ٹھٹھہ ،علی بخش ملاح کے ورثا کا انصاف کیلیے مظاہرہ
اشاعت کی تاریخ: 7th, January 2026 GMT
data-id="863a0a8" data-element_type="widget" data-widget_type="theme-post-content.default">
260107-11-13
ٹھٹھہ (نمائندہ جسارت)چند روز قبل ڈسٹرکٹ جیل ٹھٹھہ میں پراسرار طور پر جاں بحق ہونے والے علی بخش ملاح کے ورثا نے مکلی کے قریب ڈسٹرکٹ جیل کے سامنے احتجاجی مظاہرہ کیا۔ مقتول قیدی کے ورثاکی بیوہ حسنہ ملاح کی قیادت میں مقتول کے کزن محمد عرس ملاح اور دیگر نے خواتین اور بچوں کے ہمراہ جیل کے سامنے مین غلام اللہ روڈ پر احتجاجی مظاہرہ کیا اور مکلی غلام اللہ روڈ کو بلاک کر دیا۔ مقتول قیدی کے ورثاکا کہنا تھا کہ ہمارے نوجوان علی بخش ملاح کو بدترین تشدد سے ہلاک کیا گیا اور اس کی خودکشی کا ڈرامہ غلط ہے۔ ورثا نے مطالبہ کیا کہ معاملے کی شفاف تحقیقات کر کے ذمے دار جیل انتظامیہ اور پولیس اہلکاروں کے خلاف کارروائی کی جائے اور ہمارے ساتھ انصاف کیا جائے۔ مکلی میں ڈسٹرکٹ جیل کے سامنے جاں بحق ہونے والے علی بخش ملاح کے ورثاکا احتجاج جاری رہا، تھانہ مکلی کے ایس ایچ او نے ورثا کے ہمراہ جمع ہونے والے شہریوں اور صحافیوں کے خلاف ایف آئی آر درج کرنے کی دھمکی دے دی۔ علی بخش ملاح کی بیوہ حسنہ ملاح بے ہوش معصوم بیٹے اسد علی اور دیگر بچوں نے کہا کہ ہم کسی صورت احتجاج ختم نہیں کریں گے۔ ہمارے نوجوان علی بخش ملاح کو ٹھٹھہ جیل میں تشدد کرکے موت کے گھاٹ اتار دیا گیا۔ ذمے داروں کے خلاف مقدمہ درج کرکے ہمارے ساتھ انصاف کیا جائے۔ ادھر مکلی کے قریب ڈسٹرکٹ جیل ٹھٹھہ کے سامنے سڑک پر احتجاج کرنے والی مقتول قیدی علی بخش ملاح کی خواتین پر پولیس نے وحشیانہ تشدد کیا۔ خواتین اور معصوم بچوں کو مارا پیٹا گیا۔ جبکہ ایس ایچ او مکلی کی قیادت میں پولیس موقع پر پہنچ گئی۔ ڈی ایس پی ٹھٹھہ بھی ٹیم کے ساتھ پہنچ گئے۔ ٹھٹھہ جیل میں جاں بحق ہونے والے قیدی علی بخش ملاح کے ورثا نے جیل انتظامیہ کے خلاف ٹھٹھہ جیل میں انتقال کر جانے والے علی بخش ملاح کے قتل کا مقدمہ درج کرانے کے لیے دو گھنٹے تک احتجاج کیا۔ بعد ازاں پولیس نے مظاہرین سے بات چیت کے بعد احتجاج ختم کروا دیا۔
ذریعہ
ذریعہ: Jasarat News
کلیدی لفظ: علی بخش ملاح کے ورثا ڈسٹرکٹ جیل ہونے والے کے سامنے کے خلاف
پڑھیں:
گلگت بلتستان انتخابات کو متنازع بنانے کی ہر کوشش جمہوریت کے خلاف ہے، حلیم عادل شیخ
صدر پی ٹی آئی سندھ نے کہا کہ عوامی مینڈیٹ کو متنازع بنانے اور اس پر اثر انداز ہونے کی کوششوں نے جمہوری عمل کو نقصان پہنچایا، آج بھی عوام عمران خان کے بیانیے اور قیادت پر بھرپور اعتماد کا اظہار کر رہے ہیں اور پاکستان تحریک انصاف ملک کی مقبول ترین سیاسی جماعت ہے۔ اسلام ٹائمز۔ پاکستان تحریک انصاف سندھ کے صدر حلیم عادل شیخ نے کہا ہے کہ گلگت بلتستان کے آئندہ انتخابات کو متنازع بنانے کی کسی بھی کوشش سے گریز کیا جائے اور انتخابی عمل کو مکمل طور پر شفاف، غیر جانبدار اور منصفانہ بنایا جائے۔ انہوں نے کہا کہ گلگت بلتستان کے عوام کو اپنا ووٹ آزادانہ طور پر استعمال کرنے کا مکمل حق حاصل ہے اور کسی قسم کی مداخلت یا دباؤ جمہوری اقدار کے منافی ہوگا۔ حلیم عادل شیخ نے کہا کہ ملک میں سیاسی استحکام کا راستہ صرف آزاد، شفاف اور غیر جانبدار انتخابات سے ہو کر گزرتا ہے، عوامی مینڈیٹ پر ڈاکہ ڈالنے کی روایت نے ماضی میں پاکستان کو سیاسی اور معاشی بحرانوں سے دوچار کیا، اس لیے ضروری ہے کہ عوام کے فیصلے کا مکمل احترام کیا جائے۔ انہوں نے کہا کہ 8 فروری 2024ء کے عام انتخابات میں عوام نے اپنا واضح فیصلہ دیا تھا، تاہم عوامی مینڈیٹ کو متنازع بنانے اور اس پر اثر انداز ہونے کی کوششوں نے جمہوری عمل کو نقصان پہنچایا، آج بھی عوام عمران خان کے بیانیے اور قیادت پر بھرپور اعتماد کا اظہار کر رہے ہیں اور پاکستان تحریک انصاف ملک کی مقبول ترین سیاسی جماعت ہے۔
حلیم عادل شیخ نے مطالبہ کیا کہ پاکستان تحریک انصاف کو گلگت بلتستان میں انتخابی مہم چلانے کے مساوی اور آئینی حقوق فراہم کیے جائیں تاکہ تمام سیاسی جماعتوں کو یکساں مواقع میسر آ سکیں۔ انہوں نے کہا کہ انتخابی عمل کو ہر قسم کے دباؤ، جانبداری اور غیر ضروری مداخلت سے پاک رکھا جائے تاکہ عوام اپنی مرضی کے نمائندوں کا انتخاب کر سکیں۔ انہوں نے کہا کہ گلگت بلتستان کے عوام باشعور ہیں اور وہ اپنے ووٹ کی طاقت سے حقیقی نمائندوں کا انتخاب کریں گے، عوام کا فیصلہ ہی جمہوریت اور پاکستان کے روشن مستقبل کی بنیاد ہے۔ انہوں نے اس امید کا اظہار کیا کہ پاکستان تحریک انصاف گلگت بلتستان کے انتخابات میں عوامی حمایت کے ساتھ بھرپور کامیابی حاصل کرے گی۔ حلیم عادل شیخ نے مزید کہا کہ سیاسی استحکام کے بغیر معاشی ترقی، سرمایہ کاری اور عوامی خوشحالی ممکن نہیں، لہذا تمام متعلقہ حکام اس امر کو یقینی بنائیں کہ انتخابات مکمل طور پر شفاف اور منصفانہ ہوں اور عوام کے مینڈیٹ کا ہر صورت احترام کیا جائے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ