بلوچستان میں سکیورٹی فورسز کا اہم آپریشن، دہشتگرد ساجد گرفتار
اشاعت کی تاریخ: 8th, January 2026 GMT
کوئٹہ:(نیوزڈیسک) بلوچستان میں سکیورٹی فورسز نے ایک اہم آپریشن کے دوران دہشتگرد ساجد احمد کو گرفتار کر لیا۔ ڈی آئی جی سی ٹی ڈی اعزاز گورایہ نے کوئٹہ میں ایڈیشنل چیف سیکرٹری داخلہ بلوچستان حمزہ شفقات کے ہمراہ پریس کانفرنس میں بتایا کہ گرفتار دہشتگرد ساجد احمد اسلام آباد کی ایک یونیورسٹی سے فارغ التحصیل ہے۔
ڈی آئی جی سی ٹی ڈی نے کہا کہ پنجگور میں سکیورٹی فورسز نے کارروائی کے دوران دہشتگرد کو گرفتار کیا۔وہ پنجگور سے تربت کی طرف بھاری مقدار میں اسلحہ منتقل کر رہا تھا اور سوشل میڈیا پر کالعدم تنظیموں کا مواد نشر کرنے میں مرکزی کردار ادا کر رہا تھا۔ انہوں نے بتایا کہ ساجد احمد یونیورسٹی آف تربت میں بھی پڑھاتا رہا اور اس کی بھابھی بھی بی وائے سی کی کارروائیوں میں ملوث تھی۔
ڈی آئی جی سی ٹی ڈی نے مزید بتایا کہ سی ٹی ڈی نے اس کے علاوہ مزید تین دہشتگردوں کو گرفتار کیا ہے جن میں خاران کا رہائشی 18 سالہ سر فراز، جہانزیب مہربان اور ایک دہشتگرد بیزل شامل ہیں۔
ایڈیشنل سیکرٹری داخلہ نے کہا کہ گزشتہ سال صوبے میں 730 سے زائد انسداد دہشتگردی آپریشنز کیے گئے۔ بلوچستان حکومت نے دہشتگردی کے خاتمے کے لیے نیا ادارہ قائم کیا ہے اور پورے صوبے میں پولیس کی مضبوط عملداری موجود ہے۔ ہر ضلع میں دہشتگردی کے خاتمے کے لیے ادارے کی شاخیں قائم کی جا رہی ہیں اور گزشتہ تین ماہ میں دہشتگردی کے واقعات میں نمایاں کمی دیکھی گئی ہے۔
ڈی آئی جی سی ٹی ڈی نے بتایا کہ بی وائے سی تاوان کا پیسہ طلبہ کے ذریعے منتقل کر رہی ہے اور دہشتگردی میں ملوث طلبہ کو بحالی مراکز میں منتقل کیا جا رہا ہے۔ وفاق اور بلوچستان حکومت سی ٹی ڈی کو مزید فعال بنانے کے لیے فنڈز فراہم کر رہی ہیں تاکہ انسداد دہشتگردی کے اقدامات مؤثر طریقے سے جاری رہیں۔
.
ذریعہ
ذریعہ: Daily Mumtaz
پڑھیں:
میرب علی سرجری کے بعد اسپتال منتقل، مداحوں سے صحت یابی کی دعاؤں کی اپیل
پاکستانی شوبز انڈسٹری کی معروف اداکارہ اور ماڈل میرب علی نے حال ہی میں اپنی صحت سے متعلق ایک اہم انکشاف کرتے ہوئے بتایا ہے کہ انہیں انگلی کے مسئلے کے باعث سرجری کروانا پڑی، جس کے بعد وہ اسپتال میں زیرِ علاج رہیں۔
میرب علی نے سوشل میڈیا پر مداحوں کو اپنی طبی صورتحال سے آگاہ کیا۔ اداکارہ کے مطابق ان کی ایک انگلی میں حرکت محدود ہو گئی تھی اور وہ بار بار لاک ہو جاتی تھی، جس کے باعث روزمرہ امور انجام دینا مشکل ہو رہا تھا۔
انہوں نے بتایا کہ ابتدائی طور پر ماہر امراضِ جوڑ (رہیومیٹولوجسٹ) اور نیورولوجسٹ نے انہیں صحت مند قرار دیا تھا، تاہم بعد ازاں آرتھوپیڈک سرجن نے مکمل معائنے کے بعد سرجری تجویز کی۔
میرب علی کے مطابق انہیں توقع تھی کہ یہ ایک معمولی اور مختصر نوعیت کا آپریشن ہوگا، لیکن سرجری ان کی توقع سے کہیں زیادہ پیچیدہ اور وقت طلب ثابت ہوئی۔ یہ آپریشن کراچی کے آغا خان یونیورسٹی اسپتال میں انجام دیا گیا، جہاں انہوں نے علاج کے دوران اپنی ایک ویڈیو بھی مداحوں کے ساتھ شیئر کی۔
View this post on Instagramاداکارہ نے بتایا کہ سرجری کے بعد اب وہ بتدریج صحت یاب ہو رہی ہیں، جبکہ ان کے دوستوں، ساتھی فنکاروں اور مداحوں کی جانب سے نیک خواہشات اور دعاؤں کا سلسلہ جاری ہے۔
شوبز شخصیات میں مایا خان، درفشاں سلیم، ثناء فہد اور رابعہ کلثوم سمیت متعدد فنکاروں نے میرب علی کی جلد صحت یابی کے لیے دعا کی۔ سوشل میڈیا صارفین نے بھی اداکارہ کو آرام کرنے اور موبائل فون کے زیادہ استعمال سے گریز کرنے کا مشورہ دیا تاکہ انگلی پر مزید دباؤ نہ پڑے۔
بعض مداحوں کا کہنا تھا کہ اس نوعیت کی طبی شکایت بعض اوقات کھیلوں یا ہاتھوں کے مسلسل استعمال کے باعث بھی پیدا ہو سکتی ہے۔ اداکارہ کی جانب سے صحت سے متعلق یہ انکشاف سامنے آنے کے بعد مداح ان کی جلد مکمل صحت یابی کے لیے نیک تمناؤں کا اظہار کر رہے ہیں۔
وزارت آئی ٹی نے 1.67 ارب روپے سے زاید کے فنڈز طلب کرلیے