بنگلہ دیش نے ٹی20 ورلڈ کپ کے لیے اسکواڈ کا اعلان کردیا
اشاعت کی تاریخ: 4th, January 2026 GMT
بنگلہ دیش کرکٹ بورڈ نے آئندہ ماہ شیڈول ٹی20 ورلڈ کپ کے لیے 15 کھلاڑیوں پر مشتمل قومی ٹیم کا اعلان کر دیا ہے، جس کے مطابق ٹیم کی قیادت لٹن داس کریں گے۔
فاسٹ بولنگ کی کمان مستفیض الرحمان اور تسکین احمد کے ہاتھوں میں ہوگی، جو بولنگ لائن اپ کے اہم ستون سمجھے جا رہے ہیں۔
مزید پڑھیں: ٹی20 ورلڈ کپ کے لیے بھارت نہ جانے کا فیصلہ، بنگلہ دیش کرکٹ بورڈ کا بڑا قدم
بنگلہ دیش کرکٹ بورڈ کی جانب سے جاری تفصیلات کے مطابق ٹیم میں بیٹر جاکر علی کو جگہ نہیں دی گئی، جن کی حالیہ کارکردگی تسلی بخش نہیں رہی۔ جاکر علی کے لیے 2025 کا سال خاصا مایوس کن ثابت ہوا، جہاں وہ 26 ٹی20 مقابلوں میں محض 378 رنز ہی بنا سکے۔
تسکین احمد جو دسمبر میں آئرلینڈ کے خلاف سیریز کے دوران ابو ظہبی ٹی10 لیگ میں مصروف ہونے کے باعث ٹیم کا حصہ نہیں تھے، اب دوبارہ قومی اسکواڈ میں شامل کر لیے گئے ہیں۔ وہ اب تک 86 ٹی20 انٹرنیشنل میچز میں 106 وکٹیں حاصل کر چکے ہیں۔
فاسٹ بولنگ یونٹ میں مستفیض اور تسکین کے علاوہ تنزیم حسن، شریف الاسلام اور محمد سیف الدین شامل ہیں، جبکہ اسپن ڈیپارٹمنٹ کی ذمہ داری رشاد حسین، نسیم احمد اور مہدی حسن کے سپرد ہوگی۔
بیٹنگ لائن اپ کی قیادت کپتان لٹن داس کریں گے، جن کے ساتھ تنزید حسن اور سیف حسن سے رنز بنانے کی توقع کی جا رہی ہے۔
واضح رہے کہ ٹی20 ورلڈ کپ کی مشترکہ میزبانی بھارت اور سری لنکا کریں گے، لیکن بنگلہ دیش کرکٹ بورڈ نے ورلڈ کپ کے لیے ٹیم بھارت نہ بھیجنے کا اعلان کردیا ہے۔
مزید پڑھیں: ٹی20 ورلڈ کپ کے لیے بھارت نہ جانے کا فیصلہ، بنگلہ دیش کرکٹ بورڈ کا بڑا قدم
بنگلہ دیش اسکواڈ:
ٹی20 ورلڈ کپ کے لیے بنگلہ دیش کے اسکواڈ میں لٹن داس (کپتان)، تنزید حسن، پرویز حسین ایمون، سیف حسن، توحید ہردوئے، شمیم حسین، قاضی نورالحسن سوجن، مہدی حسن، رشاد حسین، نسیم احمد، مستفیض الرحمان، تنزیم حسن ساقب، تسکین احمد، سیف الدین اور شریف الاسلام شامل ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسکواڈ کا اعلان بنگلہ دیش ٹی20 ورلڈ کپ وی نیوز.
ذریعہ
ذریعہ: WE News
کلیدی لفظ: اسکواڈ کا اعلان بنگلہ دیش ٹی20 ورلڈ کپ وی نیوز بنگلہ دیش کرکٹ بورڈ ٹی20 ورلڈ کپ کے لیے کا اعلان
پڑھیں:
بجلی صارفین کے لیے ریلیف کا اعلان، پاور ڈویژن نے عوام کو خوشخبری سنا دی
پاور ڈویژن نے اعلان کیا ہے کہ رواں سال جون کے دوران بجلی صارفین کو فی یونٹ 20 پیسے کا خالص ریلیف ملے گا۔
اعلامیے کے مطابق ماہانہ فیول ایڈجسٹمنٹ کی مد میں 1.73 روپے فی یونٹ اضافہ جبکہ سہ ماہی ایڈجسٹمنٹ کی مد میں 1.93 روپے فی یونٹ کمی کی گئی ہے، جس کے نتیجے میں صارفین کو مجموعی طور پر 20 پیسے فی یونٹ کا فائدہ حاصل ہوگا۔
پاور ڈویژن کے مطابق جون میں بجلی کے نرخ جنوری تا مئی 2026 کے مقابلے میں برقرار رہیں گے۔
اعلامیے میں کہا گیا ہے کہ سہ ماہی ریلیف کی شرح ماہانہ اضافے سے زیادہ رہی، جس کی وجہ سے صارفین کو خالص ریلیف میسر آئے گا۔
پاور ڈویژن نے بتایا کہ ایران اور امریکا کے درمیان جنگ کے باعث عالمی توانائی منڈی شدید دباؤ کا شکار رہی اور برینٹ کروڈ آئل کی متوقع قیمت 70 ڈالر فی بیرل سے بڑھ کر 120 ڈالر فی بیرل تک پہنچ گئی۔
پاور ڈویژن کے مطابق اس صورتحال کے باوجود حکومت نے بروقت اقدامات کرتے ہوئے بجلی صارفین کو بڑے اضافی مالی بوجھ سے محفوظ رکھا۔
اعلامیے کے مطابق اپریل میں بجلی کی قیمت میں ممکنہ طور پر 5 سے 6 روپے فی یونٹ اضافے کا خدشہ تھا، تاہم حکومتی اقدامات کے نتیجے میں اس اضافے کو محدود کرکے 1.73 روپے فی یونٹ تک رکھا گیا۔ اس طرح صارفین پر تقریباً 38 ارب روپے کا اضافی بوجھ منتقل ہونے سے بچ گیا۔
پاور ڈویژن کا کہنا ہے کہ محدود لوڈ مینجمنٹ، مقامی گیس کے استعمال اور فرنس آئل کے مؤثر استعمال کے ذریعے توانائی کے بحران کا مقابلہ کیا گیا۔
مزید بتایا گیا کہ سہ ماہی ایڈجسٹمنٹ کی مد میں 1.93 روپے فی یونٹ کمی کی گئی ہے جس سے مجموعی طور پر 65 ارب روپے کا ریلیف صارفین کو ملے گا۔
اعلامیے میں کہا گیا کہ لائن لاسز میں کمی اور بجلی کی طلب میں اضافے کے باعث صارفین کو نمایاں ریلیف فراہم ہوا، جبکہ متوقع بیس ٹیرف کے مقابلے میں 46 ارب روپے کی منفی تبدیلی بھی صارفین کے حق میں گئی۔
پاور ڈویژن نے اس بات پر زور دیا کہ حکومت نے عالمی اور علاقائی سطح پر درپیش مشکلات کے باوجود بجلی کے نرخوں کو مستحکم رکھنے میں کامیابی حاصل کی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بجلی صارفین پاور ڈویژن ریلیف کا اعلان عوام کو خوشخبری وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ