڑی بھی شرکت کے لیے کراچی آ رہے ہیں، اس لیے شہریوں کو چاہیے کہ وہ جوش و جذبے کے ساتھ اس ایونٹ میں حصہ لیں تاکہ دنیا کو یہ پیغام دیا جا سکے کہ کراچی ایک محفوظ، زندہ دل اور اسپورٹس دوست شہر ہے۔
انہوں نے افسوس کا اظہار کرتے ہوئے کہا کہ بدقسمتی سے کراچی کی شبیہہ کو عالمی سطح پر اکثر منفی انداز میں پیش کیا جاتا ہے، تاہم اس نوعیت کے ایونٹس اس تاثر کو زائل کرنے میں مددگار ثابت ہوتے ہیں۔
پریس کانفرنس، اعلیٰ حکام اور ایتھلیٹس کی شرکتیہ خیالات انہوں نے اے کے خان پارک، سی ویو پر بی وائی ڈی کراچی میراتھن کے حوالے سے منعقدہ پریس کانفرنس سے خطاب کرتے ہوئے ظاہر کیے۔
اس موقع پر ڈی آئی جی ٹریفک پیر محمد شاہ، ایتھلیٹس، منتظمین اور دیگر شخصیات بھی موجود تھیں۔
میئر کراچی نے کہا کہ ’رن فار کراچی‘ ایک بہترین اور بامقصد نعرہ ہے جو شہر سے محبت اور وابستگی کی عکاسی کرتا ہے۔ ایسے ایونٹس کراچی کو مثبت انداز میں اجاگر کرنے میں اہم کردار ادا کرتے ہیں۔
کراچی کی بڑے ایونٹس کی میزبانی کی مکمل صلاحیتمرتضیٰ وہاب نے حالیہ مہینوں میں کراچی میں کامیابی سے منعقد ہونے والے بڑے ایونٹس کا حوالہ دیتے ہوئے کہا کہ
نیشنل گیمز کے دوران 11 ہزار کھلاڑی کراچی آئے، مقابلوں میں حصہ لیا اور شہر سے لطف اندوز ہوئے۔
ان کے مطابق اس کے بعد ورلڈ فیسٹیول، لٹریچر فیسٹیول، اردو کانفرنس اور دیگر تقریبات بھی بخوبی منعقد ہوئیں، جو اس بات کا ثبوت ہیں کہ کراچی میں بڑے پیمانے کے ایونٹس کی میزبانی کی مکمل صلاحیت موجود ہے۔
نئے سال پر کراچی کا پُرامن چہرہمیئر کراچی نے کہا کہ 31 دسمبر 2025 کو کراچی کے شہریوں نے نئے سال کا پُرامن اور پُرجوش استقبال کیا، لاکھوں افراد سڑکوں پر نکلے اور پورے شہر میں خوشگوار ماحول دیکھنے میں آیا۔
انہوں نے کہا کہ ماضی میں سڑکیں بند کی جاتی تھیں، کنٹینرز رکھے جاتے تھے اور شہری تفریح سے محروم رہتے تھے، تاہم اس بار شہر کھلا رہا، ٹریفک مسائل پیدا نہیں ہوئے اور کہیں بدنظمی نظر نہیں آئی۔
کراچی میٹروپولیٹن کارپوریشن کا عزممیئر کراچی نے اس عزم کا اظہار کیا کہ کراچی میٹروپولیٹن کارپوریشن (KMC) شہریوں کو تفریحی سہولیات، صحت مند سرگرمیاں اور مثبت مواقع فراہم کرتی رہے گی۔
ان کے مطابق بی وائی ڈی کراچی میراتھن 2026 اسی سلسلے کی ایک اہم کڑی ہے جو عالمی سطح پر کراچی کو مثبت شناخت دینے میں مدد دے گی۔
مرتضیٰ وہاب نے کہا کہ وہ چاہتے ہیں کہ اس سال کا ایونٹ اتنا کامیاب ہو کہ آئندہ سال پورے کراچی میں میراتھن منعقد کی جائے، جس میں اولڈ سٹی بھی شامل ہو۔
انہوں نے اپنے وژن کا اظہار کرتے ہوئے کہا کہ اگلے سال کی میراتھن مزارِ قائد سے شروع ہو، ایمپریس مارکیٹ، زیب النساء اسٹریٹ اور ٹاور سے گزرتی ہوئی شاہراہِ فیصل یا کلفٹن کے ذریعے سی ویو پر اختتام پذیر ہو۔
23 مارچ کو سائیکلنگ ایونٹ کا اعلانمیئر کراچی نے یہ بھی اعلان کیا کہ 23 مارچ کو کراچی میں سائیکلنگ ایونٹ منعقد کیا جائے گا تاکہ سائیکلنگ سے وابستہ افراد کو بھی شہر کی سڑکوں پر مقابلوں میں حصہ لینے کا موقع ملے۔
انہوں نے کہا کہ اس مقصد کے لیے سندھ حکومت، کے ایم سی اور ٹریفک پولیس مشترکہ طور پر قیادت کریں گے اور مستقبل میں بھی ایسے ایونٹس باہمی تعاون سے منعقد کیے جاتے رہیں گے۔
’یہی وہ کراچی ہے جس پر مجھے یقین ہے‘میئر کراچی نے کہا کہ یہ میرا وژن ہے اور یہی وہ کراچی ہے جس پر مجھے یقین ہے۔ کراچی کی مثبت سرگرمیاں اور مثبت تشخص کا سفر جاری رہے گا، اور حکومت، انتظامیہ اور منتظمین مل کر ان سرگرمیوں کو فروغ دیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
کراچی میرا تھن 2026.
ذریعہ
ذریعہ: WE News
کلیدی لفظ: کراچی میرا تھن 2026 میئر کراچی نے کہا کہ رن فار کراچی کراچی میں انہوں نے کہ کراچی
پڑھیں:
خیبرپختونخوا میں لوکل گورنمنٹ کا نیا قانون لاگو، گزٹ نوٹیفکیشن جاری
خیبر پختونخوا میں لوکل گورنمنٹ ترمیمی ایکٹ 2026 کا گزٹ نوٹیفکیشن جاری کردیا گیا، جس کے بعد صوے میں لوکل گورنمنٹ کا نیا قانون لاگو ہوگیا۔
نوٹیفکیشن میں بتایا کہ صوبے میں لوکل گورنمنٹ کا نیا قانون لاگو ہوگیا، نئے قانون کے تحت ہرویلج اور نیبرہڈ کونسل کی آبادی 30 ہزار سے 40 ہزار ہوگی۔
اعلامیے میں کہا گیا کہ ویلج کونسل عملی طور پر یونین کونسل کی حیثیت اختیار کر جائے گی اور نئی حدبندی ڈیجیٹل مردم شماری 2023 کی بنیاد پر ہوگی۔
اعلامیے میں مزید کہا گیا کہ آبادی میں 10 فیصد تک کمی بیشی کی اجازت ہوگی۔
ترمیمی ایکٹ کے مطابق خصوصی حالات میں الیکشن کمیشن صوبائی حکومت سے مشاورت کے بعد اس شرط سے استثنیٰ دے سکے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار