ہریتک روشن کی پہلی پروڈکشن، ویب سیریز کی شوٹنگ شروع
اشاعت کی تاریخ: 6th, January 2026 GMT
بالی ووڈ کے معروف اداکار ہریتک روشن اپنی پہلی پروڈکشن ویب سیریز ‘Storm’ کی فلم بندی کے لیے ممبئی میں موجود ہیں۔ اس سیریز کی ہدایتکاری اجیت پال سنگھ کر رہے ہیں اور اس میں پرووتھی تھرووتھو، آلیا ایف، صبا آزاد، سریشنتھی شریواسوا، رما شرما، اشیش ویدیارتی اور راجیت کپور اہم کرداروں میں شامل ہیں۔ فلم بندی فروری تک مکمل ہونے کی توقع ہے۔
یہ بھی پڑھیں: بالی ووڈ سپر اسٹار ہریتک روشن کے باپ نے بیٹے کی فلم ’کرش 4‘ کی ہدایت کاری سے انکار کیوں کیا؟
ذرائع کے مطابق اجیت پال سنگھ سیریز کے خالق مصنف اور ہدایتکار کے طور پر تینوں ذمہ داریاں انجام دے رہے ہیں جبکہ ہرتیک روشن پروڈکشن کے ہر مرحلے میں سرگرم ہیں۔ ہرتیک نے پری پروڈکشن کے دوران اسکرپٹ اور تخلیقی عمل میں بھرپور حصہ لیا اور اجیت پال سنگھ کے ساتھ مسلسل مشورے کیے۔
یہ ویب سیریز Prime Video اور ہرتیک کی پروڈکشن کمپنی HRX Films کے درمیان پہلا تعاون ہے۔ ہرتیک روشن کے مطابق، Storm میں اسٹائل، مواد اور حساسیت کا بہترین امتزاج موجود ہے جو ناظرین کے لیے دلچسپی کا باعث بنے گا۔ پروڈکشن ٹیم کے مطابق، یہ تھرلر ویب سیریز ایک یادگار تجربہ ثابت ہوگی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بالی ووڈ ہریتک روشن.
ذریعہ
ذریعہ: WE News
کلیدی لفظ: بالی ووڈ ہریتک روشن ہریتک روشن ویب سیریز
پڑھیں:
کراچی میں 2 سال قبل شروع ہونیوالی مفت شٹل سروس کمرشل بنیاد پر چلائی جارہی ہے
کراچی سے دوسرے شہروں میں جانے کے لیے شہر میں جگہ جگہ قائم بس اڈے دو سال پہلے ختم کرکے شہر سے باہر منتقل کر دیے گئے تھے، شٹل سروس کیلئے مخصوص گاڑیاں اپنے اصل کام کے بجائے کمرشل بنیادوں پر مسافروں کو براہ راست کراچی سے حیدرآباد لے جارہی ہیں۔
حکومت نے مسافروں کی سہولت کے لیے مفت شٹل سروس شروع کی تھی تاکہ مختلف مقامات سے مسافروں کو کراچی بس ٹرمینل پہنچایا جا سکے، مگر یہ شٹل سروس اب ٹرمینل تک محدود نہیں رہی بلکہ روٹ پرمٹ کے بغیر کمرشل بنیادوں پر کراچی سے حیدرآباد تک بھی چلائی جا رہی ہے۔
محکمہ ٹرانسپورٹ سندھ نے اگست 2024 میں آپریشن کرتے ہوئے شہر کے مختلف انٹر سٹی بس اڈے ختم کیے اور بڑی کوچز کے شہر میں داخلے پر پابندی عائد کی تھی۔
مسافروں کی سہولت کے لیے وزیر ٹرانسپورٹ شرجیل انعام میمن نے مفت شٹل سروس شروع کرنے کا اعلان کیا تھا۔ ایک سوال کے جواب میں انہوں نے بتایا تھا کہ تقریباً 50 شٹل گاڑیاں چلائی جا رہی ہیں تاکہ مسافروں کو مختلف مقامات سے کراچی بس ٹرمینل پہنچایا جا سکے۔ لیکن شٹل سروس کیلئے مخصوص گاڑیاں اپنے اصل کام کے بجائے کمرشل بنیادوں پر مسافروں کو براہ راست کراچی سے حیدرآباد لے جارہی ہیں۔
ادھر ٹرانسپورٹرز اپنی سواریاں مختلف ذرائع سے کراچی بس ٹرمینل تک پہنچا رہے ہیں، جس کے اضافی اخراجات بھی انہیں خود برداشت کرنا پڑ رہے ہیں۔
محکمہ ٹرانسپورٹ کا بتانا ہے کہ اس روٹ کے لیے شٹل سروس کے پاس کوئی روٹ پرمٹ موجود نہیں۔
جیو نیوز نے اس حوالے سے کراچی بس ٹرمینل انتظامیہ سے مؤقف لینے کی کوشش کی، مگر ان کی جانب سے کوئی جواب نہیں دیا گیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار