یسین ملک کو رواں ماہ ہی پھانسی دیے جانے کا خدشہ ہے، مشعال ملک
اشاعت کی تاریخ: 8th, January 2026 GMT
مشعال ملک نے خدشہ ظاہر کیا ہے کہ بھارتی قید مین کشمیری رہنما یاسین ملک کو 28 جنوری کو پھانسی دی جاسکتی ہے، انہوں نے اپنے شوہر کی فوری رہائی کا مطالبہ کرتے ہوئے کہا کہ پاکستان کشمیر کے بغیر نامکمل ہے اور ان کی جدوجہد صرف اپنے شوہر کے لیے نہیں بلکہ لاکھوں شہدا کے لیے ہے۔
یہ بھی پڑھیں: یاسین ملک کے ساتھ 10 برس سے کوئی ملاقات نہیں ہوئی، مشعال ملک
راولپنڈی کے راجہ بازار میں باجوڑ پلازہ کے تاجروں سے خطاب کرتے ہوئے مشعال ملک نے کہا کہ کشمیر کی تحریک کوئی سیاسی جدوجہد نہیں بلکہ قربانی اور انسانیت کی تحریک ہے۔
انہوں نے کہا کہ ان کی جدوجہد ووٹ یا اقتدار کے لیے نہیں بلکہ حق و سچ کے لیے ہے اور اس وقت کشمیری اور فلسطینی دنیا کی سب سے بڑی حق و باطل کی جنگ لڑ رہے ہیں۔
مشعال ملک نے بھارتی وزیراعظم نریندر مودی کی حکومت پر مقبوضہ کشمیر میں شدید نسل کشی کے الزامات عائد کرتے ہوئے کہا کہ کشمیری ماؤں، بہنوں اور بیٹیوں کی عزت پامال کی گئی، لاکھوں افراد شہید ہو چکے ہیں جبکہ ہزاروں آج بھی لاپتہ ہیں اور دنیا خاموش تماشائی بنی ہوئی ہے۔
یہ بھی پڑھیں: یاسین ملک کی جیل میں طبیعت ناساز، بحفاظت رسائی دی جائے، مشعال ملک کا مطالبہ
انہوں نے کہا کہ مساجد کو مسمار کیا جا رہا ہے اور خاموشی ظلم کو مزید مضبوط کرتی ہے، اس لیے خوف کے بت توڑنا ہوں گے۔
انہوں نے مزید کہا کہ یاسین ملک کو گزشتہ ساڑھے 6 برس سے تنہائی میں قید رکھا گیا ہے، انہیں قانونی معاونت اور اہل خانہ سے ملاقات کی اجازت بھی نہیں دی جا رہی، جو انسانی حقوق کی سنگین خلاف ورزی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پھانسی حریت رہنما مشعال ملک یسین ملک.
ذریعہ
ذریعہ: WE News
کلیدی لفظ: پھانسی حریت رہنما مشعال ملک یسین ملک مشعال ملک یاسین ملک انہوں نے کہا کہ کے لیے
پڑھیں:
پنجاب کے وزیر تعلیم رانا سکندر حیات کا اسکولوں میں خود پڑھانے کا اعلان
لاہور : پنجاب کے وزیر تعلیم رانا سکندر حیات نے ٹیچر بننے کا اعلان کردیا۔رانا سکندر حیات نے ستمبر کے پہلے ہفتے سے انگلش اور کیمسٹری سمیت دیگر مضامین کی تدریس کا اعلان کیا۔انہوں نے کہا کہ لاہور میں ستمبر کے پہلے ہفتے سے کلاس کو پڑھاناشروع کروں گا، انگلش اور کیمسٹری میرے پسندیدہ مضمون ہیں لہٰذا ان ہی مضامین سے شروع کروں گا۔وزیر تعلیم نے کہنا ہےکہ پرائمری اسکولوں میں انگلش اور ہائی اسکولوں میں کیمسٹری سے آغاز کروں گا جب کہ انگلش اور کیمسٹری کے علاؤہ دیگرمضامین کی بھی تدریس کروں گا۔انہوں نے مزید کہا کہ ہر ہفتے کسی ایک اسکول میں بغیر پیشگی اطلاع پڑھانے جاؤں گا، اساتذہ کی عزت کرتا ہوں، استاد بن کر فخر محسوس کروں گا۔ان کا کہنا تھا کہ اس اقدام سے تعلیمی معیار کو جانچ کر تدریسی کمزوریاں دور کرنے میں مدد ملے گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار