کراچی کے بعد اسلام آباد میں بھی کھلے گٹر نے معصوم جان نگل لی
اشاعت کی تاریخ: 8th, January 2026 GMT
کراچی کے بعد وفاقی دارالحکومت اسلام آباد میں بھی کھلے گٹر نے ایک اور معصوم جان لے لی۔
تھانہ ثمبل کی حدود میں واقع سیکٹر جی 12 میں افسوسناک واقعے میں 3 سالہ بچہ گٹر میں گر کر ڈوبنے سے جاں بحق ہو گیا۔
یہ بھی پڑھیں: کراچی میں گٹر میں گرنے والے 3 سالہ بچے کی لاش 14 گھنٹے بعد مل گئی
جاں بحق ہونے والے بچے کی شناخت نعمان ولی ولد خان ولی کے نام سے ہوئی ہے۔
کراچی کے بعد شہر اقتدار کے گٹر بھی بچوں کی دشمن بن گئے۔۔مہر آبادی میں بچہ کھلے مین ہول میں گر فوت ہوگیا۔۔۔ہر گلی محلے حتی کہ ریڈ زون۔۔۔بلیوایریا۔۔۔۔میریٹ کے قریب تک کے سینکڑوں گڑ کھلے ہیں جو روزانہ حادثات کا باعث ہیں#islamabad @CDAthecapital @MohsinnaqviC42 @ShabazSharif3 pic.
— Yasir Nazar awan (@YasirNazar77) January 7, 2026
پولیس کے مطابق بچہ گھر کے قریب موجود کھڑے پانی اور کھلے گٹر کے پاس کھیل رہا تھا کہ اچانک اس میں گر گیا، اور ڈوب کر جان کی بازی ہار گیا۔
واقعے کی اطلاع ملتے ہی پولیس موقع پر پہنچی اور لاش کو تحویل میں لے کر قانونی کارروائی کا آغاز کیا۔
مزید پڑھیں: کراچی کی خوش قسمت بچی جو گٹر سے زندہ واپس نکل آئی
ضروری قانونی تقاضے مکمل کرنے کے بعد بچے کی لاش ورثا کے حوالے کر دی گئی۔
افسوسناک واقعے کے بعد علاقے میں سوگ کی فضا ہے، جبکہ شہریوں نے انتظامیہ سے مطالبہ کیا ہے کہ کھلے گٹروں اور برساتی پانی کے مسئلے کا فوری حل نکالا جائے تاکہ مستقبل میں ایسے المناک واقعات سے بچا جا سکے۔
مزید پڑھیں: ’کراچی کو کس حال میں پہنچا دیا‘ گٹر میں گرنے والی خاتون کی ویڈیو وائرل
واضح رہے کہ حالیہ دنوں میں کراچی میں بھی کھلے گٹروں اور نالوں میں گرنے سے بچوں سمیت متعدد افراد جاں بحق ہو چکے ہیں۔
مختلف علاقوں میں بارشوں کے بعد گٹر کے ڈھکن غائب ہونے اور نالوں میں حفاظتی باڑ نہ ہونے کے باعث کئی افسوسناک واقعات رپورٹ ہوئے، جن پر عوامی سطح پر شدید ردِعمل سامنے آیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام اباد بچہ کراچی گٹر ہلاک
ذریعہ
ذریعہ: WE News
کلیدی لفظ: اسلام اباد بچہ کراچی گٹر ہلاک کھلے گٹر کے بعد
پڑھیں:
محسن نقوی کا نیشنل پولیس اکیڈمی اسلام آباد کا دورہ، ایم سی ایم سی کورس پر نظرثانی کی اصولی منظوری
(اویس کیانی)نیشنل پولیس اکیڈمی کے اپ گریڈیشن پراجیکٹ پر کام تیزی سے جاری ہے، ایلیٹ ٹریننگ سکول میں ریپلنگ ٹاور پر 80 فیصد، جاگنگ ٹریک اور آبسٹیکلز پر 70 فیصد کام مکمل کر لیا گیا۔
وفاقی وزیر داخلہ محسن نقوی نے نیشنل پولیس اکیڈمی اسلام آباد کا دورہ کیا۔
اس موقع پر وزیر داخلہ محسن نقوی کی زیر صدارت اپ گریڈیشن پراجیکٹ سے متعلق جائزہ اجلاس ہوا، جس میں نیشنل پولیس اکیڈمی کی اپ گریڈیشن کے سلسلے میں جاری منصوبوں پر پیش رفت کا جائزہ لیا گیا۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
نیشنل پولیس اکیڈمی کے اپ گریڈیشن پراجیکٹ پر کام تیز
ایلیٹ ٹریننگ سکول میں ریپلنگ ٹاور پر 80 فیصد،جاگنگ ٹریک اور آبسٹیکلز پر 70 فیصد کام مکمل
وفاقی وزیر داخلہ محسن نقوی کا نیشنل پولیس اکیڈمی کا دورہ، اپ گریڈیشن پراجیکٹ پر پیش رفت کا جائزہ لیا pic.twitter.com/PSzCboerya
اجلاس میں ایلیٹ سکول کی فائرنگ رینج اور باونڈری وال کو 2 ماہ میں مکمل کرنے کا ٹاسک دیا گیا۔
دوران اجلاس نیشنل پولیس اکیڈمی کو مرحلہ وار سولر انرجی پر منتقل کرنے کا فیصلہ کیا گیا، ایم سی ایم سی کورس پر نظرثانی کی اصولی منظوری دی گئی، تمام کلاس رومز کو جدید آئی ٹی سہولیات سے لیس کرنے کی ہدایت بھی کی گئی۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
ڈی جی ایف آئی اے، چیئرمین سی ڈی اے، آئی جی اسلام آباد پولیس، ڈپٹی کمانڈنٹ نیشنل پولیس اکیڈمی، ڈپٹی کمشنر اسلام آباد اور دیگر اعلیٰ افسران بھی اس موقع پر موجود تھے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ