بازارِ حصص میں شدید اتار چڑھاؤ، سرمایہ کار تیزی کے بعد محتاط
اشاعت کی تاریخ: 6th, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی: پاکستان اسٹاک ایکسچینج میں آج کاروباری دن کے دوران شدید اتار چڑھاؤ دیکھنے میں آیا، جہاں ابتدائی لمحات میں تیزی دیکھی گئی تاہم بعد میں یہ تیزی مندی میں تبدیل ہوگئی۔
کاروبار کے آغاز پر خریداری کا دباؤ اس قدر نمایاں تھا کہ کے ایس ای 100 انڈیکس ایک بڑی چھلانگ کے ساتھ اوپر گیا اور نئی بلند ترین سطح پر پہنچ گیا۔ ٹریڈنگ کے ابتدائی سیشن میں انڈیکس میں نمایاں اضافہ ریکارڈ کیا گیا، جس کے باعث سرمایہ کاروں میں اعتماد کی فضا قائم ہوئی۔
اس دوران اہم شعبوں میں خریداری کے رجحان نے مارکیٹ کو سہارا دیا اور انڈیکس ایک لاکھ 83 ہزار سے زائد پوائنٹس کی سطح تک جا پہنچا، جو ملکی اسٹاک مارکیٹ کی تاریخ میں ایک اور اہم سنگِ میل سمجھا جا رہا ہے۔ اس دوران کاروباری حجم میں بھی بہتری دیکھی گئی اور متعدد بڑی کمپنیوں کے حصص میں تیزی غالب رہی۔
بعد ازاں وہ سرمایہ کار جنہوں نے گزشتہ سیشنز میں کم قیمت پر حصص خرید رکھے تھے، انہوں نے بلند سطح پر فروخت کو ترجیح دی، جس کے نتیجے میں دباؤ بڑھتا چلا گیا۔ اس صورتحال نے مارکیٹ کی سمت بدل دی اور انڈیکس میں پوائنٹس کی کمی کا سلسلہ شروع ہو گیا، جو ایک مرحلے پر خاصی نمایاں نظر آنے لگی۔
مندی کے رجحان کے دوران انڈیکس میں سیکڑوں پوائنٹس کی کمی ریکارڈ کی گئی اور وہ اپنی بلند ترین سطح سے نیچے آ گیا۔ تجزیہ کاروں کے مطابق یہ مندی کسی بڑے منفی عنصر کے باعث نہیں بلکہ تیزی کے بعد فطری ردعمل کے طور پر سامنے آئی ہے۔
واضح رہے کہ گزشتہ روز پاکستان اسٹاک ایکسچینج میں غیر معمولی تیزی ریکارڈ کی گئی تھی، جب انڈیکس ہزاروں پوائنٹس کے اضافے کے ساتھ نفسیاتی حد عبور کر گیا تھا۔ ماہرین کا کہنا ہے کہ مجموعی طور پر مارکیٹ کا رجحان اب بھی مثبت ہے، تاہم قلیل مدت میں اتار چڑھاؤ برقرار رہنے کا امکان موجود ہے۔
.
ذریعہ
ذریعہ: Jasarat News
پڑھیں:
مستونگ: سیشن جج اور گن مین قاتلانہ حملے میں شہید، ایڈیشنل سیشن جج شدید زخمی
ویب ڈیسک : مستونگ میں ہونے والے قاتلانہ حملے میں سیشن جج مستونگ عبدالحکیم کاکڑ اور گن مین شہید ہو گئے جبکہ ایڈیشنل سیشن جج طارق لاشاری شدید زخمی ہوئے۔
حکومت بلوچستان نے مستونگ حملے کی شدید مذمت کرتے ہوئے دہشت گردوں کے خلاف فیصلہ کن کارروائی کا حکم دے دیاہے۔ معاون وزیر اعلیٰ بلوچستان شاہد رند کا کہنا ہے کہ سیشن جج عبدالحکیم کاکڑ اور ان کے گن مین کی شہادت انتہائی افسوسناک اور قابلِ مذمت ہے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
معاون وزیر اعلیٰ بلوچستان شاہد رند کے مطابق وکلاء اور ججز کو نشانہ بنانا ایک گہری سازش کا حصہ ہے،دہشت گردوں اور ان کے سہولت کاروں کو کسی صورت نہیں چھوڑا جائے گا۔
وزیراعلیٰ بلوچستان سرفراز بگٹی نے مستونگ حملے میں زخمی ایڈیشنل سیشن جج طارق لاشاری سے رابطہ کرکے ان کی خیریت دریافت کی اوران کی مکمل صحت یابی کے لیے نیک تمناؤں کا اظہار کیاہے۔
وزیراعلیٰ بلوچستان میر سرفراز بگٹی نے زخمی ایڈیشنل سیشن جج سے گفتگو کرتے ہوئے کہاکہ قانون کے محافظوں پر حملہ ناقابل برداشت ہے، ملوث عناصر کو کیفر کردار تک پہنچایا جائے گا،حکومت عدلیہ اور قانون نافذ کرنے والے اداروں کے ساتھ ہر قدم پر کھڑی ہے۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار