پیپلز پارٹی شعبہ خواتین فرانس کے زیر اہتمام ذوالفقار علی بھٹو کی سالگرہ منائی گئی
اشاعت کی تاریخ: 7th, January 2026 GMT
پاکستان پیپلز پارٹی شعبہ خواتین فرانس کی صدر روحی بانو نے شہید ذوالفقار علی بھٹو کی 98ویں سالگرہ کی تقریب سے خطاب کرتے ہوئے کہا کہ آج دنیا بھر میں آباد اوورسیز پاکستانیوں کی شناخت، عزت اور قانونی حیثیت قائدِ عوام شہید ذوالفقار علی بھٹو کے دور اندیش ویژن کا نتیجہ ہے۔
انہوں نے کہا کہ بھٹو شہید نے پہلی بار پاکستانی عوام کو شناختی کارڈ کے ذریعے شناخت دی اور پاسپورٹ متعارف کروا کر بیرونِ ملک جانے کا باعزت حق دیا، جس کی بدولت آج پاکستانی دنیا کے ہر کونے میں پہچانے جاتے ہیں۔
روحی بانو نے کہا کہ شہید ذوالفقار علی بھٹو نے نہ صرف عوام کو بنیادی حقوق دیے بلکہ 1973ء کا متفقہ آئین دیا، مزدوروں، کسانوں اور خواتین کو آواز دی، اسلامی ممالک کو ایک پلیٹ فارم پر اکٹھا کیا اور پاکستان کے دفاع کو مضبوط بنانے کے لیے ایٹمی پروگرام کی بنیاد رکھی۔
شدید برف باری کے باوجود خواتین کارکنان کی بڑی تعداد تقریب میں شریک تھی۔ تقریب سے صحافی ناصرہ خان، جنرل سیکریٹری سارہ کرن، سینئر نائب صدر فردوس عاشق اور نائب صدر فرح کریم نے بھی خطاب کیا۔ بعدازاں سالگرہ کا کیک کاٹا گیا۔
.
ذریعہ
ذریعہ: Jang News
کلیدی لفظ: ذوالفقار علی بھٹو
پڑھیں:
لاہور میں ہونیوالی ’’شہید اُمت کانفرنس‘‘ میں ایک اور نشست کا اضافہ
ترجمان اتحاد اُمت فورم کے مطابق کانفرنس کے دوران ’’استقبال محرم‘‘ کے عنوان سے ایک نشست شامل کی گئی ہے، جس میں ملک بھر سے ماتمی سنگتوں کو دعوت دی گئی ہے، جو استقبال محرم کی اس نشست میں ماتم اور نوحہ خوانی کریں گے۔ اسلام ٹائمز۔ لاہور میں 13 جون کو مینار پاکستان گراؤنڈ میں ہونیوالی ’’شہید اُمت کانفرنس‘‘ میں ایک اور نشست کا اضافہ کر دیا گیا ہے۔ ترجمان اتحاد اُمت فورم کے مطابق کانفرنس کے دوران ’’استقبال محرم‘‘ کے عنوان سے ایک نشست شامل کی گئی ہے، جس میں ملک بھر سے ماتمی سنگتوں کو دعوت دی گئی ہے، جو استقبال محرم کی اس نشست میں ماتم اور نوحہ خوانی کریں گے۔ ترجمان کے مطابق ملک بھر سے معروف نوحہ خواں حضرات کو بھی خصوصی طور پر دعوت دی گئی ہے جبکہ ماتمی سنگتیں بھی دُختر رسولؑ کو پرسہ دیں گی۔
ترجمان کا کہنا تھا کہ اس حوالے سے باقاعدہ ایک کمیٹی تشکیل دی گئی ہے جو نوحہ خواں حضرات اور ماتمی انجمنوں کے سالاروں سے رابطے کر رہی ہے اور اس کے مثبت نتائج سامنے آ رہے ہیں۔ ترجمان کا مزید کہنا تھا کہ ماتمی سنگتوں کے سالاروں اور نوحہ خواں حضرات نے اظہار تشکر کیا ہے کہ انہیں بھی اس عظیم اجتماع میں شرکت کا موقع دیا جا رہا ہے۔ کانفرنس میں نوحہ خواں حضرات نوحہ خوانی کیساتھ شہیدِ امت آیت اللہ سید علی خامنہ ای کو بھی اپنے اپنے انداز میں خراج عقیدت پیش کریں گے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ