یورپی یونین اور بنگلہ دیش کے درمیان جامع شراکت داری معاہدے کی تیاری
اشاعت کی تاریخ: 7th, January 2026 GMT
یورپی یونین اور بنگلہ دیش نے سیاسی، معاشی اور ترقیاتی تعلقات کو مضبوط بنانے کے لیے جامع شراکت داری و تعاون معاہدے (پی سی اے) کی جانب اہم پیش رفت کر لی ہے۔ یورپی یونین کے ایک اعلیٰ عہدیدار نے ڈھاکا کے دورے کے دوران بتایا کہ اس معاہدے پر مذاکرات جلد حتمی مرحلے میں داخل ہو سکتے ہیں۔
ایشیا پیسفک کے لیے یورپی خارجہ سروس کی قائم مقام منیجنگ ڈائریکٹر پاؤلا پامپالونی نے بدھ کے روز اسٹیٹ گیسٹ ہاؤس جمنا میں بنگلہ دیش کے چیف ایڈوائزر پروفیسر محمد یونس سے ملاقات کی۔ ملاقات میں دو طرفہ تعلقات، 12 فروری کو ہونے والے قومی انتخابات اور ریفرنڈم، غیر قانونی ہجرت کی روک تھام، اور یورپی یونین و بنگلہ دیش کے درمیان تجارت و سرمایہ کاری بڑھانے پر تبادلہ خیال کیا گیا۔
یہ بھی پڑھیے: پاکستان اور یورپی یونین کا باہمی شراکت داری مضبوط بنانے پر اتفاق
پاؤلا پامپالونی نے کہا کہ پی سی اے پر باضابطہ مذاکرات، جو نومبر 2024 میں شروع ہوئے تھے، نمایاں طور پر آگے بڑھ چکے ہیں۔ ان کے مطابق یہ معاہدہ حکمرانی، سرمایہ کاری اور معاشی اصلاحات سمیت مختلف شعبوں میں وسیع تعاون کے دروازے کھول سکتا ہے۔ انہوں نے عبوری حکومت کی جانب سے گزشتہ سال اگست کے بعد کیے گئے اصلاحاتی اقدامات کو قابلِ تعریف قرار دیا اور کہا کہ سیاسی استحکام اور پُرامن انتقالِ اقتدار یورپ کے ساتھ تعلقات مضبوط بنانے کے لیے نہایت اہم ہے۔
یورپی یونین کی نمائندہ نے تصدیق کی کہ برسلز بنگلہ دیش میں اعلیٰ سطحی انتخابی مبصر مشن تعینات کرے گا، جس کے سربراہ جلد ڈھاکا پہنچ کر سیاسی جماعتوں اور حکام سے ملاقاتیں کریں گے۔
یہ بھی پڑھیے: بِمان بنگلہ دیش ایئرلائنز کی پاکستان کے لیے براہِ راست پروازوں کا آغاز 29 جنوری سے ہوگا
چیف ایڈوائزر محمد یونس نے کہا کہ پی سی اے معاہدہ یورپی یونین کے ساتھ تعلقات کو مزید مستحکم کرے گا۔ انہوں نے آزاد، منصفانہ اور پُرامن انتخابات کے انعقاد کے حکومتی عزم کا اعادہ کیا اور کہا کہ سیاسی جماعتیں عبوری روڈ میپ کی حمایت کر چکی ہیں۔
ملاقات میں خصوصی ایلچی لطفی صدیقی، ایس ڈی جی کوآرڈینیٹر لامیہ مرشد اور یورپی سفیر مائیکل ملر بھی موجود تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بنگلہ دیش ڈھاکا یورپی یونین.
ذریعہ
ذریعہ: WE News
کلیدی لفظ: بنگلہ دیش ڈھاکا یورپی یونین یورپی یونین بنگلہ دیش کے لیے کہا کہ
پڑھیں:
علی الزیدی کا ایران کا اہم دورہ، دوطرفہ تعلقات بڑھانے پر اتفاق
ایرانی صدر سے ملاقات میں عراقی وزیراعظم کا کہنا تھا کہ عراق اور ایران کی سلامتی ایک دوسرے سے جڑی ہوئی ہے اور عراق اپنی سرزمین ایران کے خلاف کسی بھی کارروائی کے لیے استعمال نہیں ہونے دے گا۔ اسلام ٹائمز۔ امریکا کے دورے کے بعد عراقی وزیراعظم علی الزیدی نے ایران کا اہم دورہ کیا، جہاں انہوں نے ایرانی صدر مسعود پزشکیان اور اعلیٰ ایرانی قیادت سے ملاقاتیں کیں۔خبر ایجنسی کے مطابق ایرانی صدر مسعود پزشکیان اور عراقی وزیراعظم کے درمیان ہونے والے مذاکرات میں دوطرفہ تعلقات، اقتصادی تعاون، توانائی، تجارت اور علاقائی سلامتی سمیت مختلف امور پر تفصیلی تبادلہ خیال کیا گیا۔ دونوں ممالک نے اقتصادی تعاون اور مشترکہ سرمایہ کاری کو فروغ دینے پر اتفاق کیا، جبکہ نقل و حمل اور شہری تعاون سے متعلق نئے معاہدے بھی طے پائے۔
عراقی وزیراعظم علی الزیدی نے اس موقع پر کہا کہ عراق اور ایران کی سلامتی ایک دوسرے سے جڑی ہوئی ہے اور عراق اپنی سرزمین ایران کے خلاف کسی بھی کارروائی کے لیے استعمال نہیں ہونے دے گا۔ ایرانی صدر مسعود پزشکیان نے کہا کہ ایران اور عراق کے درمیان تاریخی، مذہبی اور ثقافتی رشتے نہایت مضبوط ہیں، جبکہ خطے کا استحکام دونوں ممالک کی ترقی اور خوشحالی کے لیے ناگزیر ہے۔ خبر ایجنسی کے مطابق دورے کے اختتام پر منعقدہ دستخطی تقریب میں ایرانی اور عراقی وزراء نے مختلف تعاون کے معاہدوں کا تبادلہ بھی کیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار