سال 2025 پنجاب حکومت اور بیوروکریسی کے لیے غیر معمولی اور متنازع سال ثابت ہوا
اشاعت کی تاریخ: 6th, January 2026 GMT
data-id="863a0a8" data-element_type="widget" data-widget_type="theme-post-content.default">
پنجاب حکومت اور بیوروکریسی کے لیے سال 2025 تلخ یادیں اور انوکھے ریکارڈ چھوڑ گیا، ملکی تاریخ میں پہلی بار چیف سیکریٹری، آئی جی پولیس اور دیگر اہم انتظامی عہدوں پر تعینات افسران کو تبدیل نہیں کیا گیا بلکہ نگران دور کے سیٹ اپ کو ہی آگے بڑھایا گیا۔
سال 2024 میں ٹرانسفر پوسٹنگ پر عائد پابندی 2025 میں بھی برقرار رہی، تاہم وزیراعلیٰ کی منظوری سے تبادلے اور تقرریاں جاری رہیں۔
تمام سرکاری محکمے مکمل طور پر سینٹرلائزڈ رہے، سپاہی سے لے کر ایڈیشنل آئی جی اور نائب قاصد سے لے کر محکموں کے سیکریٹری تک تمام ٹرانسفر پوسٹنگ وزیراعلیٰ سیکریٹریٹ کے کنٹرول میں رہی۔
پابندی کے باوجود گریڈ ایک سے گریڈ 21 تک کے دو ہزار سے زائد سول اور پولیس افسران و ملازمین کے تبادلے کیے گئے۔
ایکسپریس ٹریبیون اور روزنامہ ایکسپریس کو دستیاب ریکارڈ کے مطابق سال 2025 افسر شاہی کے لیے ایک منفرد سال کے طور پر یاد رکھا جائے گا، جس میں کئی نئے ریکارڈ قائم ہوئے۔
35 سے زائد سول اور پولیس افسران صوبے کے انتظامی فیصلوں میں مرکزی حیثیت رکھتے رہے، نگران دور میں تعینات یہ افسران سال 2025 میں بھی پنجاب کے اہم فیصلوں پر اثرانداز ہوتے رہے۔
اس کے برعکس گزشتہ سال کئی افسران بار بار تبادلوں کے باعث شٹل کاک بنے رہے، جبکہ ریکارڈ کے مطابق موجودہ حکومت نے دیگر صوبوں یا وفاق سے بہت کم افسران پنجاب میں تعینات کیے۔
زیادہ تر نگران دور کے افسران پر ہی انحصار کرتے ہوئے بیوروکریسی کو سنٹرلائزڈ انداز میں چلایا گیا۔
پابندی کے باوجود سمریوں کے ذریعے پنجاب کی افسر شاہی میں تبادلوں کا سلسلہ دسمبر کے آخری ہفتے تک بھی پوری شدت سے جاری رہا۔
.
ذریعہ
ذریعہ: Jasarat News
کلیدی لفظ: سال 2025
پڑھیں:
گلگت بلتستان انتخابات کو متنازع بنانے کی ہر کوشش جمہوریت کے خلاف ہے، حلیم عادل شیخ
صدر پی ٹی آئی سندھ نے کہا کہ عوامی مینڈیٹ کو متنازع بنانے اور اس پر اثر انداز ہونے کی کوششوں نے جمہوری عمل کو نقصان پہنچایا، آج بھی عوام عمران خان کے بیانیے اور قیادت پر بھرپور اعتماد کا اظہار کر رہے ہیں اور پاکستان تحریک انصاف ملک کی مقبول ترین سیاسی جماعت ہے۔ اسلام ٹائمز۔ پاکستان تحریک انصاف سندھ کے صدر حلیم عادل شیخ نے کہا ہے کہ گلگت بلتستان کے آئندہ انتخابات کو متنازع بنانے کی کسی بھی کوشش سے گریز کیا جائے اور انتخابی عمل کو مکمل طور پر شفاف، غیر جانبدار اور منصفانہ بنایا جائے۔ انہوں نے کہا کہ گلگت بلتستان کے عوام کو اپنا ووٹ آزادانہ طور پر استعمال کرنے کا مکمل حق حاصل ہے اور کسی قسم کی مداخلت یا دباؤ جمہوری اقدار کے منافی ہوگا۔ حلیم عادل شیخ نے کہا کہ ملک میں سیاسی استحکام کا راستہ صرف آزاد، شفاف اور غیر جانبدار انتخابات سے ہو کر گزرتا ہے، عوامی مینڈیٹ پر ڈاکہ ڈالنے کی روایت نے ماضی میں پاکستان کو سیاسی اور معاشی بحرانوں سے دوچار کیا، اس لیے ضروری ہے کہ عوام کے فیصلے کا مکمل احترام کیا جائے۔ انہوں نے کہا کہ 8 فروری 2024ء کے عام انتخابات میں عوام نے اپنا واضح فیصلہ دیا تھا، تاہم عوامی مینڈیٹ کو متنازع بنانے اور اس پر اثر انداز ہونے کی کوششوں نے جمہوری عمل کو نقصان پہنچایا، آج بھی عوام عمران خان کے بیانیے اور قیادت پر بھرپور اعتماد کا اظہار کر رہے ہیں اور پاکستان تحریک انصاف ملک کی مقبول ترین سیاسی جماعت ہے۔
حلیم عادل شیخ نے مطالبہ کیا کہ پاکستان تحریک انصاف کو گلگت بلتستان میں انتخابی مہم چلانے کے مساوی اور آئینی حقوق فراہم کیے جائیں تاکہ تمام سیاسی جماعتوں کو یکساں مواقع میسر آ سکیں۔ انہوں نے کہا کہ انتخابی عمل کو ہر قسم کے دباؤ، جانبداری اور غیر ضروری مداخلت سے پاک رکھا جائے تاکہ عوام اپنی مرضی کے نمائندوں کا انتخاب کر سکیں۔ انہوں نے کہا کہ گلگت بلتستان کے عوام باشعور ہیں اور وہ اپنے ووٹ کی طاقت سے حقیقی نمائندوں کا انتخاب کریں گے، عوام کا فیصلہ ہی جمہوریت اور پاکستان کے روشن مستقبل کی بنیاد ہے۔ انہوں نے اس امید کا اظہار کیا کہ پاکستان تحریک انصاف گلگت بلتستان کے انتخابات میں عوامی حمایت کے ساتھ بھرپور کامیابی حاصل کرے گی۔ حلیم عادل شیخ نے مزید کہا کہ سیاسی استحکام کے بغیر معاشی ترقی، سرمایہ کاری اور عوامی خوشحالی ممکن نہیں، لہذا تمام متعلقہ حکام اس امر کو یقینی بنائیں کہ انتخابات مکمل طور پر شفاف اور منصفانہ ہوں اور عوام کے مینڈیٹ کا ہر صورت احترام کیا جائے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ