بلوچستان: پنجگور میں دہشت گرد ساجد گرفتار، کالعدم تنظیموں سے تعلق کا انکشاف
اشاعت کی تاریخ: 8th, January 2026 GMT
data-id="863a0a8" data-element_type="widget" data-widget_type="theme-post-content.default">
پنجگور: بلوچستان کے ضلع پنجگور میں قانون نافذ کرنے والے اداروں نے آپریشن کے دوران ایک اعلیٰ تعلیم یافتہ مبینہ دہشت گرد ساجد کو گرفتار کر لیا ہے۔
ایڈیشنل چیف سیکرٹری بلوچستان اور ڈی آئی جی سی ٹی ڈی نے پریس کانفرنس میں بتایا کہ ساجد بلوچستان لبریشن فرنٹ (بی ایل ایف) اور بلوچستان لبریشن آرمی (بی ایل اے) کے لیے ریکی کرتا رہا تھا اور پنجگور سے تربت کی طرف بھاری مقدار میں اسلحہ منتقل کر رہا تھا۔
انہوں نے مزید بتایا کہ ساجد سوشل میڈیا پر کالعدم تنظیموں کا مواد نشر کرنے میں بھی مرکزی کردار ادا کر رہا تھا اور یونیورسٹی آف تربت میں تدریس کے فرائض بھی سر انجام دیتا رہا۔
ایڈیشنل چیف سیکرٹری بلوچستان کے مطابق ساجد احمد بلوچ یکجہتی کونسل (بی وائی سی) کی لیڈر شپ سے بھی رابطے میں تھا، جس کے ذریعے دہشت گرد تنظیموں کے شہری اور انٹیلی جنس نیٹ ورک کا تعلق قائم ہوا۔
ایڈیشنل چیف سیکرٹری نے یہ بھی بتایا کہ حالیہ دنوں میں تین اور نوجوانوں کو گرفتار کیا گیا ہے، جو دہشت گردانہ کارروائیوں میں ملوث تھے اور بچوں کو دہشت گردانہ سرگرمیوں میں شامل کرنے کے لیے انہیں ورغلا رہے تھے۔
حکام کا کہنا ہے کہ یہ کارروائیاں ایک منظم منصوبے کے تحت کی جا رہی ہیں تاکہ بلوچستان میں دہشت گردی کو فروغ دیا جا سکے۔
ذریعہ
ذریعہ: Jasarat News
پڑھیں:
بلوچستان میں انٹیلی جنس بیسڈ آپریشنز، 17 دہشتگرد ہلاک
سٹی 42: بلوچستان میں انٹیلی جنس بیسڈ آپریشنز، 17 دہشتگرد ہلاک ہوئے ۔
آئی ایس پی آر کے مطابق سیکیورٹی فورسز کے مستونگ، نوشکی، ژوب، خضدار اور کیچ میں آپریشنز کیے گئے ۔ شدید فائرنگ کے تبادلے میں 17 دہشتگرد مارے گئے،
ہلاک دہشتگردوں کا تعلق فتنہ الہندوستان سے تھا، دہشتگردوں کے ٹھکانوں کو مؤثر کارروائی میں نشانہ بنایا گیا۔ہلاک دہشتگرد متعدد دہشتگرد کارروائیوں میں ملوث تھے،دہشتگردوں سے اسلحہ، گولہ بارود اور بڑی تعداد میں دھماکا خیز مواد برآمد ہوا۔ تیار شدہ آئی ای ڈیز بھی دہشتگردوں سے برآمد کر لی گئیں۔علاقوں میں کلیئرنس آپریشنز جاری کییے ۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
آئی ایس پی آر کے مطابق عزمِ استحکام کے تحت انسداد دہشتگردی مہم پوری قوت سے جاری رہے گی،ملک سے بیرونی سرپرستی میں ہونے والی دہشتگردی کا خاتمہ کیا جائے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ