سعد جاوید کی نمازجنازہ میں جماعت اسلامی کے رہنماؤں کی شرکت
اشاعت کی تاریخ: 6th, January 2026 GMT
data-id="863a0a8" data-element_type="widget" data-widget_type="theme-post-content.default">
260106-08-10
کراچی(اسٹاف رپورٹر )جماعت اسلامی کے رہنماؤں نے گزشتہ روز سیکٹرایل 5نیوکراچی میں مسلح ڈاکوؤں کے ہاتھوں جاں بحق نوجوان سعدجاوید کے گھر جا کر اہل خانہ سے ملاقات و تعزیت کی اور اس افسوسناک واقع پر گہرے دکھ اور افسوس کا اظہار کیا۔سندھ حکومت و محکمہ پولیس کی نا اہلی اور شہریوں کے تحفظ میں ناکامی کی شدید مذمت کی اور مطالبہ کیا کہ مجرموں کو کیفر کردار تک پہنچایا جائے اور مسلح ڈاکوؤں و جرائم پیشہ عناصر کے خلاف سخت کارروائی کی جائے۔دریں اثنا سعد ولد جاوید کو پیر کے روز آنسو ؤں اور سسکیوں کے ساتھ سپرد خاک کر دیا گیا، نمازجنازہ بعد نماز ظہر مکہ مسجد عید گاہ گراؤنڈ میں ادا کی گئی۔ نماز جنازہ میں امیر جماعت اسلامی ضلع شمالی طارق مجتبیٰ، ٹاؤن چیئرمین نارتھ کراچی محمد یوسف،وائس چیئرمین شعیب بن ظہیر، سیاسی، سماجی شخصیات اور علاقہ مکینوں کی بڑی تعداد نے شرکت کی، اس موقع پر علاقہ مکینوں نے سخت احتجاج کیا او ر مطالبہ کیا کہ سیکٹرایل 5 نارتھ کراچی کے لیے فوری طور پر حکمت عملی بنائی جائے تاکہ جرائم کو روکا جا سکے اور علاقے میں امن و امان قائم کیا جا سکے۔
ذریعہ
ذریعہ: Jasarat News
پڑھیں:
گورنر خیبر پختونخوا کی وزیراعظم سے ضم شدہ اضلاع کیلئے ٹیکس استثنیٰ بحال کرنے کی درخواست
فیصل کریم کنڈی نے خط میں کہا کہ صوبائی حکومت ضم شدہ اضلاع اور پاٹا کے تمام صوبائی ٹیکس ختم کر چکی ہے، تاہم وفاقی ٹیکسز کے خاتمے کے بغیر قبائلی عوام کو مکمل ٹیکس ریلیف نہیں مل سکتا۔ اسلام تائمز۔ گورنر خیبر پختونخوا فیصل کریم کنڈی نے وزیراعظم پاکستان کے نام خط لکھ کر ضم شدہ قبائلی اضلاع اور پاٹا کے لیے وفاقی ٹیکس استثنیٰ بحال کرنے اور اس میں توسیع کی درخواست کی ہے۔ انہوں نے کہا کہ وفاقی ٹیکس استثنیٰ بحال کر کے انضمام کے وقت کیے گئے وعدوں کی پاسداری کی جائے۔ گورنر فیصل کریم کنڈی نے خط میں مطالبہ کیا کہ قبائلی اضلاع اور پاٹا میں انکم ٹیکس، سیلز ٹیکس اور دیگر وفاقی محصولات کے نفاذ پر نظرثانی کی جائے۔ انہوں نے کہا کہ صوبائی حکومت ضم شدہ اضلاع اور پاٹا کے تمام صوبائی ٹیکس ختم کر چکی ہے، تاہم وفاقی ٹیکسز کے خاتمے کے بغیر قبائلی عوام کو مکمل ٹیکس ریلیف نہیں مل سکتا۔
انہوں نے تجویز دی کہ وفاقی اور صوبائی حکومتوں پر مشتمل مشترکہ کمیٹی قائم کر کے قبائلی اضلاع کی معاشی صورتحال کا جائزہ لیا جائے۔ ان کا کہنا تھا کہ نئے ٹیکسوں کے نفاذ سے قبل ضم شدہ اضلاع اور پاٹا کی معاشی و مالی صورتحال کا جائزہ لینا ضروری ہے، جبکہ ٹیکسوں کا معاملہ مشترکہ مفادات کونسل یا کسی مناسب آئینی فورم پر فوری طور پر پیش کیا جائے۔
گورنر خیبر پختونخوا نے کہا کہ قبائلی عوام نے پاکستان کے امن، استحکام اور سلامتی کے لیے بے مثال قربانیاں دی ہیں۔ وفاق اور صوبے کی یکساں ٹیکس پالیسی قبائلی عوام کا ریاست پر اعتماد بحال کرنے میں مددگار ثابت ہوگی، جبکہ ٹیکس ریلیف سے ضم شدہ اضلاع کی سماجی و معاشی ترقی اور قومی دھارے میں انضمام کا عمل مزید تیز ہوگا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار