بینک آف خیبر اسلام آباد ویمن لیگ انڈر۔ 19کے فائنل میں اسٹرائیکرکو شکست،تھنڈر چیمپئن بن گئی
اشاعت کی تاریخ: 7th, January 2026 GMT
data-id="863a0a8" data-element_type="widget" data-widget_type="theme-post-content.default">
اسلام آباد: بینک آف خیبر اسلام آباد ویمن لیگ انڈر 19 کاشاندار اورکامیاب اختتام کامسیٹس یونیورسٹی کرکٹ اسٹیڈیم، اسلام آباد میں منعقدہ سنسنی خیز فائنل میچ کے ساتھ ہوا، جہاں ”تھنڈر“ کی ٹیم نے ”اسٹرائیکر“ کو 29 رنز سے شکست دے کر چمپئن شپ ٹرافی اپنے نام کر لی۔
ٹورنامنٹ میں مجموعی طور پر 56کھلاڑیوں نے شرکت کی، جنہیں چار ٹیموں میں تقسیم کیا گیا۔ یہ ٹورنامنٹ پاکستان میں خواتین کی کرکٹ کے فروغ اور ٹیلنٹ کو سامنے لانے کا واضح ثبوت ہے۔
فائنل مقابلے میں کھلاڑیوں نے اعلیٰ مہارت، جذبے اور کھیل کے شاندار معیار کا مظاہرہ کیا، جو پاکستان میں خواتین کرکٹ کے روشن مستقبل کی عکاسی کرتا ہے۔ پہلے بیٹنگ کرتے ہوئے تھنڈر نے پانچ وکٹوں کے نقصان پر 105 رنز اسکور کیے تاہم ہدف کے تعاقب میں اسٹرائیکر کی ٹیم 76 رنز پر آؤٹ ہو گئی۔فاتح ٹیم نے پورے ٹورنامنٹ کے دوران مثالی ٹیم ورک، مستقل مزاجی اوربھرپور عزم کا مظاہرہ کیاجو ملک بھر کی نوجوان اور ابھرتی ہوئی خواتین کرکٹرز کے لیے ایک قابل تقلید مثال ہے۔
شاندار آل راؤنڈ کارکردگی پرروزینہ اکرم کوپلیئر آف دی میچ قرار دیا گیا۔ انہوں نے 30 گیندوں پر 30 رنزاسکور کیے اور 3.
بینک آف خیبر اسلام آباد ویمن لیگ انڈر 19 ایک نمایاں کامیابی ثابت ہوئی اور پاکستان میں خواتین کرکٹ کے فروغ اور ترقی کی جانب ایک اہم سنگِ میل قرار پائی۔ ٹورنامنٹ کا انعقاد(Cric19.com) کے زیر اہتمام کیا گیا جبکہ اس کے اسپانسرز میں بینک آف خیبر، قبیلہ اور لیک شور سٹی شامل تھے۔
فائنل کی تقریب میں خطاب کرتے ہوئے اسلام آباد ویمن لیگ کے چیف ایگزیکٹو آفیسرعلی ہیمانی نے ملک میں ویمن کرکٹ کے فروغ کے عزم کا اعادہ کیا اور کہا کہ،”ایک مضبوط مسابقتی پلیٹ فارم، پیشہ ورانہ نمائش اور مؤثر میڈیا کوریج فراہم کر کے، Cric19.com کا مقصد گراس روٹ لیول پر موجود ٹیلنٹ اور بہترین کرکٹ کے درمیان موجود خلا کو پُر کرنا ہے۔ یہ فائنل محض ایک ٹرافی جیتنے کا مقابلہ نہیں تھا بلکہ نوجوان لڑکیوں کو اعتماد، شناخت اور یہ یقین دلانے کی ایک کوشش تھی کہ وہ کرکٹ کے میدان میں بھی اپنا جائز مقام رکھتی ہیں۔ پاکستان میں ویمن کرکٹ کا بے پناہ ٹیلنٹ موجود ہے اور ہمارا مقصد اس صلاحیت کو نکھارنا اور اسے مزید آگے بڑھانا ہے۔“
انڈر۔19 ٹورنامنٹ کی کامیاب تکمیل کے بعد، سینئر ویمن لیگ شروع کرنے کی بھی منصوبہ بندی کی جاری ہے جس سے پاکستان میں خواتین کرکٹرز کے لیے ترقی کرنے اور آگے بڑھنے کے مواقع پیدا ہوں گے۔
ذریعہ
ذریعہ: Jasarat News
کلیدی لفظ: اسلام آباد ویمن لیگ پاکستان میں خواتین خواتین کرکٹ کرکٹ کے
پڑھیں:
مستونگ میں فتنہ الہندوستان کے 6 دہشتگرد مارے گئے، مرد و خواتین خودکش بمبار گرفتار
سیکیورٹی فورسز کی بلوچستان میں انٹیلیجنس بیسڈ مؤثر کارروائیاں جاری ہیں، مستونگ کے علاقہ کھڈ کوچہ میں فتنہ الہندوستان کے 6 دہشتگرد مارے گئے۔
سیکیورٹی فورسز کی کارروائی کے دوران متعدد دہشتگرد گرفتار کیے گئے، گرفتار دہشتگردوں میں سہولتکار سمیت مرد اور خواتین خودکش بمبار بھی شامل ہیں، کارروائی میں دہشتگردوں کےمتعدد ٹھکانے تباہ کر دیے گئے۔
علاقے میں سرچ اور کلیئرنس کارروائیاں جاری ہیں، سیکیورٹی فورسز کی جانب سے مکمل نگرانی برقرار ہے، دہشتگردوں کے ٹھکانوں سے بھاری مقدار میں اسلحہ، گولہ بارود برآمد کرلیا گیا ہے۔
سیکیورٹی ذرائع کا کہنا ہے کہ مستونگ کے علاقہ کھڈ کوچہ میں سیکیورٹی فورسز کی جانب سے انٹیلیجنس بیسڈ آپریشنز تیز کر دیے گئے، دہشت گردی کے خاتمے اور علاقے میں امن و امان کے قیام تک سیکیورٹی فورسز کی کارروائیاں جاری رہیں گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار