شفاف انتخابات کیلئے حکومت کو ہر ممکن تعاون فراہم کیا جائے گا، نگران وزیر اطلاعات گلگت بلتستان
اشاعت کی تاریخ: 8th, January 2026 GMT
سکردو میں استقبالیہ تقریب سے خطاب کرتے ہوئے نگران وزیر غلام عباس نے کہا کہ علاقے کے مسائل سے بخوبی آگاہ ہیں اور ان کے حل کے لیے مؤثر کردار ادا کریں گے۔ اسلام ٹائمز۔ نگران صوبائی وزیر اطلاعات و انفارمیشن ٹیکنالوجی گلگت بلتستان غلام عباس کا سکردو پہنچنے پر علاقے کے عوام کی جانب سے پرتپاک استقبال کیا گیا۔ سکردو آمد پر شہریوں نے خوشی کا اظہار کرتے ہوئے نگران وزیر کو نئی ذمہ داریاں سنبھالنے پر مبارکباد پیش کی۔ اپنی رہائش گاہ پر منعقدہ استقبالیہ تقریب سے خطاب کرتے ہوئے نگران صوبائی وزیر اطلاعات نے کہا کہ شفاف، آزاد اور منصفانہ انتخابات کا انعقاد حکومت کی بنیادی ذمہ داری ہے، جس کے لیے الیکشن کمیشن کو ہر ممکن تعاون فراہم کیا جائے گا۔ انہوں نے کہا کہ وہ علاقے کے مسائل سے بخوبی آگاہ ہیں اور ان کے حل کے لیے مؤثر کردار ادا کریں گے۔ وزیر اطلاعات غلام عباس نے کہا کہ گلگت بلتستان میں آزاد، ذمہ دار اور باخبر میڈیا جمہوری عمل کا ایک اہم ستون ہے۔ انہوں نے اس عزم کا اظہار کیا کہ صوبے میں انفارمیشن ٹیکنالوجی کے فروغ، ڈیجیٹل سہولیات کی بہتری اور صحافیوں کو درپیش مسائل کے حل کے لیے مقامی صحافیوں کے ساتھ مل کر عملی اقدامات کیے جائیں گے۔ حکومت اور میڈیا کے درمیان مثبت اور تعمیری روابط کو فروغ دیا جائے گا تاکہ عوامی مسائل بروقت اجاگر ہوں اور ان کا مؤثر حل ممکن بنایا جا سکے۔ تقریب سے اسسٹنٹ ڈائریکٹر انفارمیشن ڈیپارٹمنٹ بلتستان ڈویژن کلثوم زہرا، سینئر صحافی اسحاق جلال اور دیگر مقررین نے بھی خطاب کیا۔
.
ذریعہ
ذریعہ: Islam Times
کلیدی لفظ: وزیر اطلاعات نے کہا کہ کے لیے
پڑھیں:
علی الزیدی کا ایران کا اہم دورہ، دوطرفہ تعلقات بڑھانے پر اتفاق
ایرانی صدر سے ملاقات میں عراقی وزیراعظم کا کہنا تھا کہ عراق اور ایران کی سلامتی ایک دوسرے سے جڑی ہوئی ہے اور عراق اپنی سرزمین ایران کے خلاف کسی بھی کارروائی کے لیے استعمال نہیں ہونے دے گا۔ اسلام ٹائمز۔ امریکا کے دورے کے بعد عراقی وزیراعظم علی الزیدی نے ایران کا اہم دورہ کیا، جہاں انہوں نے ایرانی صدر مسعود پزشکیان اور اعلیٰ ایرانی قیادت سے ملاقاتیں کیں۔خبر ایجنسی کے مطابق ایرانی صدر مسعود پزشکیان اور عراقی وزیراعظم کے درمیان ہونے والے مذاکرات میں دوطرفہ تعلقات، اقتصادی تعاون، توانائی، تجارت اور علاقائی سلامتی سمیت مختلف امور پر تفصیلی تبادلہ خیال کیا گیا۔ دونوں ممالک نے اقتصادی تعاون اور مشترکہ سرمایہ کاری کو فروغ دینے پر اتفاق کیا، جبکہ نقل و حمل اور شہری تعاون سے متعلق نئے معاہدے بھی طے پائے۔
عراقی وزیراعظم علی الزیدی نے اس موقع پر کہا کہ عراق اور ایران کی سلامتی ایک دوسرے سے جڑی ہوئی ہے اور عراق اپنی سرزمین ایران کے خلاف کسی بھی کارروائی کے لیے استعمال نہیں ہونے دے گا۔ ایرانی صدر مسعود پزشکیان نے کہا کہ ایران اور عراق کے درمیان تاریخی، مذہبی اور ثقافتی رشتے نہایت مضبوط ہیں، جبکہ خطے کا استحکام دونوں ممالک کی ترقی اور خوشحالی کے لیے ناگزیر ہے۔ خبر ایجنسی کے مطابق دورے کے اختتام پر منعقدہ دستخطی تقریب میں ایرانی اور عراقی وزراء نے مختلف تعاون کے معاہدوں کا تبادلہ بھی کیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار