علاقائی صورتحال پر سعودی ولیعہد اور ابو محمد الجولانی کے درمیان مشاورت
اشاعت کی تاریخ: 6th, January 2026 GMT
گزشتہ ماہ دمشق و ریاض نے گیس اور تیل کے 4 معاہدوں پر دستخط کئے۔ جن میں شام میں آئل اور گیس کی فیلڈ میں ٹیکنیکل سروسز شامل ہیں۔ اسلام ٹائمز۔ سعودی ولی عہد "محمد بن سلمان" اور شام پر قابض باغیوں كی حكومت كے صدر "ابو محمد الجولانی" کے درمیان ٹیلیفونک گفتگو ہوئی، جس میں دونوں سربراہان مملکت نے علاقائی صورت حال کا جائزہ لیا۔ اس کے علاوہ دونوں ممالک کے درمیان دوطرفہ تعلقات اور تعاون کے مواقع بھی زیر بحث آئے۔ اس دوران مشتركہ دلچسپی كے موضوعات پر تبادلہ خیال ہوا۔ واضح رہے كہ شام سے "بشار الاسد" کی حکومت کے خاتمے کے بعد، سعودی عرب نے دمشق سے تعلقات کا نیا باب کھولا ہے۔ اسی سلسلے میں گزشتہ ماہ دمشق و ریاض نے گیس اور تیل کے 4 معاہدوں پر دستخط کئے۔ جن میں شام میں آئل اور گیس کی فیلڈ میں ٹیکنیکل سروسز شامل ہیں۔ یاد رہے کہ دو ماہ قبل شامی پٹرولیم مصنوعات کے ڈائریکٹر "یوسف قبالاوی" نے مغربی ساحل پر مزید پانچ گیس کے ذخائر دریافت ہونے کی خبر دی۔ قابل غور بات ہے کہ شامی باغیوں نے بشار الاسد کی حکومت کا تختہ الٹنے کے لئے 27 نومبر 2023ء کو حلب کے شمال مغربی اور جنوب مغربی علاقوں سے اپنی شورش کا آغاز کیا، جو بالآخر 11 دن بعد، اتوار 7 دسمبر 2023ء کو دمشق کا کنٹرول سنبھالنے کے بعد اپنے اختتام کو پہنچی۔
.
ذریعہ
ذریعہ: Islam Times
پڑھیں:
5 جون تک پنجاب کے متعدد اضلاع میں آندھی، شدید ژالہ باری کا امکان، الرٹ جاری
وزیراعلیٰ پنجاب(chief minister punjab) کی ہدایات پر تمام کمشنرز و ڈپٹی کمشنرز کو الرٹ جاری تاکہ برساتی نالوں کی صفائی اور ہنگامی صورتحال سے نمٹنے کے لیے انتظامات مکمل رکھے جائیں؛ ترجمان پی ڈی ایم اے
پنجاب کے میدانی اور بالائی علاقوں میں چند روز سے جاری شدید گرمی کے بعد اب بیشتر اضلاع میں طوفانی ہواؤں، گرج چمک کے ساتھ بارش اور ژالہ باری کی اہم پیشگوئی جاری کی ہے
بتایا گیا ہے کہ راولپنڈی، مری، گلیات، اٹک، جہلم، چکوال، گوجرانوالہ، حافظ آباد، سیالکوٹ، نارووال اور شیخوپورہ، سرگودھا، میانوالی، خوشاب، منڈی بہاؤالدین، فیصل آباد، جھنگ و گردونواح، لاہور، اوکاڑہ، بھکر اور لیہ میں بارشوں کا امکان ہےْ
جس کے باعث وزیر اعلیٰ پنجاب مریم نواز کی خصوصی ہدایات کے پیشِ نظر صوبے بھر کے تمام کمشنرز اور ڈپٹی کمشنرز کو الرٹ جاری کر دیا گیا ہے تاکہ برساتی نالوں کی صفائی اور ہنگامی صورتحال سے نمٹنے کے لیے انتظامات مکمل رکھے جائیں۔
ڈی جی پی ڈی ایم اے عمر جاوید نے خراب موسم کے دوران شہریوں کی حفاظت کو یقینی بنانے کے لیے احتیاطی تدابیر اختیار کرنے کی تاکید کی ہے کہ شہری آسمانی بجلی سے بچنے کے لیے محفوظ مقامات کے اندر رہیں اور گرج چمک کے دوران کھلے مقامات یا درختوں تلے ہرگز کھڑے نہ ہوں۔
کسان اپنی فصلوں کی کٹائی اور سنبھال سمیت تمام تر پیشگی اقدامات موجودہ موسمی صورتحال کو مدنظر رکھتے ہوئے کریں، مری، گلیات اور شمالی علاقہ جات کے سفر پر روانہ ہونے والے سیاح موسم کی شدت کو دیکھتے ہوئے خصوصی احتیاطی تدابیر اختیار کریں۔
مزید پڑھیں:شہری پی ڈی ایم اے کی آفیشل ہیلپ لائن 1129 پر رابطہ کریں
کسی بھی بھی ناگہانی یا ایمرجنسی صورتحال کی صورت میں شہری فوری طور پر پی ڈی ایم اے کی آفیشل ہیلپ لائن 1129 پر رابطہ کریں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ