ریلوے کی ڈیجیٹائزیشن، نئے ٹریکس اور ایک کھرب روپے آمدن کا ہدف :حنیف عباسی
اشاعت کی تاریخ: 7th, January 2026 GMT
اسلام آباد (اپنے سٹاف رپورٹر سے) وزیر برائے ریلوے محمد حنیف عباسی نے کہا ہے کہ وزیراعظم پاکستان کی ہدایت پر پاکستان ریلوے کی 78 سالہ تاریخ میں پہلی مرتبہ تمام شعبوں میں بیک وقت ترقی کا عمل جاری ہے۔ پاکستان ریلوے کی مکمل ڈیجیٹائزیشن، آؤٹ سورسنگ، نئے ٹریکس کی تعمیر اور مسافر سہولیات کی بہتری پر عملی کام شروع کر دیا گیا ہے۔ ایشیائی ترقیاتی بنک نے کراچی سے روہڑی کے درمیان 480 کلومیٹر نئے ریلوے ٹریک کی تعمیر کے لیے 2 ارب ڈالر کے قرض کی منظوری دے دی ہے۔ جس سے سفر کے دورانیے میں کم از کم 5 گھنٹے کی کمی آئے گی۔ کراچی–روہڑی منصوبے کی گراؤنڈ بریکنگ جولائی 2026ء میں متوقع ہے جبکہ اس منصوبے کو ڈھائی سے تین سال میں مکمل کیا جائے گا۔ حنیف عباسی نے بتایا کہ ریکوڈک منصوبے کے تحت روہڑی سے نوکنڈی تک 900 کلومیٹر ریلوے ٹریک پر کام کیا جا رہا ہے۔ سندھ اور پنجاب کے ساتھ ساتھ خیبر پی کے کو بھی نئے ریلوے منصوبوں میں شامل کیا جا رہا ہے۔ پہلی مرتبہ صوبوں کو برانچ لائنز آپریٹ کرنے کی پیشکش کی گئی ہے، جس پر پنجاب، سندھ اور بلوچستان نے فنڈز مختص کر دئیے ہیں جبکہ خیبر پی کے حکومت سے مشاورت جاری ہے۔ پاکستان ریلوے نے جون 2026ء تک ایک کھرب روپے آمدن حاصل کرنے کا ہدف مقرر کیا ہے اور وزیراعظم کی قیادت میں ریلوے کو ایک جدید، محفوظ اور منافع بخش ادارہ بنایا جائے گا۔
.
ذریعہ
ذریعہ: Nawaiwaqt
پڑھیں:
پاکستان اور کویت جاری سفارتی کوششوں کے مثبت نتائج کیلئے پرامید
وزیر خارجہ اسحاق ڈار نے کویت کے وزیر خارجہ شیخ جراح جابر الاحمد الصباح سے رابطہ کیا، دونوں رہنماؤں نے جاری سفارتی کوششوں کے مثبت نتائج کی امید ظاہر کی۔
ترجمان دفتر خارجہ کا کہنا ہے کہ کویتی وزیر خارجہ نے امریکا اور ایران کے درمیان رابطوں میں پاکستان کے کردار کو سراہا، کویتی وزیر خارجہ نے علاقائی امن و استحکام کیلئے پاکستان کی کوششوں کی تعریف کی۔
اسحاق ڈار نے خطے میں پائیدار امن کیلئے سفارتکاری اور مذاکرات کی حمایت کا اعادہ کیا، پاکستان نے مسائل کے حل کیلئے مسلسل سفارتی روابط کو ترجیحی راستہ قرار دیا۔
دفتر خارجہ کا کہنا ہے کہ دونوں رہنماؤں نے جاری سفارتی کوششوں کے مثبت نتائج کی امید ظاہر کی۔
اس موقع پر پاکستان اور کویت کے درمیان برادرانہ تعلقات مزید مضبوط بنانے اور مستقبل میں قریبی رابطے برقرار رکھنے پر اتفاق کیا گیا۔
وزارت آئی ٹی نے 1.67 ارب روپے سے زاید کے فنڈز طلب کرلیے