مضبوط خواتین ہی مضبوط پنجاب کی ضمانت ہیں، مریم اورنگزیب
اشاعت کی تاریخ: 8th, January 2026 GMT
سٹی42: سینئر وزیر پنجاب مریم اورنگزیب نے ویمن انٹرپرینیور پنجاب ایکسپو سے خطاب کرتے ہوئے کہا ہے کہ خواتین کی معاشی خودمختاری اور سیکیورٹی وزیراعلیٰ پنجاب کی اولین ترجیح ہے جبکہ مضبوط اور بااختیار خواتین ہی مضبوط پنجاب کی ضمانت ہیں۔
مریم اورنگزیب نے ایکسپو میں شریک تمام خواتین کاروباری شخصیات کا شکریہ ادا کرتے ہوئے کہا کہ یہاں موجود 600 کاروبار صرف 600 خواتین نہیں بلکہ 600 گھرانے اور 600 معیشتیں ہیں۔ ان کا کہنا تھا کہ خواتین مختلف شہروں سے جذبے اور کمٹمنٹ کے ساتھ اپنے کاروبار شوکیس کر رہی ہیں اور یہی اس ایکسپو کی سب سے بڑی طاقت ہے۔
نیتن یاہو کی کرپشن کا کیس سننے والا جج ٹریفک حادثہ میں ہلاک
سینئر وزیر نے کہا کہ ویمن ڈویلپمنٹ ڈیپارٹمنٹ وزیراعلیٰ پنجاب کے وژن کا عملی مظہر ہے اور حکومت کا کردار محض نگران نہیں بلکہ سہولت کار ہونا چاہیے۔ ویمن انٹرپرینیور ایکسپو کے ذریعے خواتین کو عملی سہولیات فراہم کی جا رہی ہیں تاکہ وہ معاشی طور پر مستحکم ہو سکیں۔
انہوں نے بچی، بہن، بیٹی اور ماں کے لیے محفوظ پنجاب کے عزم کو دہراتے ہوئے بتایا کہ خواتین کے تحفظ کے لیے کیمروں، پینک بٹن سسٹم اور ای بس سسٹم جیسے منصوبے متعارف کرائے گئے ہیں، جبکہ ٹرانسپورٹ میں خواتین کے لیے علیحدہ کمپارٹمنٹس بھی فراہم کیے گئے ہیں۔ ہراسمنٹ کے خلاف زیرو ٹالرنس پالیسی پر عملدرآمد جاری ہے۔
بلوچستان تعلیمی بورڈ میں ایچ ایس ایس سی 2024 کے نتائج میں مبینہ ردوبدل کا انکشاف
مریم اورنگزیب نے بتایا کہ خواتین کی فلاح کے لیے صحت، تعلیم اور دیگر ترقیاتی منصوبوں پر کام ہو رہا ہے، جبکہ ورکنگ خواتین کے مسائل کے حل کے لیے ہاسٹلز تعمیر کیے جا رہے ہیں، جن میں سیف سٹی کے قریب ورکنگ ویمن ہاسٹل بھی شامل ہے۔
انہوں نے کہا کہ تعلیم، صحت اور انفراسٹرکچر منصوبوں کی نگرانی خواتین قیادت کر رہی ہے، جبکہ سکالرشپ اور لیپ ٹاپ پروگرامز میں خواتین کی بڑی تعداد شامل ہے۔ ڈی ایم پنجاب کی جانب سے مالی مشکلات کے باعث تعلیم سے محروم بچیوں کے لیے خصوصی سکالرشپ پروگرام شروع کیا گیا، جس میں وزیراعلیٰ کی ہدایت پر بچیوں کی تعداد لڑکوں سے زیادہ رکھی گئی ہے۔
پاک فضائیہ کے سربراہ کی سعودی عرب میں اعلیٰ سطح ملاقاتیں، دفاعی تعاون مزید مضبوط بنانے پر اتفاق
ذریعہ
ذریعہ: City 42
کلیدی لفظ: سٹی42 مریم اورنگزیب کہ خواتین پنجاب کی کے لیے
پڑھیں:
چیک ریپبلک میں فوجی ہیلی کاپٹر گر کر تباہ؛ ایک فوجی ہلاک اور 4 زخمی
چیک ریپبلک کے مشرقی حصے میں ایک فوجی ہیلی کاپٹر گر کر تباہ ہوگیا جس کے نتیجے میں ایک فوجی ہلاک جبکہ تین دیگر زخمی ہو گئے۔
عالمی خبر رساں ادارے کے مطابق چیک وزارتِ دفاع اور فوج کی جانب سے جاری بیان میں کہا گیا ہے کہ حادثہ بدھ کے روز نامیشت ناد اوسلاوو ایئر فورس بیس پر پیش آیا جو دارالحکومت پراگ سے تقریباً 180 کلومیٹر جنوب مشرق میں واقع ہے۔
حادثے کا شکار ہونے والا ہیلی کاپٹر UH-1Y Venom تھا، جس میں مجموعی طور پر 5 فوجی اہلکار سوار تھے۔ حادثے میں ایک اہلکار موقع پر ہی جان کی بازی ہار گیا جبکہ تین زخمیوں کو فوری طور پر قریبی اسپتال منتقل کیا گیا۔
مقامی میڈیا رپورٹس کے مطابق ہیلی کاپٹر معمول کی فوجی تربیتی سرگرمی کے سلسلے میں پرواز کر رہا تھا، تاہم حکام نے ابھی تک اس کی باضابطہ تصدیق نہیں کی۔ حادثے کی وجوہات جاننے کے لیے فوج نے خصوصی تحقیقاتی ٹیم تشکیل دیدی ہیں۔
چیک حکام کا کہنا ہے کہ اس بات کا جائزہ لے رہے ہیں، آیا حادثہ تکنیکی خرابی، موسمی حالات یا انسانی غلطی کے باعث پیش آیا۔ تحقیقات کے نتائج سے میڈیا کو آگاہ کیا جائے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار