کراچی میں ’’میرا برانڈ پاکستان‘‘نمائش کا شاندار آغاز‘حافظ نعیم الرحمن نے افتتاح کیا
اشاعت کی تاریخ: 4th, January 2026 GMT
data-id="863a0a8" data-element_type="widget" data-widget_type="theme-post-content.default">
260104-01-10
کراچی (اسٹاف رپورٹر) ایکسپو سینٹر کراچی میں پاکستانی مصنوعات کے فروغ کے لیے سجائی گئی 2روزہ نمائش ’’میرا برانڈ پاکستان‘‘کا باقاعدہ آغاز ہو گیا ہے۔ نمائش کا افتتاح امیر جماعت اسلامی پاکستان حافظ نعیم الرحمن نے کیا، جس میں شہریوں کی بڑی تعداد نے شرکت کی۔ یہ نمائش نہ صرف کاروباری سرگرمی ہے بلکہ یہ ملکی معیشت کی بحالی اور مظلومین غزہ کے ساتھ عملی یکجہتی کی ایک تحریک بن گئی ہے۔نمائش میں ٹیکنالوجی، ٹیکسٹائل، فوڈ انڈسٹری اور گھریلو مصنوعات کے سیکڑوں اسٹالز لگائے گئے ہیں۔ تاجر برادری کا کہنا ہے کہ ایسے ایونٹس چھوٹے اور درمیانے درجے کے کاروبار (SMEs) کو آکسیجن فراہم کرتے ہیں، جس سے روزگار کے نئے مواقع پیدا ہوتے ہیں اور روپیہ مستحکم ہوتا ہے۔نمائش کے پہلے ہی روز عوام کا جم غفیر امڈ آیا۔ شہریوں، بالخصوص خواتین اور نوجوانوں نے مقامی اسٹالز میں گہری دلچسپی ظاہر کی۔ شرکا کا کہنا تھا کہ انہیں یہ جان کر خوشگوار حیرت ہوئی ہے کہ پاکستان میں اتنی اعلیٰ معیار کی اشیاء تیار ہو رہی ہیں جو قیمت میں بھی مناسب ہیں۔نمائش میں بچوں کے لیے خصوصی انتظام کیا گیا ہے جبکہ کھانے پینے کے اسٹال بھی بڑی تعداد میں لگائے گئے تھے، جس میں مناسب قیمت پر اشیا دستیاب تھیں۔
اسٹاف رپورٹر
سیف اللہ
ذریعہ
ذریعہ: Jasarat News
پڑھیں:
ایران-امریکا مجوزہ معاہدہ، عالمی مارکیٹ میں تیل کی قیمت میں کمی
ایران کی جانب سے امریکا کے ساتھ مجوزہ معاہدے پر نظرثانی کی رپورٹس کے بعد عالمی مارکیٹ میں تیل کی قیمت گر گئی ہے۔
غیرملکی خبرایجنسی نے بتایا کہ ایران کی جانب سے امریکی مجوزہ معاہدے کا جائزہ لینے کی ایرانی میڈیا کی رپورٹس کے بعد عالمی مارکیٹ میں تیل کی قیمتیں کم ہوگئی ہیں جو پہلے سیشن میں بلند ہوگئی تھیں۔
عالمی مارکیٹ میں برینٹ خام تیل کی قیمت 0.69 ڈالر یا 0.7 فیصد کمی کے ساتھ 94.29 ڈالر فی بیرل اور ویسٹ ٹیکساس کی قیمت 0.82 ڈالر یا 0.9 فیصد کمی کے بعد 91.34 ڈالر فی بیرل کی سطح پر آگئی ہے۔
گزشتہ کے اواخر میں امریکا اور ایران کے درمیان امن معاہدے کی امیدوں کی توقعات پر تیل کی قیمت 16 فیصد سے زیادہ کمی آئی تھی لیکن گزشتہ روز برینٹ اور ویسٹ ٹیکساس کی قیمتوں میں بالترتیب 3 اور 5 فیصد اضافہ ہوگیا تھا۔
امریکی صدر ڈونلڈ ٹرمپ نے بیان میں کہا تھا کہ ایران کے ساتھ مذاکرات جاری ہیں اور اگلے ہفتے کے بعد جنگ بندی میں توسیع اور آبنائے ہرمز کی بحالی کے لیے معاہدہ ہوسکتا ہے۔
ایرانی میڈیا نے رپورٹ کیا کہ عارضی امریکا تجاویز پر تاحال ایران کی جانب سے کوئی جواب نہیں دیا گیا ہے تاہم جائزہ لیا جا رہا ہے۔
امریکا اور ایران کے درمیان مذاکرات میں پیش رفت کی رپورٹس کے باوجود آبنائے ہرمز سے تیل کی سپلائی بدستور محدود ہے اور ماہرین نے تیل کے سرمایہ کاروں کے لیے یہ خطرناک قرار دیا ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے