عاطف رانا نے شاہین آفریدی کو لاہور قلندرز کا بڑا لیڈر کہہ دیا
اشاعت کی تاریخ: 7th, January 2026 GMT
پاکستان سپر لیگ (پی ایس ایل) فرنچائز لاہور قلندرز کے چیف ایگزیکٹو آفیسر (سی ای او) عاطف رانا نے کہا ہے کہ شاہین شاہ آفریدی ہمارے سب سے بڑے لیڈر ہیں۔
تقریب سے خطاب میں عاطف رانا نے کہا کہ پرائم منسٹر یوتھ پروگرام کے تحت 28 شہروں میں ٹرائلز لیے گئے، ملک بھر سے مرد اور خواتین کرکٹرز کا انتخاب کیا، کرکٹرز کو قلندر ہائی پرفارمنس سنٹر میں ٹریننگ دی جائے گی۔
لاہور قلندرز کے سی ای او نے مزید کہا کہ لاہور سینٹر میں خصوصی ٹرائلز کرائے، شاہین آفریدی نے ان سے ملاقات کی ہے۔
اُن کا کہنا تھا کہ شاہین آفریدی نے ٹیلنٹ کی نشاندہی کی، جس پر ان کا شکریہ ادا کرتے ہیں کہ وہ نوجوان کرکٹرز سے ملنے کےلیے آئے۔
عاطف رانا نے یہ بھی کہا کہ شاہین آفریدی نے فیصلہ کرنا ہے کہ کس کھلاڑی کو لینا ہے، فاسٹ بولر ہمارے سب سے بڑے لیڈر ہیں، ہم ان کو سورسز دیں گے ٹیم بنانا شاہین کا کام ہے۔
.
ذریعہ
ذریعہ: Nawaiwaqt
کلیدی لفظ: شاہین ا فریدی
پڑھیں:
باپ اپنے نابالغ بچے کے نان و نفقہ کی ذمہ داری سے بری الذمہ نہیں ہو سکتا ،لاہور ہائیکورٹ
لاہور (اُردو پوائنٹ اخبارتازہ ترین - اے پی پی۔ 02 جون2026ء) لاہور ہائیکورٹ نے قرار دیا ہے کہ مالی مشکلات یا کسی نجی معاہدے کی بنیاد پر باپ اپنے نابالغ بچے کے نان و نفقہ کی ذمہ داری سے بری الذمہ نہیں ہو سکتا اور یہ ذمہ داری اسلامی تعلیمات کے مطابق مستقل اور قابل نفاذ فریضہ ہے۔جسٹس محسن اختر کیانی نے 15 صفحات پر مشتمل تفصیلی فیصلہ جاری کرتے ہوئے باپ اختر حسین اعوان کی درخواست خارج کر دی اور فیملی کورٹ و اپیلٹ کورٹ کے فیصلے برقرار رکھے۔عدالت نے قرار دیا کہ نابالغ بچے کا نان و نفقہ صرف قانونی نہیں بلکہ اخلاقی اور مذہبی ذمہ داری بھی ہے۔ غیر ادا شدہ نان و نفقہ باپ پر قرض تصور ہوگا جو وقت گزرنے سے ختم نہیں ہو سکتا۔فیصلے میں سور البقرہ، سور الطلاق اور متعدد احادیث نبوی کے حوالے دیتے ہوئے کہا گیا کہ معاہدے یا رضامندی کے ذریعے نابالغ بچے کے حقوق ختم نہیں کیے جا سکتے، خصوصا جب بچہ معذوری کی حالت میں ہو۔(جاری ہے)
درخواست گزار کا موقف تھا کہ 2005 میں فریقین کے درمیان ہونے والے رضامندی نامے کے تحت تاحیات خرچہ طے ہو چکا تھا اور ماضی کے نان و نفقہ کی وصولی قانونا چھ سال سے زائد مدت کے لیے نہیں کی جا سکتی۔عدالت نے ماضی کے نان و نفقہ سے متعلق اسلامی اصولوں کی روشنی میں نئی قانون سازی کی سفارش کرتے ہوئے فیصلے کی نقل لا اینڈ جسٹس کمیشن اور وزارت قانون و انصاف کو ارسال کرنے کا حکم بھی دیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ