حسینہ واجد حکومت میں ریاستی تشدد، سابق آرمی چیف ضیاءالاحسن کیخلاف گواہی دیں گے
اشاعت کی تاریخ: 9th, January 2026 GMT
بین الاقوامی جرائم کی عدالت میں سابق میجر جنرل ضیا الاحسن کے خلاف مقدمے میں سابق آرمی چیف اقبال کریم بھوئیاں اپنی گواہی دیں گے۔ یہ مقدمہ آوا می لیگ حکومت کے دور میں سو سے زائد افراد کی لاپتہ ہونے اور قتل کے واقعات سے متعلق ہے۔
یہ بھی پڑھیں:حسینہ واجد کے انتقام کا نشانہ بننے والے افسران کو فراہمی انصاف کا فیصلہ
ڈھاکہ ٹریبیون کے مطابق چیف پراسیکیوٹر محمد تاج الاسلام نے بتایا کہ اقبال کریم بھوئیاں اپنی گواہی آئندہ سماعت میں پیش کریں گے۔ اس موقع پر پراسیکیوٹر شیخ مہدی نے بھی عدالت کے سامنے سابق گواہ کے بیان کے اہم نکات پیش کیے جو پہلے انویسٹی گیشن آفیسر کو دیے گئے تھے۔
ضیاالاحسن کی نمائندگی کرنے والے سینیئر وکلاء منصور الحق چوہدری اور نازنین نہار نے عدالت میں 3 الزامات کو قانونی چیلنج دیا اور کہا کہ مقدمے میں ثبوت معتبر نہیں ہیں، اس لیے ان کے مؤکل کو مقدمے سے خارج کیا جائے۔
عدالت نے فریقین کی دلائل سننے کے بعد 14 جنوری کو فیصلہ سنانے کی تاریخ مقرر کی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اقبال کریم بھوئیاں بنگلہ دیش حسینہ واجد سابق آرمی چیف میجر جنرل ضیا الاحسن.
ذریعہ
ذریعہ: WE News
کلیدی لفظ: اقبال کریم بھوئیاں بنگلہ دیش حسینہ واجد سابق ا رمی چیف میجر جنرل ضیا الاحسن
پڑھیں:
گورنرخیبرپختونخوا فیصل کریم کنڈی کی وفاقی وزیر صحت مصطفیٰ کمال سے ملاقات، دینار ہسپتال ڈی آئی خان کیلئے ریڈیالوجی مشینری اور طبی آلات کی فراہمی پر تبادلہ خیال
اسلام آباد (اُردو پوائنٹ اخبارتازہ ترین - اے پی پی۔ 02 جون2026ء) گورنر خیبرپختونخوا فیصل کریم کنڈی نے وفاقی وزیر صحت مصطفیٰ کمال سے اسلام آباد میں ملاقات کی۔ منگل کو گورنر آفس سے جاری بیان کے مطابق ملاقات میں ڈی آئی خان کے دینار ہسپتال کے لیے ریڈیالوجی مشینری اور طبی آلات کی فراہمی پر تبادلہ خیال کیا گیا۔(جاری ہے)
اس موقع پر گورنر نے کہا کہ جنوبی اضلاع کے کینسر کے مریضوں کو شدید مشکلات کاسامنا ہے، وفاق طبی آلات کی فراہمی میں تعاون کرے جس پر وفاقی وزیر صحت مصطفیٰ کمال نے دینار ہسپتال کے لیے ضروری مشینری اور طبی آلات کی فراہمی کی یقین دہانی کرائی۔
گورنر نے کہا کہ وفاق صحت کے شعبے میں خیبرپختونخوا کے پسماندہ اور متاثرہ علاقوں پر خصوصی توجہ دے، دینار ہسپتال میں جدید طبی سہولیات کی فراہمی سے جنوبی اضلاع کے مریضوں کو ریلیف ملے گا۔ وفاقی وزیر مصطفیٰ کمال نے کہا کہ خیبر پختونخوا میں صحت کی سہولیات کی بہتری کے لیے ہرممکن تعاون کریں گے۔ ملاقات میں وفاق اور خیبرپختونخوا کے درمیان صحت کے شعبے میں تعاون مزید بڑھانے پر بھی اتفاق ہوا۔ خیبرپختونخوا اسمبلی میں پاکستان پیپلز پارٹی کے پارلیمانی لیڈر احمد کریم کنڈی بھی اس موقع پر موجود تھے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ