اسحاق ڈار کا ایران کے ساتھ ترجیحی شعبوں میں قریبی تعاون جاری رکھنے کا اعلان
اشاعت کی تاریخ: 6th, January 2026 GMT
پاکستان میں تعینات ایران کے سفیر امیری مقدم سے ملاقات میں نائب وزیراعظم اور وزیرِ خارجہ اسحاق ڈار نے پاکستان کی جانب سے ایران کے ساتھ تعلقات کو مزید گہرا کرنے کے عزم کا اعادہ کیا۔
ایرانی سفیر نے اس موقع پر ایران کے وزیرِ خارجہ عباس عراقچی کی جانب سے نئے سال کی مبارک باد پہنچائی اور نائب وزیراعظم کو ایرانی وزیرِ خارجہ کا تحریری پیغام بھی پیش کیا۔
یہ بھی پڑھیں: بارڈر پر دہشتگردی کے خلاف مشترکہ لائحہ عمل بنانے پر پاکستان ایران کا اتفاق
نائب وزیراعظم و وزیرِ خارجہ نے خیرسگالی کے جذبات کا گرمجوشی سے جواب دیتے ہوئے ایرانی قیادت کے لیے نیک تمناؤں کا اظہار کیا۔
Deputy Prime Minister/Foreign Minister Senator Mohammad Ishaq Dar @MIshaqDar50 received the Ambassador of Iran, H.
The Ambassador conveyed New Year greetings from FM Abbas Araghchi and delivered a letter from FM @Araghchi to the DPM/FM. DPM/FM… pic.twitter.com/HOc0vbhiBd
— Ministry of Foreign Affairs – Pakistan (@ForeignOfficePk) January 6, 2026
ملاقات کے دوران ایرانی سفیر نے پاکستان اور ایران کے درمیان دوطرفہ تعاون کو فروغ دینے کے لیے مختلف ادارہ جاتی میکنزمز کے تحت ہونے والی پیش رفت سے بھی آگاہ کیا۔
ان اقدامات کا مقصد تجارت، توانائی، علاقائی روابط اور دیگر اہم شعبوں میں تعاون کو مزید مستحکم بنانا ہے۔
مزید پڑھیں: سارک کا احیا: پاکستان نے ایران اور چین کو منصوبے کا حصہ بنانے کی تجویز پیش کردی
نائب وزیراعظم و وزیرِ خارجہ سینیٹر اسحاق ڈار نے ایران کے ساتھ تعلقات کو مزید گہرا کرنے کے عزم کا اعادہ کیا۔
ان کا کہنا تھا کہ پاکستان باہمی دلچسپی کے اہم ترجیحی شعبوں میں ایران کے ساتھ قریبی اور مؤثر تعاون کا خواہاں ہے۔
اسحاق ڈارنے پر زور دیا کہ پاکستان، ایران کے ساتھ اپنے برادرانہ تعلقات کو خطے میں امن، استحکام اور خوشحالی کے فروغ کے لیے نہایت اہم سمجھتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسحاق ڈار ایرانی سفیر نائب وزیر اعظم وزیر خارجہ
ذریعہ
ذریعہ: WE News
کلیدی لفظ: اسحاق ڈار ایرانی سفیر ایران کے ساتھ اسحاق ڈار کے لیے
پڑھیں:
ایرانی وزیر داخلہ سکندر مومنی کی لاہور آمد: وفاقی وزیر داخلہ اور گورنرپنجاب کے ہمراہ مزار اقبال اور دربار بی بی پاکدامن حاضری
سٹی 42: ایرانی وزیر داخلہ سکندر مومنی لاہور پہنچ گئے ۔ وفاقی وزیر داخلہ محسن نقوی نے ایرانی ہم منصب کا استقبال کیا۔
گورنرپنجاب سردار سلیم حیدر خان ودیگرایئرپورٹ پر موجود تھے۔ایرانی وزیر داخلہ نے مزاراقبال اور دربار بی بی پاکدامن پر حاضری دی ۔
وزیر داخلہ محسن نقوی اور گورنر پنجاب سلیم حیدر خان بھی ہمراہ تھے۔
ایرانی وزیر داخلہ نے مزار اقبال پر پھول رکھے ،امن و استحکام کیلئے دعا کی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار