پاکستان نے بنگلادیش کو کرکٹ تنازع میں مکمل حمایت کی یقین دہانی کرا دی
اشاعت کی تاریخ: 7th, January 2026 GMT
data-id="863a0a8" data-element_type="widget" data-widget_type="theme-post-content.default">
لاہور: عالمی کرکٹ ایک بار پھر سیاست اور سیکورٹی تنازعات کی زد میں آ گئی ہے جب کہ پاکستان نے مشکل وقت میں بنگلا دیش کا ہاتھ تھامتے ہوئے ٹی 20 ورلڈ کپ کے لیے بھارت نہ جانے کے فیصلے پر مکمل حمایت کی یقین دہانی کرا دی ہے۔
ذرائع کے حوالے سے نجی ٹی وی کی رپورٹ کے مطابق پاکستان کرکٹ بورڈ نے واضح کیا ہے کہ بنگلا دیش کا مؤقف اصولی ہے اور اگر ضرورت پڑی تو آئی سی سی سے بات کرنے کے لیے بھی پاکستان تیار ہوگا۔
واضح رہے کہ یہ معاملہ اس وقت شدت اختیار کر گیا جب بھارتی بورڈ نے انتہا پسند عناصر کے دباؤ پر آئی پی ایل سے بنگلا دیشی فاسٹ بولر مستفیض الرحمان کو باہر کر دیا۔ ان کی فرنچائز کولکتہ نائٹ رائیڈرز کے مالک شاہ رخ خان کو بھی شدید تنقید اور غداری جیسے الزامات کا سامنا کرنا پڑا۔ اس واقعے نے بنگلا دیشی کرکٹ حلقوں میں شدید تشویش پیدا کی، جس کے بعد بنگلا دیش کرکٹ بورڈ نے حکومت کی ہدایت پر ورلڈ کپ کے لیے بھارت نہ جانے کا فیصلہ کیا۔
اعلیٰ ذرائع کے حوالے سے بتایا گیا ہے کہ بنگلا دیشی بورڈ کا مؤقف یہ ہے کہ جو ملک ایک کھلاڑی کو مکمل سیکورٹی فراہم نہیں کر سکتا، وہ پوری ٹیم کی حفاظت کیسے یقینی بنا سکتا ہے۔ اسی تناظر میں ملک میں بھارتی لیگ کی نشریات پر بھی پابندی عائد کر دی گئی۔ پاکستان کرکٹ بورڈ کے ذرائع نے بتایا کہ ماضی میں پاکستان نے بھی بھارتی رویے کے باعث ہائبرڈ ماڈل اپنایا تھا، لہٰذا اب بنگلا دیش کو بھی یہ حق حاصل ہے کہ وہ اپنے کھلاڑیوں کی سلامتی کو ترجیح دے۔
ذرائع کا کہنا ہے کہ اگر آئی سی سی نے دباؤ بڑھایا یا پوائنٹس کٹوتی جیسے اقدامات کی بات کی تو پاکستان اس معاملے پر بنگلا دیش کے ساتھ کھڑا ہوگا۔
دوسری جانب بنگلا دیشی بورڈ واضح کر چکا ہے کہ چاہے بھارتی بورڈ یا آئی سی سی اعلیٰ ترین سیکورٹی کی یقین دہانی کیوں نہ کرائے، ٹیم بھارت نہیں جائے گی۔ یاد رہے کہ بنگلا دیش کے 3 میچز کولکتہ جبکہ ایک میچ ممبئی میں شیڈول ہے، جس کے باعث وقت کی کمی ایک بڑا چیلنج بن سکتی ہے۔
.
ذریعہ
ذریعہ: Jasarat News
کلیدی لفظ: بنگلا دیشی بنگلا دیش
پڑھیں:
شہباز شریف کا کامیاب انسدادِ دہشت گردی کارروائیوں پر سکیورٹی فورسز کو خراجِ تحسین
بھارتی سرپرستی میں سرگرم 17 فتنہ الہندوستان کے دہشت گردوں کو ہلاک کرنے پر سکیورٹی فورسز کو خراج تحسین پیش کرتے ہوے وزیراعظم کا کہنا تھا کہ قوم اپنی بہادر افواج اور قانون نافذ کرنے والے اداروں کی قربانیوں اور خدمات کو قدر کی نگاہ سے دیکھتی ہے۔ اسلام ٹائمز۔ وزیراعظم محمد شہباز شریف نے بلوچستان میں کامیاب انسدادِ دہشت گردی کارروائیوں پر سکیورٹی فورسز کو خراجِ تحسین پیش کیا، انہوں نے بلوچستان کے مختلف اضلاع میں کامیاب انٹیلی جنس بیسڈ آپریشنز پر سکیورٹی فورسز کی پیشہ ورانہ صلاحیتوں اور بہادری کو سراہا۔ شہباز شریف نے بھارتی سرپرستی میں سرگرم 17 فتنہ الہندوستان کے دہشت گردوں کو ہلاک کرنے پر سکیورٹی فورسز کو خراج تحسین پیش کیا۔ وزیراعظم نے کہا کہ قوم اپنی بہادر افواج اور قانون نافذ کرنے والے اداروں کی قربانیوں اور خدمات کو قدر کی نگاہ سے دیکھتی ہے، دہشت گردی کے خلاف جنگ میں سکیورٹی فورسز کی کامیابیاں پوری قوم کے عزم اور اتحاد کی عکاس ہیں۔
شہباز شریف نے کہا کہ بھارتی سرپرستی میں سرگرم دہشت گرد عناصر کے ناپاک عزائم کو ہر قیمت پر ناکام بنایا جائے گا، پاکستان سے دہشت گردی کے مکمل خاتمے تک انسدادِ دہشت گردی کی کارروائیاں جاری رہیں گی۔ وزیراعظم نے کہا کہ دہشت گردی کے ناسور کے مکمل خاتمے کے لیے حکومت سکیورٹی فورسز اور قانون نافذ کرنے والے اداروں کے شانہ بشانہ کھڑی ہے، پاکستان کے امن، استحکام اور ترقی کے خلاف ہر سازش کو ناکام بنایا جائے گا۔
وزارت آئی ٹی نے 1.67 ارب روپے سے زاید کے فنڈز طلب کرلیے