شریعت پور میں ہندو فارمیسی مالک کے قتل میں ملوث 3 ہندو ملزمان گرفتار
اشاعت کی تاریخ: 4th, January 2026 GMT
بنگلہ دیش کے ضلع شریعت پور میں ہندو برادری سے تعلق رکھنے والے فارمیسی مالک کے قتل میں ملوث 3 افراد کو بنگلہ دیش کی ایلیٹ فورس ریپڈ ایکشن بٹالین (RAB) نے گرفتار کر لیا ہے۔
ریپڈ ایکشن بٹالین کے حکام کے مطابق گرفتار ملزمان کی شناخت سوہگ، ربی اور پلاش کے نام سے ہوئی ہے۔ انہیں کشور گنج کے علاقے باجیت پور میں رات گئے ایک خفیہ کارروائی کے دوران حراست میں لیا گیا۔ یہ کارروائی ڈھاکا اور باریسال میں موجود RAB یونٹس کی فراہم کردہ انٹیلی جنس معلومات کی بنیاد پر کی گئی۔
کارروائی کی قیادت اے ایس پی شاہجہان نے کیحکام کے مطابق اس کامیاب آپریشن کی قیادت اسسٹنٹ سپرنٹنڈنٹ پولیس (ASP) شاہجہان نے کی۔
متوفی کی شناخت اور واقعے کی تفصیلاتقتل ہونے والے شخص کی شناخت 50 سالہ کھوکن داس کے نام سے ہوئی ہے، جو ایک فارمیسی اور موبائل بینکنگ آؤٹ لیٹ چلاتے تھے۔ پولیس کے مطابق کھوکن داس کو 31 دسمبر کو دکان بند کرنے کے بعد گھر جاتے ہوئے حملے کا نشانہ بنایا گیا تھا۔
شدید زخمی حالت میں انہیں ڈھاکا میڈیکل کالج اسپتال منتقل کیا گیا، جہاں وہ دورانِ علاج جانبر نہ ہو سکے۔
مرنے سے قبل ملزمان کے نام بتائےشریعت پور کی سپرنٹنڈنٹ آف پولیس، رونق جہاں نے میڈیا کو بتایا کہ کھوکن داس نے وفات سے قبل ملزمان کے نام بتائے تھے، جنہیں اب گرفتار کر لیا گیا ہے۔ ان کے مطابق تینوں ملزمان علاقے میں بدنام تھے اور ان پر منشیات کے استعمال کے الزامات بھی عائد تھے۔
تحقیقات جاری، مزید گرفتاریاں متوقعپولیس کا کہنا ہے کہ قتل کے محرکات جاننے اور اس واقعے میں کسی اور فرد کے ملوث ہونے کا تعین کرنے کے لیے مزید تحقیقات جاری ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بنگلہ دیش شریعت پور کھوکھن داس ہندو بزنس مین.
ذریعہ
ذریعہ: WE News
کلیدی لفظ: بنگلہ دیش شریعت پور کھوکھن داس شریعت پور کے مطابق کے نام
پڑھیں:
کوئٹہ، سرکاری دفاتر میں ایجنٹس کیخلاف ایف آئی اے کی کارروائی، 14 افراد گرفتار
ڈائریکٹر ایف آئی اے بلوچستان کے مطابق ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کیلئے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔ اسلام ٹائمز۔ وفاقی تحقیقات ادارے ایف آئی ای نے کوئٹہ شہر میں مختلف وفاقی اداروں کے مبینہ ایجنٹس کے خلاف بڑے پیمانے پر کریک ڈاؤن کرتے ہوئے 14 افراد کو گرفتار کرلیا ہے۔ ڈائریکٹر ایف آئی اے بلوچستان بہرام مندوخیل کے مطابق کارروائی کے دوران نادرا، سوئی سدرن گیس کمپنی، پاسپورٹ آفس اور میٹروپولیٹن کارپوریشن سے متعلق مبینہ ایجنٹس کو حراست میں لیا گیا ہے، جو شہریوں کو مختلف سرکاری امور میں غیر قانونی سہولت کاری فراہم کرنے میں ملوث تھے۔ انہوں نے بتایا کہ گرفتار ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کے لئے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔
ڈائریکٹر ایف آئی اے نے کہا کہ گرفتار ملزمان سے تفتیش جاری ہے اور ابتدائی تحقیقات کی روشنی میں ان کے نیٹ ورک میں شامل دیگر افراد کی نشاندہی کی جا رہی ہے۔ امید ہے کہ مزید گرفتاریاں بھی عمل میں آئیں گی۔ بہرام مندوخیل نے کہا کہ ایف آئی اے سرکاری اداروں میں بدعنوانی، جعلسازی اور غیر قانونی سہولت کاری کے خاتمے کے لئے کارروائیاں جاری رکھے گی اور قانون شکنی میں ملوث عناصر کے خلاف بلاامتیاز کارروائی کی جائے گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار