لاہور، شاہ محمود قریشی کی ضمانتوں پر ایک بار پھر سماعت ملتوی
اشاعت کی تاریخ: 6th, January 2026 GMT
لاہور (ڈیلی پاکستان آن لائن) انسدادِ دہشت گردی عدالت (اے ٹی سی) لاہور نے شاہ محمود قریشی کی ضمانتوں پر سماعت ایک بار پھر ملتوی کرتے ہوئے اگلی تاریخ منگل، 13 جنوری 2026 مقرر کر دی۔ سابق وزیر خارجہ بدستور زیرِ حراست ہیں جبکہ ان کی ضمانت کی درخواستیں تاحال سنی نہیں جا سکیں، حالانکہ اسی جج نے ماضی میں ملتے جلتے مقدمات میں انہیں بری بھی کیا تھا۔
دوسری جانب 9 مئی کے ایک اور مقدمے کی جیل ٹرائل کوٹ لکھپت جیل لاہور میں روزانہ کی بنیاد پر جاری ہے۔ اس مقدمے میں شاہ محمود قریشی کے ساتھ ڈاکٹر یاسمین راشد، اعجاز چوہدری، عمر سرفراز چیمہ، میاں محمود الرشید سمیت متعدد دیگر افراد نامزد ہیں۔
بھارتی ریاست گجرات کی عدالتوں کو بم دھماکوں سے اڑانے کی دھمکیاں،سیکیورٹی ہائی الرٹ
مزید :.
ذریعہ
ذریعہ: Daily Pakistan
پڑھیں:
لاہور میں وین ڈرائیور سے بدتمیزی ٹریفک وارڈن کو مہنگی پڑ گئی
لاہور میں نجی کوریئر کمپنی کی وین کے ڈرائیور سے بدتمیزی کرنے پر ٹریفک وارڈن کو معطل کر دیا گیا۔
سی ٹی او لاہور سید عبدالرحیم شیرازی نے فوری ایکشن لیتے ہوئے واقعے کی تحقیقات کے لیے ایس پی صدر کو انکوائری کا حکم دے دیا۔
ٹریفک پولیس افسر کا کہنا تھا کہ انکوائری رپورٹ کی روشنی میں مزید کارروائی ہوگی، شہریوں سے حسنِ سلوک پر کوئی سمجھوتہ نہیں کیا جائے گا۔
سی ٹی او لاہور نے ٹریفک پولیس میں نظم و ضبط اور عوامی احترام اولین ترجیح قرار دیتے ہوئے کہا کہ اختیارات کے ناجائز استعمال کی اجازت نہیں دی جائے گی، انکوائری مکمل ہونے پر حقائق عوام کے سامنے لائے جائیں گے۔
شہری کے مطابق ٹریفک وارڈن نے رکنے کا اشارہ کیا لیکن اشارہ نظر نہیں آیا، تاہم آگے جا کر رکا جس پر ٹریفک وارڈن نے گاڑی کے اندر سوار ہو کر تشدد کا نشانہ بنایا اور گالم گلوچ کی۔ موقع پر وارڈن نے آن لائن چالان بھی جمع کروایا۔
وزارت آئی ٹی نے 1.67 ارب روپے سے زاید کے فنڈز طلب کرلیے