دنیا کا پہلا روبوٹ فون جو دنگ کر دینے والا ہے
اشاعت کی تاریخ: 8th, January 2026 GMT
آپ نے متعدد اسمارٹ فونز دیکھے ہوں گے مگر ایسا نہیں جو ایک چینی کمپنی نے تیار کیا ہے۔
یہ درحقیقت کوئی عام اسمارٹ فون نہیں بلکہ بہت خاص ہے کیونکہ اسے دنیا کا پہلا روبوٹ فون قرار دیا گیا ہے۔
جی ہاں واقعی روبوٹ اسمارٹ فون جو فی الحال تو کانسیپٹ ڈیزائن ہے مگر آئندہ چند ہفتوں میں اس کا کمرشل ورژن متعارف کرایا جا رہا ہے۔
اس فون میں ایک منفرد گیمبل میکنزم موجود ہے۔
یعنی فکس رئیر کیمرے کی بجائے اس میں ایک ہاتھ چھپا ہے جو ڈیوائس کے بیک سے باہر نکلتا ہے۔
یہ ہاتھ پرائمری کیمرے کو 360 ڈگری میں تصاویر یا ویڈیو ریکارڈ کرنے میں مدد فراہم کرتا ہے۔
یعنی لائیو اسٹریمنگ یا کسی بھی جگہ کو ریکارڈ کرنے کے لیے بہترین ہے۔
یہ گیمبل میکنزم اس ہاتھ کو بائیں جانگ سے نکل کر دائیں جانب جاتا ہے۔
کمپنی کی جانب سے فون کی دیگر تفصیلات کو راز میں رکھا گیا ہے اور یہ معلوم نہیں کیمرا موڈیول میں کونسا سنسر استعمال کیا گیا ہے۔
البتہ یہ ضرور بتایا گیا کہ اس میں ایک اسٹار ٹریکنگ موڈ موجود ہے جبکہ اس کیمرے کو سیلفی لینے یا ویڈیو کالز کے لیے بھی استعمال کیا جاسکتا ہے۔
اس سے ہٹ کر بھی 2 کیمرے اس فون کے بیک پر موجود ہیں جن کو معمول کے اسمارٹ فونز کی طرح فوٹوز یا ویڈیوز کے لیے استعمال کیا جاسکتا ہے۔
اس کا کانسیپٹ ڈیزائن لاس ویگاس میں کنزیومر الیکٹرونکس شو کے موقع پر پیش کیا گیا جبکہ کمپنی کی جانب سے اس فون کو باضابطہ طور پر مارچ میں موبائل ورلڈ کانگریس کے موقع پر متعارف کرایا جائے گا۔
.
ذریعہ
ذریعہ: Daily Mumtaz
کلیدی لفظ: اسمارٹ فون
پڑھیں:
طلبہ اور بے روزگار نوجوانوں کو 50ہزار ای بائیکس ،5 ہزار ای ٹیکسیاں بلاسود دینے کا فیصلہ
لاہور (اُردو پوائنٹ اخبارتازہ ترین - این این آئی۔ 02 جون2026ء) پنجاب حکومت نے طلبہ اور بے روزگار نوجوانوں کے لیے ایک اہم اقدام کرتے ہوئے آئندہ مالی سال میں 50ہزار الیکٹرک بائیکس اور 5 ہزار الیکٹرک ٹیکسیاں بلاسود فراہم کرنے کا فیصلہ کیا ہے۔حکومتی ذرائع کے مطابق الیکٹرک بائیکس اور ای ٹیکسیوں کی بلاسود فراہمی کی تجویز کو آئندہ بجٹ میں شامل کرنے کی منظوری دے دی گئی ہے۔ اس اقدام کا مقصد نوجوانوں کو سستی اور ماحول دوست سفری سہولت فراہم کرنے کے ساتھ ساتھ روزگار کے نئے مواقع پیدا کرنا ہے۔وزیر ٹرانسپورٹ پنجاب بلال اکبر خان کے مطابق ای ٹیکسی اسکیم کے تحت مستحق افراد کو آسان اقساط اور بلاسود فنانسنگ کی سہولت فراہم کی جائے گی جبکہ رجسٹریشن سمیت مختلف مراعات بھی دی جائیں گی۔(جاری ہے)
انہوں نے کہا کہ حکومت نوجوانوں کو بااختیار بنانے اور انہیں معاشی سرگرمیوں میں شامل کرنے کے لیے عملی اقدامات کر رہی ہے۔
بلال اکبر خان کا کہنا تھا کہ اس منصوبے سے ہزاروں نوجوانوں کو روزگار کے بہتر مواقع میسر آئیں گے اور الیکٹرک ٹرانسپورٹ کے فروغ سے ماحولیاتی آلودگی میں کمی لانے میں بھی مدد ملے گی۔حکومت کی جانب سے اس اسکیم کی مزید تفصیلات اور اہلیت کے معیار آئندہ بجٹ اور پالیسی دستاویزات میں جاری کیے جانے کا امکان ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ