فیلڈ مارشل کا دورۂ لاہور گیریژن: جنگی تیاریوں کا جائزہ، قومی سلامتی و دفاع پر دوٹوک مؤقف
اشاعت کی تاریخ: 8th, January 2026 GMT
data-id="863a0a8" data-element_type="widget" data-widget_type="theme-post-content.default">
راولپنڈی: فیلڈ مارشل سید عاصم منیر نے لاہور گیریژن کا تفصیلی دورہ کیا جہاں انہوں نے پاک فوج کی آپریشنل تیاریوں، تربیتی معیار اور جنگی صلاحیت میں اضافے کے لیے کیے گئے اقدامات کا جامع جائزہ لیا۔
پاک فوج کے شعبہ تعلقات عامہ کے مطابق چیف آف آرمی اسٹاف و چیف آف ڈیفنس فورسز کو گیریژن میں موجود فارمیشنز کی مجموعی تیاریوں، جدید حکمتِ عملی اور تربیتی نظام پر بریفنگ دی گئی، جس میں موجودہ اور مستقبل کے سیکورٹی چیلنجز کے تناظر میں فوج کی پیشہ ورانہ استعداد پر روشنی ڈالی گئی۔
دورے کے دوران فیلڈ مارشل سید عاصم منیر نے جدید ٹیکنالوجی پر مبنی خصوصی فیلڈ ٹریننگ ایکسرسائز کا مشاہدہ بھی کیا۔ اس مشق میں پاک فوج کی جانب سے جدید جنگی تقاضوں سے ہم آہنگ ہونے، تیز رفتار فیصلوں، مشترکہ آپریشنز اور جدید آلات کے استعمال کو نمایاں کیا گیا۔
آرمی چیف نے اس موقع پر افسران اور جوانوں کی پیشہ ورانہ مہارت، نظم و ضبط اور جدید عسکری سوچ کو سراہتے ہوئے کہا کہ بدلتے ہوئے جنگی ماحول میں جدت اور اختراع ناگزیر ہو چکی ہے۔
فیلڈ مارشل نے گیریژن میں جوانوں کے لیے فراہم کی جانے والی کھیلوں اور تفریحی سہولیات کا بھی معائنہ کیا۔ انہوں نے اس بات پر زور دیا کہ جسمانی فٹنس، ذہنی سکون اور اعلیٰ مورال کسی بھی فوج کی مجموعی کارکردگی میں بنیادی کردار ادا کرتے ہیں۔ ان کا کہنا تھا کہ فوجی جوانوں کی فلاح و بہبود اور صحت مند سرگرمیوں کو یقینی بنانا کمانڈرز کی اولین ذمہ داری ہے تاکہ وہ ہر لمحہ قومی دفاع کے لیے تیار رہیں۔
لاہور کے دورے کے دوران آرمی چیف نے سی ایم ایچ لاہور میں قائم جدید ہائی کیئر سینٹر کا بھی دورہ کیا۔ انہوں نے اس طبی مرکز میں فراہم کی جانے والی جدید سہولیات، علاج کے اعلیٰ معیار اور طبی عملے کی خدمات کو سراہا۔ فیلڈ مارشل نے کہا کہ مسلح افواج کے اہلکاروں اور ان کے اہلِ خانہ کو بہترین طبی سہولیات فراہم کرنا ادارے کی ترجیحات میں شامل ہے۔
افسران سے خطاب کرتے ہوئے فیلڈ مارشل سید عاصم منیر نے قومی سلامتی کو لاحق کسی بھی خطرے کے خلاف پاک فوج کی زیرو ٹالرنس پالیسی کو دہرایا۔ انہوں نے واضح کیا کہ پاکستان کی مسلح افواج ملکی خودمختاری، علاقائی سالمیت اور داخلی استحکام کے تحفظ کے اپنے بنیادی مشن پر ثابت قدم ہیں۔
آرمی چیف کا کہنا تھا کہ پاک فوج تمام کثیرالجہتی چیلنجز کا مقابلہ مکمل پیشہ ورانہ مہارت، عزم اور یکسوئی کے ساتھ کرنے کے لیے پوری طرح تیار ہے۔ قبل ازیں لاہور گیریژن پہنچنے پر کمانڈر لاہور کور نے آرمی چیف کا پرتپاک استقبال کیا۔
.
ذریعہ
ذریعہ: Jasarat News
کلیدی لفظ: فیلڈ مارشل آرمی چیف انہوں نے پاک فوج فوج کی کے لیے
پڑھیں:
پی سی بی نے 27 -2026 کے ڈومیسٹک کرکٹ سیزن کا اعلان کردیا، ورلڈ کپ تیاریوں پر توجہ مرکوز
پاکستان کرکٹ بورڈ نے 2026-27 کے مردوں کے ڈومیسٹک کرکٹ سیزن کے شیڈول کا اعلان کر دیا ہے، جس کا آغاز 11 اگست 2026 سے ہوگا۔ نئے سیزن میں قومی ٹیم کی 2027 کے ون ڈے ورلڈ کپ کی تیاریوں کو خصوصی اہمیت دی گئی ہے، جس کے لیے آغاز میں ہی دو ایک روزہ ٹورنامنٹس رکھے گئے ہیں۔
پی سی بی کے مطابق ڈومیسٹک سیزن 11 اگست 2026 سے 15 جون 2027 تک جاری رہے گا، جس میں ایک روزہ، 4 روزہ، ٹی20، انڈر 19، انڈر 17 اور انڈر 15 مقابلوں سمیت مختلف سطحوں کے ٹورنامنٹس شامل ہوں گے۔
یہ بھی پڑھیں: پاکستان اور انگلینڈ کے مابین 5 ون ڈے میچوں کی سیریز کا شیڈول جاری
سیزن کا آغاز ملتان میں چار ٹیموں کے نیشنل چیمپئنز کپ سے ہوگا جو 11 سے 18 اگست تک کھیلا جائے گا، جس کے بعد کراچی میں 21 اگست سے 8 ستمبر تک آٹھ ٹیموں پر مشتمل صدر کپ گریڈ ون ایک روزہ ٹورنامنٹ ہوگا۔
پی سی بی نے بتایا کہ قائداعظم ٹرافی کو 2026-27 میں دو حصوں میں تقسیم کیا گیا ہے۔ قائداعظم ٹرافی گولڈ میں آٹھ ٹیمیں شامل ہوں گی، جبکہ سلور میں 12 ٹیمیں حصہ لیں گی۔ دونوں ٹورنامنٹس نومبر سے دسمبر تک جاری رہیں گے۔
PCB unveils Men's Domestic Cricket Calendar for season 2026-27 with ICC Cricket World Cup preparation in sharp focus
Details here ➡️ https://t.co/NodmLStn8E pic.twitter.com/70Xj9Hge15
— PCB Media (@TheRealPCBMedia) July 23, 2026
اس سیزن میں علاقائی کرکٹ کو مزید مضبوط بنانے کے لیے سیالکوٹ اور پشاور ریجنز کی ایک ایک اضافی ٹیم شامل کی گئی ہے، جس کے بعد قائداعظم ٹرافی اور نیشنل ٹی ٹوئنٹی کپ میں علاقائی ٹیموں کی تعداد 18 سے بڑھ کر 20 ہو جائے گی۔
یہ بھی پڑھیں: ڈومیسٹک کرکٹ سینٹرل کنٹریکٹ کے لیے لازمی قرار، سلیکشن کے لیے نئی پالیسیاں، محسن نقوی کے اہم اعلانات
پی سی بی کے مطابق پہلی بار انڈر 19 کھلاڑیوں کے لیے تین روزہ سرخ گیند کی چیمپئن شپ بھی منعقد کی جائے گی، جس میں تمام 16 ریجنز کی ٹیمیں حصہ لیں گی۔ اس کے علاوہ انڈر 19 ایک روزہ کپ، انڈر 15 ایک روزہ کپ اور انڈر 17 دو روزہ کپ بھی شیڈول کا حصہ ہوں گے۔
پی سی بی نے اسکول ٹیلنٹ ہنٹ پروگرام کو بھی وسعت دینے کا اعلان کیا ہے، جس کے تحت اسکولوں کی تعداد 450 سے بڑھا کر 1200 اور اضلاع کی تعداد 39 سے بڑھا کر 100 کر دی گئی ہے۔
یہ بھی پڑھیں: ملک میں ڈومیسٹک کرکٹ کی بہار کا آغاز 15 اگست سے ہوگا، کیلنڈر جاری
پی سی بی کے سینئر جنرل منیجر ڈومیسٹک کرکٹ آپریشنز اسامہ شارون نے کہا کہ نئے سیزن میں تمام 16 ریجنز کو فرسٹ کلاس کرکٹ کے مواقع فراہم کیے جائیں گے اور قومی ٹیم کی 2027 عالمی کپ کی تیاریوں کو مدنظر رکھتے ہوئے ڈومیسٹک مقابلوں کی منصوبہ بندی کی گئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پی سی بی ٹی20 انٹرنیشنل ڈومیسٹک کرکٹ ورلڈ کپ ون ڈے انٹرنیشن
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار