دنیا نے پاکستان کی مضبوط سفارتی پالیسی اور عالمی کردار کو مان لیا، عالمی جریدہ
اشاعت کی تاریخ: 9th, January 2026 GMT
عالمی سطح پر پاکستان کی مضبوط سفارتی پالیسی اور بڑھتے ہوئے عالمی کردار کو سراہا جا رہا ہے۔
پاکستان نے بیک وقت امریکا کے ساتھ تعمیری تعلقات اور چین کے ساتھ اسٹریٹجک روابط کو متوازن انداز میں برقرار رکھتے ہوئے یہ ظاہر کیا ہے کہ یہ ایک ذمہ دار ریاست ہے۔
بین الاقوامی کرنٹ افیئرز کے رسالہ The Diplomat کے مطابق مؤثر سفارتکاری کی بدولت پاکستان خطے میں مرکز توجہ بن چکا ہے۔
رپورٹ میں کہا گیا ہے کہ چین نے پاکستان کے بڑھتے ہوئے اثر و رسوخ اور مؤثر سفارتکاری کو خصوصی طور پر سراہا ہے۔
چین کا مؤقف: پاکستان اہم عالمی اور خطے کا کھلاڑیThe Diplomat کے مطابق چین پاکستان کو ایک اقتصادی طور پر مضبوط ملک کے طور پر دیکھتا ہے جو اپنی سرحدوں سے باہر بھی مؤثر کردار ادا کر رہا ہے۔
چین کے مطابق پاکستان کا عالمی اور خطے کے امور میں اہم کردار ہے اور وہ اسے ایسے عہدوں کے لیے موزوں قرار دیتا ہے جیسے کہ اقوام متحدہ کی سلامتی کونسل کی رکنیت اور شنگھائی کوآپریشن آرگنائزیشن (SCO) کی صدارت۔
چین کے ساتھ اسٹریٹجک شراکت داری کی اہمیترپورٹ میں مزید کہا گیا ہے کہ پاکستان چین کے ساتھ متعدد شعبوں میں اسٹریٹجک شراکت داری کو بھی بڑی اہمیت دیتا ہے، جس سے دونوں ممالک کے تعلقات مزید مستحکم ہوئے ہیں۔
پاکستان کی متوازن اور مؤثر سفارتی پالیسی نے اسے عالمی سطح پر ذمہ دار اور اثر و رسوخ رکھنے والا ملک ثابت کیا ہے، جسے نہ صرف خطے میں بلکہ عالمی اداروں میں بھی اہم کردار کے لیے سراہا جا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.
ذریعہ
ذریعہ: WE News
پڑھیں:
کاوا مینز والی بال چیمپئن شپ: قومی ٹیم نے دوسرے روز بنگلا دیش کو شکست دے دی
کاوا مینز والی بال چیمپئن شپ کے دوسرے روز بھی پاکستان کا جادو سر چڑھ کر بولا، قومی ٹیم نے بنگلادیش کو کسی بھی مرحلے پر سنبھلنے کا موقع نہ دیا اور مسلسل تین سیٹ جیت کر 0-3 سے شاندار فتح اپنے نام کر لی۔
پاکستان نے آغاز سے ہی جارحانہ کھیل پیش کرتے ہوئے پہلا سیٹ 16-25 سے جیتا، دوسرے سیٹ میں بھی سبز ہلالی پرچم بلند رکھا اور 17-25 سے کامیابی سمیٹی۔
تیسرے سیٹ میں بنگلادیش نے بھرپور مزاحمت کی، مگر پاکستانی کھلاڑیوں نے اعتماد اور مہارت کا شاندار مظاہرہ کرتے ہوئے 22-25 سے فتح حاصل کی اور میچ بغیر کوئی سیٹ گنوائے تین صفر سے اپنے نام کر لیا۔
قومی ٹیم کی یہ مسلسل دوسری فتح کاوا چیمپئن شپ میں پاکستان کے مضبوط عزائم کا واضح اعلان ہے جبکہ شاندار کارکردگی نے ٹائٹل کی دوڑ میں پاکستان کو مزید مضبوط امیدوار بنا دیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار