پنجاب نے اپنے حصے کے سالانہ 11 ارب روپے بلوچستان کو دیے، مجھے اس پر خوشی ہے، وزیراعظم شہباز شریف
اشاعت کی تاریخ: 8th, January 2026 GMT
وزیراعظم شہباز شریف نے کوئٹہ میں بلوچستان کے سیاسی رہنماؤں سے گفتگو کرتے ہوئے کہا کہ تمام مشکلات کے باوجود صوبائی حکومت عوام کی خدمت میں مصروف ہے جس پر میں وزیراعلیٰ اور یہاں کے سیاسی زعما کو مبارکباد پیش کرتا ہوں۔
ان کا کہنا تھا کہ خیبر پختونخوا کی طرح بلوچستان میں بھی دہشتگردی کے خلاف سیکیورٹی فورسز نے قربانیاں دیں، جب تک دہشتگردی کا خاتمہ نہیں ہوتا آرام سے نہیں بیٹھیں گے۔
یہ بھی پڑھیے: بلوچستان مہاجرین کے لیے ہمیشہ خوش آمدید کہنے والا صوبہ ہے، وزیراعظم شہباز شریف
انہوں نے پاک فوج کو خراج تحسین پیش کرتے ہوئے کہا کہ مئی میں فیلڈ مارشل عاصم منیر کی سربراہی میں افواج پاکستان نے انڈیا کو تاریخی سبق سکھایا جسے وہ ہمیشہ یاد رکھیں گے۔
وزیراعظم نے کہا کہ این ایف سی ایوارڈ ترتیب دیتے ہوئے اسلم رئیسانی کا مطالبہ تھا کہ ہمارے وسائل 100 فیصد بڑھائے جائیں ورنہ ہم اس پر دستخط نہیں کریں گے، ان کا مطالبہ جائز تھا اور اسے پورا کرنے کے لیے پنجاب نے سبقت لی اور اپنے حصے سے 11 ارب روپے سالانہ دیے، مجھے اس پر خوشی ہے، خاندان کی بات آتی ہے تو حصہ نہیں ہوتا، مل بیٹھ کر فیصلے ہوتے ہیں۔
یہ بھی پڑھیے: بلوچستان ضلعی انتظامیہ کو پولیس اختیارات دینے کا تنازعہ، حکومت سنبھال سکے گی؟
انہوں نے کہا کہ آج کراچی-چمن روڈ کا سنگ بنیاد رکھنے جا رہے ہیں جسے یہاں خونی روڈ کہا جاتا ہے، یہ 300 ارب روپے کا منصوبہ ہے جسے وفاق مکمل کر رہا ہے، اس سے 18 گھنٹے کا سفر 8 گھنٹے میں مکمل ہوگا اور پہلے کی طرح حادثے نہیں ہوں گے، اسی طرح بلوچستان میں ایک ساتھ 5 دانش اسکول بنا رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
این ایف سی ایوارڈ بلوچستان کوئٹہ وزیراعظم.
ذریعہ
ذریعہ: WE News
کلیدی لفظ: این ایف سی ایوارڈ بلوچستان کوئٹہ کہا کہ
پڑھیں:
سلمان خان بیان، بھارتی طلباء کے احتجاج پر دبنگ خان کی کھل کر حمایت
ممبئی: سلمان خان بیان ایک بار پھر سوشل میڈیا پر موضوعِ بحث بن گیا ہے۔ بالی ووڈ سپر اسٹار سلمان خان نے بھارت میں طلباء کے احتجاج پر ردعمل دیتے ہوئے کہا ہے کہ بہتر تعلیمی نظام کے لیے نوجوانوں کی آواز سنی جانی چاہیے اور اس معاملے کو سیاسی رنگ دینے سے گریز کیا جائے۔
سلمان خان نے اپنے سوشل میڈیا پلیٹ فارم ایکس پر جاری بیان میں کہا کہ ابتدا میں یہ ایک پرامن تحریک تھی، تاہم بعد میں اس کا پرتشدد رخ اختیار کرنا افسوسناک ہے۔ انہوں نے احتجاج کے دوران متاثر ہونے والے طلباء اور ان کے اہل خانہ سے ہمدردی کا اظہار بھی کیا۔
اداکار نے کہا کہ پیپر لیک جیسے معاملات انتہائی سنجیدہ نوعیت کے ہیں اور انہیں فوری توجہ کی ضرورت ہے۔ ان کے مطابق یہ خوش آئند بات ہے کہ طلباء بہتر تعلیمی نظام کے مطالبے کے لیے متحد ہوئے، جبکہ والدین نے بھی ان کی جدوجہد میں بھرپور ساتھ دیا۔
سلمان خان بیان میں مزید کہا گیا کہ طلباء نے اپنے عزم، محنت اور خلوص سے ثابت کیا ہے کہ وہ تعلیم حاصل کر کے ملک کے روشن مستقبل میں کردار ادا کرنا چاہتے ہیں۔ انہوں نے نوجوانوں کے جذبے، ہمت اور تعلیم سے وابستگی کو قابلِ تعریف قرار دیتے ہوئے کہا کہ یہی نسل مستقبل میں ملک کی ترقی میں اہم کردار ادا کرے گی۔
بالی ووڈ اسٹار نے زور دیا کہ طلباء کے مطالبات کو سیاسی تنازع نہ بنایا جائے کیونکہ یہ معاملہ براہِ راست تعلیمی نظام اور طلباء کے مستقبل سے جڑا ہوا ہے۔ انہوں نے امید ظاہر کی کہ حکومت بھی اس معاملے کا مثبت حل نکالے گی اور تعلیمی نظام کو مزید مضبوط بنانے کے لیے مؤثر اقدامات کرے گی۔
سلمان خان نے اپنے پیغام کے اختتام پر دعا کی کہ علم حاصل کرنے والے تمام طلباء اپنی منزل حاصل کریں اور ملک میں ایسا تعلیمی ماحول قائم ہو جہاں میرٹ، شفافیت اور انصاف کو اولین ترجیح دی جائے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار