زخمی مزدور کیخلاف FIR واپس لی جائے ‘خالدخان
اشاعت کی تاریخ: 5th, January 2026 GMT
data-id="863a0a8" data-element_type="widget" data-widget_type="theme-post-content.default">
نیشنل لیبرفیڈریشن کراچی زون کے صدر خالد خان نے اپنے ایک بیان میں کہاہے کہ فیروز ٹیکسٹائل مل کورنگی انڈسٹریل ایریا کراچی میں مزدوروں کے ساتھ ہونے والی سنگین ناانصافیوں اور لیبر قوانین کی کھلم کھلاخلاف ورزیاںہورہی ہے۔ انہوں نے مزید کہاکہ ہمیں باوثوق ذرائع سے معلوم ہواہے کہ گزشتہ دنوںفیروز ٹیکسٹائل مل میں ایک مزدوردوران ڈیوٹی چھت سے گر کر شدید زخمی ہوا۔ جو انتظامی غفلت اور حفاظتی اقدامات کی عدم موجودگی کا واضح ثبوت ہے۔ افسوسناک امر یہ ہے کہ ادارے کی انتظامیہ نے زخمی مزدور کو مناسب علاج فراہم کرنے کے بجائے اس پر خودکشی کا جھوٹا الزام عائد کرتے ہوئے اس کے خلاف FIR درج کروائی جو غیر انسانی، غیر اخلاقی اور قانون کے سراسرمنافی عمل ہے۔ سینئر نائب صدر امیرروان نے کہا کہ فیروز ٹیکسٹائل مل میں مزدوروں سے زبردستی یومیہ 14 سے 15 گھنٹے کام لیاجارہاہے اور اس کا سنگل اوور ٹائم ادا کیا جارہا ہے جو کہ مزدور وں کے ساتھ ظلم ہے۔ کمپنی میں مزدوروں کو سوشل سیکورٹی اورEOBI میں رجسٹرنہیں کیا جارہا، سالانہ بونس اور 5فیصد قانون کے مطابق ادا نہیں کیا جاتا۔ قانونی چھٹیاں نہیں دی جاتیں اورنہ ہی ملازمین کو بھرتی لیٹر جاری کیے جاتے ہیں۔نیشنل لیبرفیڈریشن نے مطالبہ کیاہے کہ زخمی مزدور کیخلاف درج کی گئی FIR کوفوری واپس لیاجائے، اس کا علاج آغا خان اسپتال میں ادارے کے خرچ پر کروایاجائے۔متاثرہ مزدور اور اس کے اہل خانہ کو مکمل قانونی معاوضہ اداکیاجائے۔
ذریعہ
ذریعہ: Jasarat News
پڑھیں:
کراچی میں فائرنگ سے باپ اور نوجوان بیٹا جاں بحق
شہر قائد کے علاقے سرجانی ٹاؤن روزی گوٹْھ میں فائرنگ کے افسوسناک واقعے میں باپ اور بیٹا جاں بحق جبکہ دوسرا بیٹا زخمی ہوگیا۔
تفصیلات کے مطابق سرجانی روزی گوٹھ میں فائرنگ کا افسوسناک واقعہ پیش آیا جس میں والد اور دو بیٹے زخمی ہوئے۔
مقتولین کی لاشوں اور زخمی کو چھیپا کے رضا کاروں نے عباسی شہید اسپتال منتقل کیا۔
اس حوالے سے ترجمان ڈسٹرکٹ ویسٹ پولیس کا کہنا ہے کہ سرجانی روزی گوٹھ میں فائرنگ سے جاں بحق افراد کی شناخت 62 سالہ کامل حسین اور اس کے بیٹے کو 26 سالہ دوہان کے نام شناخت کیا گیا جبکہ زخمی ہونے والے دوسرے بیٹے 30 سالہ عادل کو طبی امداد فراہم کی جا رہی ہے۔
ترجمان کے مطابق ابتدائی معلومات میں پتہ چلا ہے کہ فائرنگ کا واقعہ رشتے داروں کے درمیان تنازع پر جھگڑے کے دوران پیش آیا جس کی اطلاع ملتے ہی سرجانی ٹاؤن پولیس نے موقع پر پہنچ کر شواہد حاصل کیے اور واقعے کی مزید چھان بین شروع کر دی ہے۔
ترجمان کے مطابق فائرنگ کرنے والے ملزم کی بھی شناخت کرلی گئی ہے جس کی گرفتاری کے لیے لیے پولیس چھاپہ مار رہی ہے جسے جلد گرفتار کرلیا جائیگا۔
ایس ایچ او سرجانی ٹاؤن سہیل خاصخیلی نے بتایا کہ فائرنگ کا واقعہ لڑکی کے رشتے پر ہونے والے تنازعے کی وجہ سے پیش آئی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ