جنرل فیض نے مجھے دانستہ طور پر ٹارگٹ کیا، رانا مشہود کا انکشاف
اشاعت کی تاریخ: 9th, January 2026 GMT
چیئرمین پرائم منسٹر یوتھ پروگرام رانا مشہود احمد خان نے کہا ہے کہ انہیں ماضی میں دانستہ طور پر ٹارگٹ کیا گیا اور ان کے خلاف جھوٹے مقدمات بنائے گئے۔
تاہم ہائیکورٹس اور دیگر عدالتوں میں کوئی بھی ثبوت پیش نہ کیا جا سکا، جس کے بعد انہیں کلین چٹ ملی۔
میڈیا سے گفتگو کرتے ہوئے رانا مشہود کا کہنا تھا کہ جب وہ نوجوانوں کے لیے عملی بنیادوں پر یوتھ انیشی ایٹو پروگرامز پر کام کر رہے تھے تو بعض عناصر کو یہ سرگرمیاں پسند نہیں آئیں۔
یہ بھی پڑھیں: فیض حمید ریٹائرمنٹ کے بعد عمران خان کے سیاسی مشیر رہے، عطا تارڑ کا دعویٰ
’ہم نوجوانوں کو نعرے نہیں بلکہ گراس روٹ لیول پر جا کر انگیج کر رہے تھے، یہی وجہ تھی کہ جنرل فیض کے ساتھ مل کر مجھے ٹارگٹ کیا گیا۔‘
انہوں نے کہا کہ ان کے خلاف بنائے گئے تمام مقدمات اسی دور میں ختم ہو گئے کیونکہ عدالتوں نے جب شواہد طلب کیے تو استغاثہ کوئی ثبوت پیش کرنے میں ناکام رہا۔
’میں اب اسے مکافاتِ عمل سمجھتا ہوں، جن لوگوں نے دوسروں کی زندگیاں خراب کرنے کی کوشش کی، آج وہ خود انجام کا سامنا کر رہے ہیں۔‘
مزید پڑھیں: فیض حمید لوگوں کو سرد خانے میں لاشوں کے ساتھ قید کرتے تھے، جاوید چوہدری کے چونکا دینے والے انکشافات
رانا مشہود نے کہا کہ اس وقت میڈیا پر بعض کرداروں کو غیر معمولی پرائم ٹائم دیا گیا، مگر آج وہ سب کہاں ہیں؟
’جب نیب سے مجھے کلین چٹ ملی تو میں نے اپنی لیگل ٹیم سے واضح کہا کہ اب میں ازالے کے لیے عدالت جاؤں گا۔‘
انہوں نے انکشاف کیا کہ ان پر نہیں بلکہ ان کی فیملی پر بھی شدید دباؤ اور ٹارگٹنگ کی گئی۔
مزید پڑھیں: عمران خان نہیں بچیں گے، وہ فیض حمید کے ساتھ تھے، سینیئر صحافی طلعت حسین
’میں نے کبھی ان باتوں کو عوام کے سامنے نہیں رکھا، ہم رونے والے نہیں، سامنا کرنے والے لوگ ہیں، مگر میری فیملی نے بہت کچھ برداشت کیا۔‘
رانا مشہود کا کہنا تھا کہ انہوں نے پہلے دن ہی کہا تھا کہ وہ اس دنیا کی عدالتوں میں بھی اور اللہ کی عدالت میں بھی حساب دیں گے۔
’میں نے پوری زندگی صاف نیت سے اور ایمانداری سے کام کیا ہے، اب مقدمہ اللہ کی عدالت میں تو ہے ہی، مگر پاکستان کی عدالتوں میں بھی میں انصاف کے لیے جا رہا ہوں۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جنرل فیض حمید رانا مشہود کلین چٹ نیب.
ذریعہ
ذریعہ: WE News
کلیدی لفظ: جنرل فیض حمید رانا مشہود کلین چٹ رانا مشہود فیض حمید کے لیے
پڑھیں:
جدہ قونصل خانے میں اہم انتظامی تبدیلی، فرینہ ارشد نے ڈپٹی قونصل جنرل کا عہدہ سنبھال لیا
جدہ قونصل خانے میں اہم انتظامی تبدیلی، فرینہ ارشد نے ڈپٹی قونصل جنرل کا عہدہ سنبھال لیا WhatsAppFacebookX 0 23 July, 2026 سب نیوز
جد ہ (خالد نواز چیمہ )قونصل خانہ جنرل پاکستان، جدہ میں ڈپٹی قونصل جنرل کے عہدے پر اہم انتظامی تبدیلی عمل میں آ گئی ہے۔ وزارتِ خارجہ پاکستان کی جانب سے محترمہ فرینہ ارشد کو ڈپٹی قونصل جنرل، جدہ تعینات کیا گیا ہے، جنہوں نے اپنی ذمہ داریاں باقاعدہ طور پر سنبھال لی ہیں۔
محترمہ فرینہ ارشد ایک سینئر اور تجربہ کار کیریئر سفارت کار ہیں، جنہیں سفارتی خدمات کا پندرہ سال سے زائد کا وسیع تجربہ حاصل ہے۔ اپنے پیشہ ورانہ کیریئر کے دوران وہ مختلف اہم سفارتی اور انتظامی ذمہ داریوں پر خدمات انجام دے چکی ہیں اور اپنی صلاحیتوں کے باعث وزارتِ خارجہ کے ممتاز افسران میں شمار ہوتی ہیں۔
قونصل خانہ جنرل پاکستان، جدہ کی جانب سے محترمہ فرینہ ارشد کا خیرمقدم کرتے ہوئے ان کے لیے نیک تمناں کا اظہار کیا گیا ہے۔ قونصل خانے نے امید ظاہر کی ہے کہ وہ اپنی پیشہ ورانہ مہارت، تجربے اور قائدانہ صلاحیتوں کو بروئے کار لاتے ہوئے پاکستانی کمیونٹی کو فراہم کی جانے والی قونصلر خدمات کو مزید مثر، تیز رفتار اور عوام دوست بنانے کے ساتھ ساتھ پاکستان اور سعودی عرب کے درمیان دوطرفہ تعلقات کے فروغ میں بھی اہم کردار ادا کریں گی۔
دوسری جانب، سابق ڈپٹی قونصل جنرل محترمہ سعدیہ وقار النسا کو فوری طور پر پاکستان واپس رپورٹ کرنے کی ہدایت جاری کر دی گئی ہے۔ انہوں نے اپنے دورِ تعیناتی کے دوران پاکستانی کمیونٹی کی خدمت، قونصلر امور اور عوامی مسائل کے حل کے لیے قابلِ قدر خدمات انجام دیں، جنہیں کمیونٹی کی جانب سے سراہا گیا۔
واضح رہے کہ قونصل خانہ جنرل پاکستان، جدہ میں ڈپٹی قونصل جنرل کا منصب انتہائی اہمیت کا حامل ہے۔ اس عہدے پر تعینات افسر سعودی عرب کے مغربی ریجن میں مقیم لاکھوں پاکستانیوں کو قونصلر خدمات کی فراہمی، کمیونٹی ویلفیئر، عوامی رابطوں اور پاکستان و سعودی عرب کے برادرانہ تعلقات کے استحکام میں کلیدی کردار ادا کرتا ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookX پچھلی خبرمقبوضہ کشمیر میں 1989 سے اب تک 96 ہزار 499 شہادتیں، ایک لاکھ 84 ہزار سے زائد گرفتاریاں: رپورٹ اگلی خبرامریکا کی جانب سے ایران پر بمباری کیلئے برطانوی ائیربیس کا استعمال، پاسداران انقلاب کی برطانیہ کو سخت ردعمل کی دھمکی پاکستان میں اسمارٹ فون کا استعمال 62 سے بڑھ کر 72 فیصد تک پہنچ گیا، وزیراعظم کو بریفنگ پاکستان کو درپیش خطرات کا باعث بننے والے دہشتگردوں اور ان کے سہولتکاروں کا ہر قیمت پر خاتمہ کیا جائے گا، فیلڈ مارشل سید... صدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کیساتھ بھاری قیمت چکانا ہوگی: مارکو روبیو کا انتباہ ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا آزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع امریکا کی جانب سے ایران پر بمباری کیلئے برطانوی ائیربیس کا استعمال، پاسداران انقلاب کی برطانیہ کو سخت ردعمل کی دھمکیCopyright © 2026, All Rights Reserved
رابطہ کریں ہماری ٹیم
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار