بنگلہ دیش بھارت سرحد پر ہلاکتوں کے خلاف ڈھاکا میں احتجاج کا اعلان
اشاعت کی تاریخ: 6th, January 2026 GMT
بنگلہ دیش کی معروف انسانی حقوق کی تنظیم اودھیکار نے بنگلہ دیش بھارت سرحد پر مبینہ ہلاکتوں، تشدد اور جبری گمشدگیوں کے خلاف احتجاجی مظاہرے کا اعلان کر دیا۔
یہ بھی پڑھیں: پاک فضائیہ اور بنگلہ دیش ایئر فورس کے درمیان دفاعی تعاون مزید مضبوط بنانے پر اتفاق
تنظیم کا کہنا ہے کہ بھارتی بارڈر سیکیورٹی فورس (بی ایس ایف) کی جانب سے بنگلہ دیشی شہریوں کے خلاف کارروائیاں مسلسل جاری ہیں۔
اودھیکار کے مطابق احتجاج میں مقتولین کے لواحقین، انسانی حقوق کے کارکنان اور سول سوسائٹی کے نمائندے شریک ہوں گے۔
مظاہرے میں فلانی کیس کو بھی یاد کیا جائے گا جو ایک بنگلہ دیشی نوعمر لڑکی تھی اور سرحد پر ہلاک ہوئی تھی۔ اس واقعے نے خطے اور عالمی سطح پر شدید ردعمل کو جنم دیا تھا۔
تنظیم کی جانب سے جاری بیان میں بتایا گیا ہے کہ یہ احتجاج 7 جنوری کو صبح 10 بجے ڈھاکا کے نیشنل پریس کلب کے سامنے منعقد کیا جائے گا۔
مزید پڑھیے: ٹی20 ورلڈ کپ، بھارت میں محفوظ نہیں، بنگلہ دیش کرکٹ بورڈ نے ٹیم بھیجنے سے انکار کردیا
اودھیکار کے ڈائریکٹر اے ایس ایم ناصرالدین ایلان نے میڈیا اداروں کو احتجاج کی کوریج کی دعوت دیتے ہوئے کہا کہ بھارت کی جانب سے بنگلہ دیش کے خلاف جارحانہ رویہ اختیار کیا جا رہا ہے جس پر فوری توجہ اور جوابدہی کی ضرورت ہے۔
مزید پڑھیں: بنگلہ دیش میں انتخابات: امن و امان کے لیے سیکیورٹی اداروں کو غیر معمولی اختیارات تفویض
بنگلہ دیش میں انسانی حقوق کی تنظیمیں طویل عرصے سے مطالبہ کرتی آ رہی ہیں کہ سرحدی علاقوں میں بی ایس ایف کی مبینہ زیادتیوں کی آزادانہ تحقیقات کرائی جائیں اور سفارتی سطح پر مؤثر اقدامات کیے جائیں، کیونکہ ان سرحدی کشیدگیوں کا سب سے زیادہ نقصان عام اور بے گناہ شہریوں کو اٹھانا پڑتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بنگلہ دیش بنگلہ دیش بھارت بارڈر بنگلہ دیشی تنظیم اودھیکار.
ذریعہ
ذریعہ: WE News
کلیدی لفظ: بنگلہ دیش بنگلہ دیش بھارت بارڈر بنگلہ دیش کے خلاف
پڑھیں:
پٹرولیم مصنوعات کی قیمتوں میں مسلسل چوتھے روز اضافہ
پٹرولیم ڈویژن کی جانب سے جاری نوٹیفکیشن کے مطابق پٹرول کی قیمت میں 4 روپے 40 پیسے فی لٹر اضافہ کیا گیا اور ہائی سپیڈ ڈیزل کی قیمت میں 3 روپے 62 پیسے فی لٹر اضافہ کیا گیا ہے۔ اسلام ٹائمز۔ حکومت کی جانب سے پٹرولیم مصنوعات کی نئی قیمتوں کا اعلان کردیا گیا۔ پٹرولیم ڈویژن کی جانب سے جاری نوٹیفکیشن کے مطابق پٹرول کی قیمت میں 4 روپے 40 پیسے فی لٹر اضافہ کیا گیا، جس کے بعد پٹرول کی نئی قیمت 331 روپے 52 پیسے فی لٹر مقرر کر دی گئی ہے۔ ہائی سپیڈ ڈیزل کی قیمت میں 3 روپے 62 پیسے فی لٹر اضافہ کیا گیا ہے، جس کے بعد ڈیزل کی نئی قیمت 378 روپے 66 پیسے فی لٹر ہو گئی ہے۔
پیٹرولیم ڈویژن کے مطابق پیٹرول اور ڈیزل کی نئی قیمتوں کا تعین اوگرا کی جانب سے کیا گیا ہے جو آج رات 12 بجے سے کل رات 12 بجے تک نافذ العمل ہوگا۔ واضح رہے کہ گزشتہ روز حکومت کی جانب سے پٹرول کی قیمت میں 6 روپے 39 پیسے فی لٹر جبکہ ہائی سپیڈ ڈیزل کی قیمت میں 7 روپے 83 پیسے کا بڑا اضافہ کیا گیا تھا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار