گروک پر بچوں کی نامناسب تصاویر بنوانے والے صارفین کو سخت نتائج بھگتنے کی وارننگ
اشاعت کی تاریخ: 5th, January 2026 GMT
ٹیسلا اور اسپیس ایکس کے مالک ایلون مسک نے بالآخر گروک اے آئی سے متعلق حالیہ تنازع پر خاموشی توڑ دی ہے جس میں خواتین اور کم عمر بچوں کی نامناسب تصاویر تیار کیے جانے پر شدید تنقید سامنے آئی تھی۔
یہ بھی پڑھیں: ایلون مسک نے ایکس صارفین کو گروک اپڈیٹ کرنے کی ہدایت کیوں دی؟
ٹیک ویب سائٹ بوم کے مطابق دنیا کے امیر ترین شخص ایلون مسک نے خبردار کیا ہے کہ جو بھی شخص ایکس پر گروک کا استعمال کرتے ہوئے غیر قانونی مواد تیار کرے گا اسے سخت نتائج کا سامنا کرنا پڑے گا۔
ایلون مسک کا کہنا ہے کہ جو کوئی گروک کے ذریعے غیر قانونی مواد بنائے گا اس کے ساتھ وہی سلوک کیا جائے گا جو غیر قانونی مواد اپ لوڈ کرنے والوں کے ساتھ کیا جاتا ہے۔
انہوں نے ایک اور صارف کو جواب دیتے ہوئے کہا کہ ہم مذاق نہیں کر رہے۔
یہ بیان اس وقت سامنے آیا ہے جب ایکس پر کچھ صارفین گروک کو ٹیگ کر کے خواتین اور نابالغ افراد کی تصاویر تیار کروانے کی کوشش کر رہے تھے جن میں انہیں بکنی یا نامناسب لباس میں دکھایا گیا۔ کئی مواقع پر چیٹ بوٹ نے ان ہدایات پر عمل کرتے ہوئے تبدیل شدہ تصاویر بنا دیں۔
مزید پڑھیے: ایکس اے آئی نے وکی پیڈیا کے مقابلے میں گروکی پیڈیا لانچ کردیا
یہ عمل مکمل طور پر غیر رضامندی پر مبنی ہے اور متاثرہ افراد کا اس پر کوئی کنٹرول نہیں ہوتا۔ اس فیچر کے استعمال کے لیے کسی سبسکرپشن کی بھی ضرورت نہیں جبکہ تیار کردہ تصاویر عوامی طور پر دستیاب ہو جاتی ہیں۔
تاہم ایلون مسک نے یہ واضح نہیں کیا کہ خلاف ورزی کرنے والوں کو کس نوعیت کی سزاؤں کا سامنا کرنا پڑے گا تاہم امکان ہے کہ یہ وارننگ خاص طور پر کم عمر بچوں سے متعلق اے آئی تصاویر کے لیے ہے۔
مزید پڑھیں: جن بوتل سے باہر: غزہ پر آواز اٹھانے کی سزا ملی، ایلون مسک مجھے سنسر کر رہے ہیں، چیٹ بوٹ گروک بول پڑا
ایسے صارفین پر چائلڈ سیکسول ایکسپلائیٹیشن مواد پھیلانے کے الزامات بھی عائد کیے جا سکتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایلون مسک گروک گروک پر نامناست تصاویر.
ذریعہ
ذریعہ: WE News
کلیدی لفظ: ایلون مسک گروک گروک پر نامناست تصاویر ایلون مسک نے
پڑھیں:
روس مذاکرات کے لیے تیار، یوکرین میں فوجی آپریشن جاری رہے گا، کریملن
روزانہ کی پریس بریفنگ کے دوران کریملن کے ترجمان کا کہنا تھا کہ روس مذاکراتی عمل کے لیے کھلا ہے، لیکن جب یورپی دارالحکومت کیف حکومت کو جنگ جاری رکھنے کی ترغیب دے رہے ہیں تو ایسی صورتحال میں ماسکو بھی اپنا خصوصی فوجی آپریشن جاری رکھے گا۔ اسلام ٹائمز۔ کریملن کے ترجمان دیمتری پیسکوف نے کہا ہے کہ روس یوکرین تنازع کے حل کے لیے مذاکرات پر آمادہ ہے، تاہم یورپی ممالک کی جانب سے کیف حکومت کی مسلسل حوصلہ افزائی کے باعث روس اپنا خصوصی فوجی آپریشن جاری رکھے ہوئے ہے۔ روزانہ کی پریس بریفنگ کے دوران دیمتری پیسکوف نے کہا کہ روس مذاکراتی عمل کے لیے کھلا ہے، لیکن جب یورپی دارالحکومت کیف حکومت کو جنگ جاری رکھنے کی ترغیب دے رہے ہیں تو ایسی صورتحال میں ماسکو بھی اپنا خصوصی فوجی آپریشن جاری رکھے گا۔ انہوں نے دعویٰ کیا کہ روسی افواج خصوصی فوجی آپریشن کے دوران مثبت پیش رفت حاصل کر رہی ہیں اور میدانِ جنگ میں صورتحال حوصلہ افزا ہے۔
کریملن کے ترجمان نے بتایا کہ یوکرین کے معاملے پر روس اور امریکا کے درمیان رابطے برقرار ہیں، تاہم اس مرحلے پر یہ کہنا قبل از وقت ہوگا کہ تنازع کے حل کی کوششوں میں کوئی نمایاں پیش رفت یا تیزی آئی ہے۔ دیمتری پیسکوف نے کہا کہ موجودہ ورکنگ چینلز کے ذریعے امریکا کے ساتھ رابطے جاری ہیں اور امید ہے کہ امریکی مذاکرات کار اپنی مصروفیات مکمل ہونے کے بعد ماسکو کا دورہ کریں گے تاکہ دونوں ممالک کے درمیان براہِ راست مذاکرات کا سلسلہ دوبارہ شروع کیا جا سکے۔
جوہری عدم پھیلاؤ کے حوالے سے روس کے مؤقف پر بات کرتے ہوئے انہوں نے کہا کہ ماسکو جوہری ہتھیاروں کے پھیلاؤ کی روک تھام کے اصول پر قائم ہے، تاہم ہر ملک کو پُرامن مقاصد کے لیے جوہری توانائی کے استعمال کا حق حاصل ہونا چاہیے۔ انہوں نے مزید کہا کہ روس کا مؤقف جوہری ہتھیاروں کے عدم پھیلاؤ سے متعلق ہے، جبکہ ایران، سعودی عرب اور دیگر ممالک کو پُرامن جوہری توانائی کے استعمال کا حق حاصل ہے اور اس حق کی ضمانت دی جانی چاہیے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار