سی ڈی اے مزدور یونین کے ملازمین کی پروموشن کردی گئی
اشاعت کی تاریخ: 5th, January 2026 GMT
سی ڈی اے مزدور یونین (سی بی اے) کے زیر اہتمام ادارے کے 93جونیئراسسٹنٹ،انکوائری کلرک، اسٹور کلرک، سیمنٹ کلرک (بی پی ایس 11)کی بطور سب اسسٹنٹ (BPS-14) پروموٹ ہونے والے ملازمین کو پروموشن لیٹر دینے کے حوالے سے تقریب مرکزی یونین آفس میں منعقد ہوئی۔
یہ بھی پڑھیں: ملازمین کے لیے حیران کن تحفہ، سی ای او کا کمپنی فروخت کر کے ملازمین کو کروڑوں کا بونس
سی ڈی اے مزدور یونین کی جانب سے جاری بیان کے مطابق تقریب میں سی ڈی اے مزدور یونین کے جنرل سیکریٹری چوہدری محمد یٰسین نے تمام ترقی پانے والے ملازمین میں پروموشن لیٹرزتقسیم کیے۔
اس موقع پر سی ڈی اے مزدور یونین کے صدراورنگزیب خان، راجہ شاکرزمان کیانی، سپریم ہیڈ مرزا سعید اختر، صوفی محمودعلی، محمد عاصم ملک، اظہارعباسی، اسد محمود، محمد سرفرازملک، چوہدری زاہد احمد، واجد گجر، صفدرعباسی، شفیع اللہ خان، چوہدری ابرار، قاری عمردراز، ساجد رشید، سید ارشاد شاہ، چوہدری انور، ملک اسلم، راجہ ایاز، وقارخان، ندیم ستی، سردارآصف، چوہدری عابد، کلیم عباسی، ملک سجاد سمیت دیگرعہدیداران،سی بی اے کمیٹیز کے نمائندگان اور سی ڈی اے ملازمین بھی موجودتھے۔
اس موقع پر ترقی پانے والے ملازمین نے مزدور یونین کے قائدین کا شکریہ اداکرتے ہوئے کہا کہ بلاشبہ سی ڈی اے مزدور یونین ہی ملازمین کی نمائندہ تنظیم ہے جوملازمین کی بلاتفریق خدمت کررہی ہے اورہم امید کرتے ہیں کہ پہلے سے بڑھ کر تمام ملازمین کے مسائل کو ترجیح بنیادوں پر حل کرائیں گے۔
یہ بھی پڑھیں: سی ڈی اے اسلام آباد کے پلاٹ دھڑا دھڑ کیوں بیچ رہا ہے؟
تقریب سے خطاب کرتے ہوئے سی ڈی اے مزدور یونین کے جنرل سیکریٹری چوہدری محمد یٰسین نے کہا کہ ہم نے ریفرنڈم میں جو وعدے کیے تھے، آج الحمد للہ اسکی تکمیل کررہے ہیں اورہم 7 ہزار سے زیادہ فیلڈ اسٹاف کی پروموشن کراچکے ہیں جس کی مثال ماضی میں نہیں ملتی۔
انہوں نے کہا کہ مزدور یونین نے ادارے کے مالی،بیلدار،والومین و دیگر فیلڈسٹاف جو اسی اسکیل میں ریٹائرڈ ہو جاتا تھا،اس کی پروموشن کے لیے تعلیم کی شرط کا خاتمہ کرایا جس سے ادارے کے سینکڑوں ملازمین مستفید ہورہے ہیں اور وہ اگلے اسکیل میں ترقی حاصل کررہے ہیں۔
چوہدری محمد یٰسین نے کہا کہ ہم نے ان مشکل ترین حالات میں ملازمین کو 20فی صد مہنگائی الاؤنس دلوایا اور تمام الاؤنسزمیں 50سے 100فی صد اضافہ کرایا اور انشاء اللہ باقی ماندہ تمام مسائل کو ترجیح بنیادوں پر حل کریں گے۔
اس موقع پر انہوں نے چیئرمین سی ڈی اے اور بورڈ ممبران سے اپیل کی کہ وہ ملازمین کی منتخب کردہ سی بی اے یونین کے ساتھ مل کر مذاکرات کریں تاکہ ملازمین کے مسائل کو ترجیح بنیادوں پر حل کیا جاسکے اور ملازمین میں پائی جانے والی بے چینی کا خاتمہ ہو سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news ترقی سی ڈی اے مزدور یونین ملازمین.
ذریعہ
ذریعہ: WE News
کلیدی لفظ: سی ڈی اے مزدور یونین ملازمین سی ڈی اے مزدور یونین کے ملازمین کی کہا کہ
پڑھیں:
سرکاری ملازمین پنشن میں اضافہ، خیبرپختونخوا حکومت کا بڑا ریلیف اعلان
پشاور: سرکاری ملازمین پنشن میں اضافہ کے حوالے سے خیبرپختونخوا حکومت نے اہم فیصلہ کرتے ہوئے صوبے کے پنشنرز کی نیٹ پنشن میں 7 فیصد اضافے کی منظوری دے دی ہے۔ اس فیصلے کا اطلاق یکم جولائی 2026 سے ہوگا، جبکہ اس حوالے سے محکمہ خزانہ نے باضابطہ نوٹیفکیشن بھی جاری کر دیا ہے۔
جاری کردہ اعلامیے کے مطابق یہ اضافہ 30 جون 2026 تک وصول کی جانے والی نیٹ پنشن کی بنیاد پر دیا جائے گا۔ حکومت کے اس اقدام سے لاکھوں ریٹائرڈ سرکاری ملازمین اور ان کے اہل خانہ کو مہنگائی کے موجودہ دور میں مالی سہارا ملنے کی امید ہے۔
نوٹیفکیشن میں واضح کیا گیا ہے کہ یکم جولائی 2026 یا اس کے بعد ریٹائر ہونے والے سرکاری ملازمین بھی اس 7 فیصد اضافے سے مستفید ہوں گے۔ اسی طرح فیملی پنشن حاصل کرنے والے افراد اور کمپیشنٹ الاؤنس لینے والے مستحقین پر بھی یہ اضافہ یکساں طور پر لاگو ہوگا۔
محکمہ خزانہ کے مطابق بیرون ملک مقیم وہ پنشنرز بھی، جو خیبرپختونخوا حکومت کی پنشن کے اہل ہیں، مقررہ قواعد و ضوابط کے تحت اس اضافے سے فائدہ اٹھا سکیں گے۔
حکومت نے یہ بھی واضح کیا ہے کہ یہ اضافہ پہلے سے دی جانے والی کسی بھی خصوصی اضافی پنشن پر لاگو نہیں ہوگا، بلکہ صرف بنیادی نیٹ پنشن کی بنیاد پر ادا کیا جائے گا۔
ماہرین کے مطابق سرکاری ملازمین پنشن میں اضافہ کا یہ فیصلہ بڑھتی مہنگائی کے پیش نظر ریٹائرڈ ملازمین کے لیے اہم ریلیف ثابت ہوگا اور ان کے ماہانہ اخراجات پورے کرنے میں مدد فراہم کرے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار