شوکت خانم میموریل اسپتال کو عطیات کی کمی کا سامنا، عوام سے اہم اپیل
اشاعت کی تاریخ: 5th, January 2026 GMT
شوکت خانم میموریل کینسر اسپتال کی جانب سے عوام سے ایک بار پھر ڈونیشن کی اپیل کی گئی ہے، جس میں بتایا گیا ہے کہ رواں سال عطیات میں قریباً ایک فیصد کمی ریکارڈ کی گئی ہے۔
اسپتال انتظامیہ کے مطابق عطیات میں یہ کمی ایک ایسے وقت میں سامنے آئی ہے جب شوکت خانم اسپتال کراچی کی تکمیل کا مرحلہ درپیش ہے، جسے دسمبر 2026 تک مکمل کرنے کا ہدف مقرر کیا گیا ہے۔
شوکت خانم ہسپتال اپیل ????
بدقسمتی سے اس سال donations میں 1% کمی آئی ہے جبکہ شوکت خانم ہسپتال کراچی کو دسمبر 2026 میں مکمل کرنا ہے۔
اس لئے جتنا بھی ممکن ہو شوکت خانم ہسپتال کو ڈونیشن دیں کیونکہ یہ صدقہ جاریہ ہے
pic.
— Faisal Khan (@KaliwalYam) January 5, 2026
اپیل میں کہا گیا ہے کہ شوکت خانم اسپتال ملک میں کینسر کے مریضوں کو علاج کی سہولیات فراہم کرنے والا ایک اہم ادارہ ہے، جہاں بڑی تعداد میں مستحق مریضوں کا علاج عطیات کی مدد سے کیا جاتا ہے۔
انتظامیہ کے مطابق اسپتال کا مالی نظام زیادہ تر عوامی تعاون اور ڈونیشنز پر انحصار کرتا ہے، اسی لیے عطیات میں معمولی کمی بھی منصوبوں کی رفتار اور علاج کی سہولیات پر اثر انداز ہو سکتی ہے۔
شوکت خانم اسپتال کراچی منصوبے کے حوالے سے بتایا گیا ہے کہ اس کی تکمیل دسمبر 2026 میں متوقع ہے، تاہم اس ہدف کے حصول کے لیے مسلسل مالی معاونت کی ضرورت ہے۔
اپیل میں اس بات پر زور دیا گیا ہے کہ عوام کی جانب سے دی جانے والی ہر چھوٹی بڑی رقم اسپتال کی تعمیر اور مریضوں کے علاج میں براہ راست معاون ثابت ہوتی ہے۔
اسپتال انتظامیہ نے عوام سے اپیل کی ہے کہ وہ زیادہ سے زیادہ ڈونیشن دے کر اس فلاحی مقصد میں حصہ ڈالیں۔
مزید پڑھیں: شوکت خانم اسپتال کا فنڈ ریزنگ پروگرام روکنے پر کرکٹر شاداب خان برہم
واضح رہے کہ شوکت خانم میموریل اسپتال سابق وزیراعظم عمران خان نے اپنی والدہ کے نام پر بنایا ہے، جہاں مستحق مریضوں کا مفت علاج کیا جاتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews شوکت خانم اسپتال عطیات میں کمی عوام سے اپیل وی نیوز
ذریعہ
ذریعہ: WE News
کلیدی لفظ: شوکت خانم اسپتال عطیات میں کمی عوام سے اپیل وی نیوز شوکت خانم اسپتال عطیات میں گیا ہے کہ عوام سے
پڑھیں:
بجلی صارفین کے لیے ریلیف کا اعلان، پاور ڈویژن نے عوام کو خوشخبری سنا دی
پاور ڈویژن نے اعلان کیا ہے کہ رواں سال جون کے دوران بجلی صارفین کو فی یونٹ 20 پیسے کا خالص ریلیف ملے گا۔
اعلامیے کے مطابق ماہانہ فیول ایڈجسٹمنٹ کی مد میں 1.73 روپے فی یونٹ اضافہ جبکہ سہ ماہی ایڈجسٹمنٹ کی مد میں 1.93 روپے فی یونٹ کمی کی گئی ہے، جس کے نتیجے میں صارفین کو مجموعی طور پر 20 پیسے فی یونٹ کا فائدہ حاصل ہوگا۔
پاور ڈویژن کے مطابق جون میں بجلی کے نرخ جنوری تا مئی 2026 کے مقابلے میں برقرار رہیں گے۔
اعلامیے میں کہا گیا ہے کہ سہ ماہی ریلیف کی شرح ماہانہ اضافے سے زیادہ رہی، جس کی وجہ سے صارفین کو خالص ریلیف میسر آئے گا۔
پاور ڈویژن نے بتایا کہ ایران اور امریکا کے درمیان جنگ کے باعث عالمی توانائی منڈی شدید دباؤ کا شکار رہی اور برینٹ کروڈ آئل کی متوقع قیمت 70 ڈالر فی بیرل سے بڑھ کر 120 ڈالر فی بیرل تک پہنچ گئی۔
پاور ڈویژن کے مطابق اس صورتحال کے باوجود حکومت نے بروقت اقدامات کرتے ہوئے بجلی صارفین کو بڑے اضافی مالی بوجھ سے محفوظ رکھا۔
اعلامیے کے مطابق اپریل میں بجلی کی قیمت میں ممکنہ طور پر 5 سے 6 روپے فی یونٹ اضافے کا خدشہ تھا، تاہم حکومتی اقدامات کے نتیجے میں اس اضافے کو محدود کرکے 1.73 روپے فی یونٹ تک رکھا گیا۔ اس طرح صارفین پر تقریباً 38 ارب روپے کا اضافی بوجھ منتقل ہونے سے بچ گیا۔
پاور ڈویژن کا کہنا ہے کہ محدود لوڈ مینجمنٹ، مقامی گیس کے استعمال اور فرنس آئل کے مؤثر استعمال کے ذریعے توانائی کے بحران کا مقابلہ کیا گیا۔
مزید بتایا گیا کہ سہ ماہی ایڈجسٹمنٹ کی مد میں 1.93 روپے فی یونٹ کمی کی گئی ہے جس سے مجموعی طور پر 65 ارب روپے کا ریلیف صارفین کو ملے گا۔
اعلامیے میں کہا گیا کہ لائن لاسز میں کمی اور بجلی کی طلب میں اضافے کے باعث صارفین کو نمایاں ریلیف فراہم ہوا، جبکہ متوقع بیس ٹیرف کے مقابلے میں 46 ارب روپے کی منفی تبدیلی بھی صارفین کے حق میں گئی۔
پاور ڈویژن نے اس بات پر زور دیا کہ حکومت نے عالمی اور علاقائی سطح پر درپیش مشکلات کے باوجود بجلی کے نرخوں کو مستحکم رکھنے میں کامیابی حاصل کی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بجلی صارفین پاور ڈویژن ریلیف کا اعلان عوام کو خوشخبری وی نیوز
وزارت آئی ٹی نے 1.67 ارب روپے سے زاید کے فنڈز طلب کرلیے