قوم ذوالفقار بھٹو کی خدمات کو قدر کی نگاہ سے یاد رکھے گی، سرفراز بگٹی
اشاعت کی تاریخ: 5th, January 2026 GMT
اپنے بیان میں سرفراز بگٹی نے کہا کہ بلوچستان میں جمہوری اقدار اور آئینی حقوق کے تحفظ کیلیے ذوالفقار بھٹو کے فلسفے کے مطابق اقدامات جاری رکھے جائینگے۔ اسلام ٹائمز۔ وزیراعلیٰ بلوچستان سرفراز بگٹی نے پاکستان پیپلز پارٹی کے بانی ذوالفقار علی بھٹو کے یوم پیدائش کے موقع پر اپنے پیغام میں کہا ہے کہ ذوالفقار علی بھٹو ایک عہد ساز شخصیت تھے، جنہوں نے پاکستان کو عوامی شعور، جمہوری سیاست اور آئینی بالادستی کا راستہ دکھایا۔ وزیراعلیٰ نے کہا کہ شہید بھٹو نے مظلوم اور پسے ہوئے طبقات کو زبان دی، عوام کو اقتدار کا اصل سرچشمہ قرار دیا اور پاکستان کو ایک متفقہ آئین دیا، جو آج بھی وفاق پاکستان کی مضبوط بنیاد ہے۔
ان کا کہنا تھا کہ ذوالفقار علی بھٹو تاریخ پاکستان کا وہ درخشاں باب ہیں جسے کبھی فراموش نہیں کیا جا سکتا۔ وہ آنے والی نسلوں کے لیے مشعل راہ ہیں اور پاکستان پیپلز پارٹی کی قیادت اور کارکنان ان کے مشن کو آگے بڑھانے کے لیے پرعزم ہیں۔ انہوں نے اس عزم کا اظہار کیا کہ صوبہ بلوچستان میں عوامی فلاح، جمہوری اقدار اور آئینی حقوق کے تحفظ کے لیے ذوالفقار بھٹو کے فلسفے کے مطابق اقدامات جاری رکھے جائیں گے۔ سرفراز بگٹی نے کہا کہ قوم ہمیشہ ذوالفقار علی بھٹو کی خدمات کو قدر کی نگاہ سے یاد رکھے گی۔
ذریعہ
ذریعہ: Islam Times
کلیدی لفظ: ذوالفقار علی بھٹو سرفراز بگٹی
پڑھیں:
پاکستان نے چین کے لئے نیا سفیر نامزد کردیا
پاکستان نے چین کے لئے نیا سفیر نامزد کردیا۔
ذرائع نے کہا کہ علی اسد گیلانی چین کے لئے پاکستان کے نئے سفیر ہونگے، چین میں اس وقت تعینات سفیر خلیل ہاشمی کو وطن واپسی پر اہم ذمہ داری ملنے کا امکان ہے، خلیل ہاشمی کی چین میں تعیاناتی کو تین سال مکمل ہونے پر تعیاناتی کی مدت مکمل ہونے پر واپس آرہے ہیں۔
ذرائع کے مطابق علی اسد گیلانی اس وقت وزارت خآرجہ میں بطور ایڈشنل سیکریٹری ایشیا پیسفک کام انجام دے رہے ہیں، علی اسد گیلانی پاکستان کے ازبکستان کے سفیر اور وزارت خآرجہ میں ایڈشنل سیکرٹی برائے مغربی ایشیا بھی رہ چکے ہیں۔
بھارت سے جنگ اور افغانستان میں کارروائی خارج ازامکان نہیں، وزیردفاع