مثالی گاؤں پراجیکٹ: پنجاب کے 224 دیہات کو جدید سہولتوں سے آراستہ کرنے کا عمل جاری
اشاعت کی تاریخ: 6th, January 2026 GMT
پنجاب بھر کے شہروں اور دیہات میں ترقی کا سلسلہ تیز رفتار ہو گیا ہے۔ وزیر اعلیٰ مریم نواز شریف کی قیادت میں مثالی گاؤں پراجیکٹ کے تحت پنجاب کے 224 دیہات کو جدید سہولتوں سے آراستہ کرنے کا عمل جاری ہے۔
مزید پڑھیں:پنجاب حکومت کی آسان کاروبار اسکیم میں کروڑوں روپے کے فراڈ کا انکشاف
پہلے فیز میں 469 دیہات میں واٹر سپلائی، ڈرینج، چلڈرن پارک، فٹ پاتھ اور سٹریٹ لائٹس لگائی جائیں گی تاکہ ہر گلی خوبصورت، روشن اور محفوظ بن سکے۔ وزیراعلیٰ نے ہر منصوبے کی لائیو نگرانی کا حکم دیا ہے اور ہر ترقیاتی کام کو مقررہ وقت پر مکمل کرنے کی ہدایت کی ہے۔
صاف پانی، جدید سیوریج، مضبوط سڑکیں، گرین بیلٹ میں بچھائی جانے والی سیوریج لائنیں اور محفوظ مین ہول کنارے شہری سہولتوں میں نمایاں اضافہ کریں گے۔ لاہور ڈویلپمنٹ پراجیکٹ کا پہلا فیز مکمل ہو چکا ہے جبکہ دوسرا فیز 30 اپریل تک مکمل ہوگا۔
وزیراعلیٰ نے پی ایچ اے کے نئے دفاتر قائم کرنے، مالی خودمختاری کے لیے وسائل پیدا کرنے اور بے گھر افراد کے لیے ’اپنی چھت، اپنا گھر‘ پراجیکٹ کی تیز رفتاری کے بھی احکامات جاری کیے ہیں۔ اس پراجیکٹ کے تحت روزانہ 700 مکان بن رہے ہیں اور 155 ارب روپے کے 121,477 قرضے جاری کیے جا چکے ہیں۔
52 شہروں میں 204 ارب روپے کی لاگت سے سڑکوں کی تعمیر، مرمت اور بحالی کے پراجیکٹس 22 فروری تک شروع ہوں گے۔ ساتھ ہی ویسٹ واٹر ٹریٹمنٹ پلانٹس، واٹر فلٹریشن پلانٹس اور بوتل واٹر کے منصوبوں کی تکمیل 30 جون تک کی جائے گی تاکہ شہریوں کو صاف اور محفوظ پانی مہیا ہو۔
مزید پڑھیں:پنجاب کو زیادہ پیسہ ملنے کا جھوٹ بولا جاتا ہے، کام کرنے کے لیے نیت اور ارادے کی کمی ہے، مریم نواز
وزیر اعلیٰ مریم نواز شریف کے وژن کے تحت پنجاب میں ہر گلی، ہر سڑک اور ہر گاؤں خودمختار، خوبصورت اور جدید سہولتوں سے آراستہ ہو رہا ہے، جو صوبے کو حقیقی معنوں میں ماڈرن پنجاب میں تبدیل کرے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پنجاب وزیرِ اعلیٰ مریم نواز شریف.
ذریعہ
ذریعہ: WE News
کلیدی لفظ: وزیر اعلی مریم نواز شریف مریم نواز کے لیے
پڑھیں:
بارشوں سے پنجاب میں اب تک 21 شہری جاں بحق اور 154 زخمی ہوئے، پی ڈی ایم اے
تصویر سوشل میڈیا۔پراونشل ڈیزاسٹر منیجمنٹ اتھارٹی (پی ڈی ایم اے) پنجاب نے مون سون بارشوں کے باعث نقصانات سے متعلق رپورٹ جاری کر دی۔
لاہور ترجمان پی ڈی ایم اے کے مطابق مون سون بارشوں کے باعث پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے۔
بارش رکنے کے بعد ایم ڈی واسا نے تمام انڈر پاس کلیئر کر دینے کا دعویٰ کیا، بارش کے باعث نناوے فیڈرز بھی متاثر ہوئے، بحالی کا کام جاری ہے، ڈیفنس میں بارش کے پانی میں ایک منچلا کشتی لے آیا۔
ترجمان پی ڈی ایم اے کے مطابق بارشوں میں کرنٹ لگنے سے 3 اور آسمانی بجلی گرنے سے 2 افرادجاں بحق ہوئے۔ بارش کے پانی میں ڈوبنے سے ایک شخص جاں بحق ہوا، بارشوں کے باعث 38 مکانات جزوی طور پر متاثر ہوئے۔
ڈی جی پی ڈی ایم اے نے کہا کہ جاں بحق افراد کے خاندانوں کو 10 سے 50 لاکھ روپے تک امداد فراہم کی جا رہی ہے۔
انھوں نے کہا کہ شہریوں سے گزارش ہے موسم برسات میں احتیاطی تدابیر اختیار کریں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار