پنجاب میں چینی کی قیمتیں بڑھنے کا خدشہ
اشاعت کی تاریخ: 9th, January 2026 GMT
پنجاب حکومت کی جانب سے شوگر سیس نافذ کرنے کے بعد صوبے میں چینی کی قیمت بڑھنے کا خدشہ ہے۔
ذرائع کے مطابق پنجاب حکومت نے 40 کلو چینی پر 5 روپے شوگر سیس نافذ کیا ہے۔
ذرائع نے بتایا کہ ڈھائی روپے سیس شوگر مل اور ڈھائی روپے کسان ادا کریں گے، یکم جنوری سے شوگر سیس کے نفاذ سے اوپن مارکیٹ میں چینی کی قیمتیں بڑھنے کا خدشہ ہے، اکبری منڈی میں چینی کا 50 کلو کا تھیلا 7 ہزار 500 روپے کا ہوگیا، چینی کے تھیلے کا ایکس مل ریٹ 6 ہزار750 ہے۔
ذرائع کے مطابق چینی کا ایکس مل ریٹ 135روپے فی کلو ہے جبکہ اوپن مارکیٹ میں چینی کی فی کلو قیمت 160روپے ہے، اوپن مارکیٹ میں چینی کی قیمت 10روپے بڑھا دی گئی ہے، چینی کی قیمت 150روپے ہونی چاہیے تھی۔
کریانہ مرچنٹ ایسوسی ایشن کے مطابق چینی عام دکانوں پر 150روپے پڑتی ہے اور چینی وافر مقدار میں مارکیٹ میں موجود ہے۔
.
ذریعہ
ذریعہ: Daily Mumtaz
کلیدی لفظ: میں چینی کی قیمت مارکیٹ میں
پڑھیں:
پٹرولیم مصنوعات کی قیمتوں میں مسلسل چوتھے روز اضافہ
پٹرولیم ڈویژن کی جانب سے جاری نوٹیفکیشن کے مطابق پٹرول کی قیمت میں 4 روپے 40 پیسے فی لٹر اضافہ کیا گیا اور ہائی سپیڈ ڈیزل کی قیمت میں 3 روپے 62 پیسے فی لٹر اضافہ کیا گیا ہے۔ اسلام ٹائمز۔ حکومت کی جانب سے پٹرولیم مصنوعات کی نئی قیمتوں کا اعلان کردیا گیا۔ پٹرولیم ڈویژن کی جانب سے جاری نوٹیفکیشن کے مطابق پٹرول کی قیمت میں 4 روپے 40 پیسے فی لٹر اضافہ کیا گیا، جس کے بعد پٹرول کی نئی قیمت 331 روپے 52 پیسے فی لٹر مقرر کر دی گئی ہے۔ ہائی سپیڈ ڈیزل کی قیمت میں 3 روپے 62 پیسے فی لٹر اضافہ کیا گیا ہے، جس کے بعد ڈیزل کی نئی قیمت 378 روپے 66 پیسے فی لٹر ہو گئی ہے۔
پیٹرولیم ڈویژن کے مطابق پیٹرول اور ڈیزل کی نئی قیمتوں کا تعین اوگرا کی جانب سے کیا گیا ہے جو آج رات 12 بجے سے کل رات 12 بجے تک نافذ العمل ہوگا۔ واضح رہے کہ گزشتہ روز حکومت کی جانب سے پٹرول کی قیمت میں 6 روپے 39 پیسے فی لٹر جبکہ ہائی سپیڈ ڈیزل کی قیمت میں 7 روپے 83 پیسے کا بڑا اضافہ کیا گیا تھا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار