کراچی میں بھتا خوری کا منظم نیٹ ورک جیل سے چلانے کاانکشاف
اشاعت کی تاریخ: 8th, January 2026 GMT
data-id="863a0a8" data-element_type="widget" data-widget_type="theme-post-content.default">
260108-01-20
کراچی( اسٹاف رپورٹر ) سپیشل انویسٹی گیشن یونٹ (ایس آئی یو) نے شہر میں بھتا خوری کے منظم نیٹ ورک کے خلاف جاری کارروائی میں گرفتار ملزمان جواد عرف واجہ، شاہ زیب اور ریحان سے تفتیش مکمل کرلی ہے، جس میں اہم انکشافات سامنے آئے ہیں۔ایس
آئی یو ذرائع کے مطابق تفتیش میں معلوم ہوا ہے کہ یہ بھتا خوری کا نیٹ ورک 2022 سے فعال ہے اور مختلف علاقوں میں دکان داروں، تاجروں اور کاروباری شخصیات سے مالی مطالبات وصول کرنے کے لیے منظم طریقے سے کام کرتا رہا۔ملزمان کی جانب سے حاصل شدہ ابتدائی معلومات کے مطابق اس نیٹ ورک کی منصوبہ بندی جیل کے اندر سے کی گئی، جہاں گرفتار افراد اپنے ساتھیوں کے ساتھ رابطے میں رہ کر مختلف علاقوں میں بھتا خوری کی کارروائیاں کراتے رہے۔تفتیش کے دوران ملزمان نے کئی دیگر معاون افراد کی شناخت بھی کرائی، جن کے نام اور رہائش گاہیں پولیس نے محفوظ کرلی ہیں۔ ایس آئی یو کے مطابق جلد ان افراد کے خلاف بھی کارروائی عمل میں لائی جائے گی۔ایس آئی یو حکام کا کہنا ہے کہ گرفتار ملزمان کے اعترافات اور شواہد کی بنیاد پر مزید مقدمات درج کیے جائیں گے اور شہر میں بھتا خوری کے نیٹ ورک کو مکمل طور پر ختم کرنے کے لیے مسلسل کارروائیاں جاری رہیں گی۔پولیس نے عوام سے اپیل کی ہے کہ کسی بھی مشکوک شخص یا بھتا خوری کے معاملات کی اطلاع فوری طور پر متعلقہ تھانے یا ہیلپ لائن پر دیں تاکہ قانون نافذ کرنے والے ادارے بروقت کارروائی کر سکیں۔
ذریعہ
ذریعہ: Jasarat News
کلیدی لفظ: میں بھتا خوری ایس ا ئی یو نیٹ ورک
پڑھیں:
دیو ہیکل بحری جہاز "ایم ایس سی ڈیلیٹا” کراچی پورٹ پہنچ گیا
کراچی : دیو ہیکل بحری جہاز ‘ایم ایس سی ڈیلیٹا ‘ کراچی پورٹ پر لنگر انداز ہوگیا ، جو بندرگاہ کے عالمی معیار کے انفراسٹرکچر اور آپریشنل صلاحیت کا واضح ثبوت ہے۔تفصیلات کے مطابق دنیا کا دیو ہیکل کنٹینر بحری جہاز "ایم ایس سی ڈینلیٹا” کامیابی کے ساتھ کراچی پورٹ پہنچ گیا ہے اور کے پی ٹی کے مخصوص ٹرمینل پر لنگر انداز ہوگیا۔کراچی پورٹ ٹرسٹ نے بتایا کہ یہ بحری جہاز اپنی نوعیت اور حجم کے اعتبار سے انتہائی وسیع ہے، جو بندرگاہ کے عالمی معیار کے انفراسٹرکچر اور آپریشنل صلاحیت کا واضح ثبوت ہے۔کے پی ٹی کا کہنا تھا کہ 400 میٹر طویل اور 67 میٹر چوڑا یہ بحری جہاز 255,288 ڈیڈ ویٹ ٹن گنجائش رکھتا ہے، جو اسے دنیا کے بڑے تجارتی جہازوں میں شامل کرتا ہے۔ترجمان نے کہا کہ اتنے بڑے جہاز کی آمد اس بات کا مظہر ہے کہ کراچی پورٹ جدید سہولیات اور بڑے بحری جہازوں کو سنبھالنے کی مکمل صلاحیت رکھتی ہے۔ادارے کے مطابق ایسے بڑے جہازوں کی آمد سے بندرگاہ کی استعداد میں مزید اضافہ ہوگا، عالمی شپنگ کمپنیوں کا اعتماد مضبوط ہوگا اور پاکستان کی تجارتی سرگرمیوں کو بھی فروغ ملے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار