واٹس ایپ کا نیا فیچر: چند سیکنڈز میں دستاویز اسکین کریں اور بھیج دیں!
اشاعت کی تاریخ: 6th, January 2026 GMT
data-id="863a0a8" data-element_type="widget" data-widget_type="theme-post-content.default">
واٹس ایپ نے اینڈرائیڈ صارفین کے لیے ایک اہم اور کارآمد فیچر متعارف کرا دیا ہے، جس کے ذریعے اب صارفین ایپ کے اندر رہتے ہوئے چند سیکنڈز میں کسی بھی دستاویز کو اسکین کر کے سینڈ کر سکتے ہیں۔
اس نئے فیچر کے بعد صارفین کو الگ سے کسی اسکیننگ ایپ یا ٹول کی ضرورت نہیں رہے گی، جس سے روزمرہ استعمال میں نمایاں آسانی پیدا ہو گئی ہے۔
واٹس ایپ دنیا کا سب سے زیادہ استعمال ہونے والا میسجنگ پلیٹ فارم ہے، جسے روزانہ اربوں افراد ذاتی اور پیشہ ورانہ رابطوں کے لیے استعمال کرتے ہیں۔ اس ایپ کے ذریعے پیغامات، تصاویر، ویڈیوز اور مختلف اقسام کی دستاویزات شیئر کی جاتی ہیں، جس کے باعث کمپنی وقتاً فوقتاً صارفین کی سہولت کے لیے نئے فیچرز متعارف کراتی رہتی ہے۔
حال ہی میں متعارف کرایا جانے والا ڈاکومنٹ اسکین فیچر اس سے قبل آئی او ایس صارفین کے لیے دستیاب تھا، تاہم اب اینڈرائیڈ صارفین بھی اس سہولت سے فائدہ اٹھا سکتے ہیں۔ اس فیچر کو ڈاکومنٹس شیئر کرنے کے مینیو کا حصہ بنایا گیا ہے، جس سے اس تک رسائی مزید آسان ہو گئی ہے۔
اس فیچر کے استعمال کے لیے صارف کو چیٹ اوپن کر کے ڈاکومنٹ شیئرنگ مینیو میں جانا ہوتا ہے، جہاں اسکین کا آپشن موجود ہوتا ہے۔ اس آپشن کو منتخب کرنے پر موبائل کا کیمرا فعال ہو جاتا ہے، جس کے ذریعے صارف کسی بھی کاغذی دستاویز، رسید، فارم یا تحریر کو براہِ راست اسکین کر سکتا ہے۔
اسکین کے بعد واٹس ایپ صارف کو دستاویز کا پریویو دکھاتا ہے، جہاں وہ تصویر کے مارجنز کو اپنی مرضی کے مطابق ایڈجسٹ کر سکتا ہے۔ ایپ کی جانب سے خودکار طور پر مارجنز تجویز کیے جاتے ہیں تاکہ دستاویز واضح اور پڑھنے کے قابل رہے، تاہم صارف کو مکمل کنٹرول دیا گیا ہے کہ وہ اپنی سہولت کے مطابق تبدیلیاں کر سکے۔
جب صارف اسکین شدہ دستاویز سے مطمئن ہو جائے تو وہ اسے کسی انفرادی یا گروپ چیٹ میں فوری طور پر سینڈ کر سکتا ہے۔ واٹس ایپ کے مطابق اس فیچر میں اسکیننگ کا معیار بہتر بنایا گیا ہے تاکہ دستاویزات صاف، واضح اور آسانی سے پڑھی جا سکیں۔
یہ نیا فیچر خاص طور پر ان صارفین کے لیے مفید ثابت ہو گا جو روزمرہ بنیاد پر سرکاری، تعلیمی یا دفتری دستاویزات شیئر کرتے ہیں، کیونکہ اب انہیں اضافی ایپس انسٹال کرنے یا فائلز کو بار بار کنورٹ کرنے کی ضرورت نہیں رہے گی۔
.
ذریعہ
ذریعہ: Jasarat News
پڑھیں:
والدین کے لیے بڑی راحت، اب بچے فیس بک، انسٹاگرام استعمال نہیں کر سکیں گے
سوشل میڈیا کی دنیا کی سب سے بڑی کمپنی ’میٹا‘ نے دنیا بھر میں انسٹاگرام، فیس بک اور میسنجر استعمال کرنے والے کم عمر صارفین کو آن لائن خطرات سے محفوظ رکھنے کے لیے سخت ترین پابندیوں کا باقاعدہ اطلاق کر دیا ہے۔ ان نئی پالیسیوں کا مقصد نوجوانوں کو نامناسب مواد اور آن لائن ہراسانی سے بچانا ہے۔
دنیا بھر میں نئی سیٹنگز کا فوری اطلاقکمپنی کی جانب سے جاری کردہ آفیشل بیان کے مطابق انسٹاگرام، فیس بک اور میسنجر پر 13 سال سے زیادہ عمر کے ’ٹین ایج‘ اکاؤنٹس پر مواد کے حوالے سے نئی اور زیادہ سخت سیٹنگز لاگو کر دی گئی ہیں۔
یہ بھی پڑھیں:میٹا نے واٹس ایپ، فیس بک اور انسٹاگرام کے بامعاوضہ فیچرز متعارف کرا دیے
واضح رہے کہ ان سخت ترین سیکیورٹی فیچرز کو سب سے پہلے اکتوبر 2026 میں امریکا، آسٹریلیا، برطانیہ اور کینیڈا میں آزمائشی طور پر متعارف کرایا گیا تھا تاہم اب 2 جون سے اس کا دائرہ کار دنیا بھر کے تمام ممالک تک پھیلا دیا گیا ہے۔
نامناسب مواد اور سرچ رزلٹس پر مکمل بلاکنگنئی تبدیلیوں کے تحت اب کم عمر صارفین ایسے سوشل میڈیا اکاؤنٹس کا مواد نہیں دیکھ سکیں گے اور نہ ہی انہیں فالو کر سکیں گے جو اکثر اور بیشتر غیر اخلاقی یا نامناسب مواد شیئر کرتے ہیں۔
میٹا کا کہنا ہے کہ ایسے تمام مشکوک اور غیر موزوں اکاؤنٹس کو 18 سال سے کم عمر صارفین کی تجاویز(ریکومینڈیشنز) اور تلاش کے نتائج (سرچ رزلٹس) میں مکمل طور پر بلاک کر دیا جائے گا تاکہ بچے ان تک پہنچ ہی نہ سکیں۔
الائس کمپنی کے ساتھ اشتراک اور سرچ پر پابندی’میٹا‘ نے اس عزم کا اظہار کیا ہے کہ وہ بچوں کے تحفظ کے لیے کام کرنے والی مشہور عالمی تنظیم ’سیفٹی کمپنی الائس‘ کے ساتھ مل کر مستقبل میں بھی کم عمر صارفین سے متعلق نئے فیچرز کو تیار اور ٹیسٹ کرے گی۔
یاد رہے کہ اکتوبر میں جب انسٹاگرام پر اس سیٹنگ کا آغاز ہوا تھا، تو یہ واضح کیا گیا تھا کہ کم عمر صارفین کو مخصوص سرچ اصطلاحات، جیسے نشہ آور اشیا کے استعمال اور دیگر نقصان دہ موضوعات کو سرچ کرنے سے بھی سختی سے روک دیا جائے گا۔
’لمیٹڈ کانٹینٹ سیٹنگ‘ اور والدین کا کنٹرولسوشل میڈیا پلیٹ فارمز پر بچوں کو محفوظ ماحول دینے کے لیے ’لمیٹڈ کانٹینٹ سیٹنگ‘ کا فیچر بھی متعارف کرایا گیا ہے۔
مزید پڑھیں:دنیا بھر کی اہم شخصیات کے انسٹاگرام اکاؤنٹس ہیک ہونے کا انکشاف، میٹا نے سب بتادیا
اس فیچر کے تحت اب والدین کو یہ اختیار حاصل ہوگا کہ وہ اپنے بچوں کو پلیٹ فارم پر کسی بھی تبصرے (کمنٹس) تک رسائی حاصل کرنے سے روک سکیں۔
یہاں تک کہ اس سیٹنگ کے فعال ہونے کے بعد کم عمر صارفین خود اپنی پوسٹس پر آنے والے کمنٹس کو بھی نہیں دیکھ سکیں گے، جس سے وہ کسی بھی قسم کی آن لائن ٹرولنگ یا منفی تبصروں سے محفوظ رہیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اشتراک الائس کمپنی انسٹاگرام بچوں بک پابندی سرچ سوشل میڈیا سیٹنگ عائد فیس فیس بک لمیٹڈ کانٹینٹ میٹا والدین
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ