چیئرمین سینیٹ، مخدوم سید احمد محمود ملاقات، باہمی امور پر تبادلہ خیال
اشاعت کی تاریخ: 6th, January 2026 GMT
لاہور:(نیوزڈیسک) چیئرمین سینیٹ سید یوسف رضا گیلانی نے کہا ہے کہ جنوبی پنجاب کے عوام کو درپیش سماجی و معاشی مسائل کا حل قومی ترجیحات میں شامل ہونا چاہیے اور خطے کی متوازن ترقی کے لیے مؤثر اقدامات ناگزیر ہیں۔ ان خیالات کا اظہار انہوں نے مخدوم سید احمد محمود کی رہائش گاہ پر ملاقات کے دوران کیا ۔ملاقات میں سید علی قاسم گیلانی اور مخدوم سید مرتضیٰ محمود، رکن قومی اسمبلی بھی موجود تھے۔ اس موقع پر ملکی مجموعی سیاسی صورتحال، جنوبی پنجاب کے عوام کو درپیش مسائل، علاقائی ترقیاتی ترجیحات، سیلاب کے بعد بحالی کے عمل، سموگ اور ماحولیاتی آلودگی سے پیدا ہونے والے چیلنجز پر تفصیلی تبادلہ خیال کیا گیا۔
ملاقات کے دوران جنوبی پنجاب میں جاری اور مستقبل کے ترقیاتی منصوبوں کا بھی جائزہ لیا گیا، جن کا مقصد عوامی فلاح و بہبود، بنیادی سہولیات کی فراہمی اور پائیدار ترقی کو یقینی بنانا ہے۔ اس امر پر اتفاق کیاگیا کہ جنوبی پنجاب کی ترقی کے لیے مربوط حکمتِ عملی اختیار کرنے کی ضرورت ہے تاکہ عوام کو درپیش مسائل کا دیرپا حل ممکن ہو سکے۔چیئرمین سینیٹ سید یوسف رضا گیلانی نے اس موقع پر جنوبی پنجاب کے عوام کے لیے اپنی وابستگی کا اعادہ کرتے ہوئے کہا کہ وہ خطے میں مساوی ترقی، معاشی بہتری اور سماجی انصاف کے فروغ کے لیے ہر ممکن کوشش جاری رکھیں گے۔
.
ذریعہ
ذریعہ: Daily Mumtaz
پڑھیں:
وزیر اعظم شہباز شریف سے چینی کاروباری وفد کی ملاقات، بزنس ٹو بزنس شراکت داری سے پاک چین دوستی مزید مستحکم ہو گی ، وزیر اعظم
سٹی 42:وزیر اعظم شہباز شریف سے چینی کاروباری وفد کی ملاقات،وزیر اعظم نے کہا بزنس ٹو بزنس شراکت داری سے پاک چین دوستی مزید مستحکم ہو گی ۔
وزیراعظم محمد شہباز شریف سے چینی کمپنی فیمسنFAMSUN کے چیف ایگزیکٹو افسر جیک چین Jack Chen کی قیادت میں وفد کی ملاقات ہوئی ۔ وزیراعظم نے وفد کو پاکستان آمد پر خوش آمدید کہا
وزیر اعظم نے کہا پاکستان اور چین مثالی دوست ہیں، جن کے درمیان معاشی شراکت داری اور دوستانہ تعلقات وقت کے ساتھ مزید مضبوط ہو رہے ہیں۔دونوں ممالک کے درمیان بزنس ٹو بزنس شراکت داری سے یہ دوستی مزید مستحکم ہو گی ۔وزیر اعظم نے چینی کمپنی کا پاکستان میں اجناس کے سٹوریج کے مراکز کو اسٹیٹ آف آرٹ مراکز میں تبدیل کرنے کے منصوبے کا خیر مقدم کیا۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
اس منصوبے سے ملک میں زراعت کے سیکٹر میں جدید ترین ٹیکنالوجی آئے گی اور تجارتی سرگرمیوں کو فروغ ملے گا۔ پاکستان کی افرادی قوت کی ہنر مندی اور تربیت کو ان منصوبوں کا حصہ بنایا جائے۔
جیک چین نے پاکستان میں پرتپاک میزبانی پر وزیراعظم اور حکومت پاکستان کا شکریہ ادا کیافیمسن کے چیف ایگزیکٹو نے وزیراعظم سے انکے حالیہ دورہء چین کے دوران اپنی ہونے والی ملاقات کا بھی ذکر کیا، جس کے نتیجے میں وہ پاکستان کا دورہ کررہے ہیں اور غذائی تحفظ کے حوالے سے قابل عمل منصوبے پر بات چیت کی جارہی ہے۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
جناب جیک چین نے کہا کہ فیمسن پاکستان میں غذائی تحفظ کے حوالے سے بہتر سٹوریج مراکز، ٹیکنالوجی ٹرانسفر اور تربیت فراہم کرنے میں دلچسپی رکھتی ہے۔بریفنگ میں بتایا کہ فیمسن پاکستان میں گرین سائلوز کے قیام کے حوالےسے ڈیمانسٹریشن سینٹر قائم کرے گی سٹوریج سینٹرز کو جدید گرین سائلوز میں بدلا جائے گا ۔فیمسن اور گرین پاکستان انیشئیٹو کے درمیان مفاہمتی یادداشت پر دستخط ہو چکے ہیں
ملاقات میں وفاقی وزیر قومی غذائی تحفظ رانا تنویر حسین، وفاقی وزیر تجارت جام کمال خان، وزیر مملکت برائے خزانہ و ریلوے بلال اظہر کیانی، معاون خصوصی ہارون اختر اور متعلقہ اعلیٰ سرکاری افسران بھی موجود تھے۔فیمسن زراعت، جانوروں کی خوراک اور فوڈ پراسیسنگ کے حوالے سے چین کی بڑی کمپنیوں میں شمار ہوتی ہے۔
بارشی پانی کی نکاسی نہ ہونے سے گاڑیاں اور موٹرسائیکلیں بند، شہری شدید مشکلات کا شکار
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار