پنجاب بھر میں شہروں اور دیہات کی تعمیر و ترقی کا کام تیز کرنے کا فیصلہ
اشاعت کی تاریخ: 6th, January 2026 GMT
فائل فوٹو
پنجاب بھر میں شہروں اور دیہات کی تعمیر و ترقی کا کام تیز کرنے کا فیصلہ کرلیا گیا۔
لاہور میں وزیراعلیٰ پنجاب مریم نواز کی زیرِ صدارت اجلاس میں پنجاب ڈیولپمنٹ پروگرام، لاہور ڈیولپمنٹ پروگرام اور مثالی گاؤں منصوبے پر پیشرفت کا جائزہ لیا گیا۔
اجلاس میں پی ایچ اے، صاف پانی اور دیہی روڈ منصوبوں پر بھی پیشرفت کا جائزہ لیا گیا۔ اجلاس میں مریم نواز نے لائیو ڈیش بورڈ قائم کرنے کی ہدایت کی اور خود نگرانی کرنے کا اعلان بھی کیا۔
علاوہ ازیں سیوریج لائن سڑکوں کے بجائے گرین بیلٹ میں بچھانے کا حکم دیا گیا جبکہ مین ہول سڑک کنارے ہوں گے۔ ڈرینج اور سیوریج سسٹم کی پائیداری کے لیے 100 سال تک کارآمد سیوریج پائپ نصب کیے جائیں گے۔
وزیراعلیٰ نے 7 شہروں میں پنجاب ڈیولپمنٹ پروجیکٹ کو اپریل میں مکمل کرنے کا حکم دیا جبکہ پورے صوبے میں پی ایچ اے قائم کرنے کے لیے قابلِ عمل پلان طلب کرلیا۔
علاوہ ازیں اجلاس میں ’اپنی چھت، اپنا گھر‘ پروجیکٹ کی دوسری قسط فوری جاری کرنے کا حکم دیا گیا۔
وزیراعلیٰ مریم نواز نے گلیوں اور سڑکوں میں کھدائی کر کے کھلا چھوڑنے پر برہمی کا اظہار بھی کیا اور کہا کہ عوام کو سڑکوں پر کھدائی کی وجہ سے ہونے والی تکلیف پر معذرت چاہتے ہیں۔
ذریعہ
ذریعہ: Jang News
پڑھیں:
پنجاب حکومت کا مفت سفر کی سہولت سے متعلق اہم پالیسی تبدیلی پر غور
لاہور (اُردو پوائنٹ اخبارتازہ ترین - این این آئی۔ 02 جون2026ء) پنجاب حکومت نے لاہور سمیت صوبہ بھر میں شہریوں کو دی جانے والی مفت سفری سہولت کے مستقبل سے متعلق اہم پالیسی تبدیلی پر غور شروع کر دیا ۔ ذرائع کے مطابق مفت سفری سہولت کو پیٹرولیم مصنوعات کی قیمتوں سے مشروط کرنے کا فیصلہ کیا گیا ہے۔ محکمہ ٹرانسپورٹ کی جانب سے وزیراعلی پنجاب کو دی گئی بریفنگ میں بتایا گیا کہ اگر پیٹرول کی قیمتیں 300روپے فی لیٹر تک پہنچ جاتی ہیں تو مفت سفری سہولت فوری طور پر ختم کیے جانے کا امکان ہے، اس حوالے سے آئندہ ہفتے حتمی فیصلہ متوقع ہے۔ لاہور سمیت صوبہ بھر میں دی گئی مفت سفری سہولت میں مزید توسیع نہ کرنے کی تجویز بھی زیر غور ہے،اس کے ساتھ یہ امکان بھی ظاہر کیا جا رہا ہے کہ مفت سفر کی سہولت جلد ختم کر دی جائے۔(جاری ہے)
رپورٹ میں بتایا گیا کہ گزشتہ دو ماہ کے دوران صوبہ بھر میں 7کروڑ سے زائد مسافروں نے اس سہولت سے فائدہ اٹھایا۔یہ مفت سفری سہولت پیٹرولیم مصنوعات کی قیمتوں میں اضافے کے باعث متعارف کروائی گئی تھی اور اس کا اطلاق مختلف پبلک ٹرانسپورٹ سروسز پر کیا گیا تھا جن میں میٹرو بس، اورنج لائن ٹرین، الیکٹرو بس ،سپیڈو بس سروس سروس شامل تھیں۔
حکام کے مطابق موجودہ معاشی صورتحال اور ایندھن کی قیمتوں میں اتار چڑھا کو مدنظر رکھتے ہوئے اس پالیسی کا دوبارہ جائزہ لیا جا رہا ہے جبکہ حتمی فیصلہ اعلی سطحی مشاورت کے بعد کیا جائے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ